Banner
Ориент експрес

Ќе нѐ уништи незнаењето и примитивизмот

wcСекогаш кога Македонија ќе стаса на некоја историска раскрсница ќе букне балканскиот примитивизам и простотија, разгорени од постојаните дежурни пиромани добро распоредени во престолнината и вдолж реките Брегалница и Вардар сѐ до вливот, па и понатака среде Белото Море. Чуварите на националниот идентитет и достоинството на шопјето кое стенка оковано во прангите на незнаење, беда и сиромаштија, дуваат силно врз никогаш неизгасената жар и палат огнови. Отвораат стари рани. И кога убаво ќе се разгорат пожарите, еве ги во првите редови да ги гаснат и да организираат потера против непријателите и предавниците на народот кој одвај преживува со по три кафени лажички пелин наутро, гнев напладне и катран навечер.

Редовно страдаме од ајдуци и арамии кои си го продале и брата си за пари, а кои се маскираат во патриоти, првоборци и народни херои. Тоа го гледаме и врескаме со години демек ги откриваме штетниците. Ќе речете, шооти, нема фајде. Е, не било баш бадијала. Почнаа да се одмрсуваат македонските состојби. „Мацедонише цуштенде“ е на добар пат да остане како црно петно во историјата.

Затоа треба да се каже јасно и гласно само напред кон Запад, кон Европа и гледајте во ретровизорот за да се одржува пристојно дистанцата од тие што влечат назад. Нема многу време за празни и јалови дебати. Треба храбро да се преземе одговорноста по цена на саможртва да се стаса што побрзо до целта. За тоа веќе има некои драгоцени искуства на кои бев непосреден сведок . Ако 1993 година се вратеше претседателот на државата Киро Глигоров од Њујорк, од Обединетите нации, како национален херој кој им кажал храбро „њет“ на нашите непријатели од меѓународната заедница збрани во ОН, да го чуваше националниот идентитет и гордост, да го отфрлеше жестоко тоа ФИРОМ од неговата маса во салата на Генералното собрание и дојаваше на бел коњ во Скопје три дена ќе игравме оро на плоштадот, а четвртиот ќе ја отворевме стручната расправа на аналфабетите и лажните патриоти дали може да влеземе во ОН со срамното име БЈР Македонија. Расправата на територијата која е ничија земја, ако не си членка на ОН, ќе траеше до ден денес броејќи предавници и патриоти определувајќи се за и против прашањето дали не се губи идентитетот на Македонскиот народ со името БЈРМ, за тоа дека никој нема право тоа да го направи без референдум, никој нема право да потпише капитулација, промена на уставот итн., итн…

Наместо тоа, стариот мудрец Киро Глигоров, вечно му име, си одржа историски говор првпат на македонски јазик во Генералното собрание на ОН, се развеа македонското знаме пред зградата на Ист Ривер. Македонија стана членка на ОН, историски датум кој во Македонија за неверување ниту се слави ниту се одбележува како што треба. Никогаш никој од силните бранители на националниот идентитет и територијалниот интегритет и националното достоинство не се обиде во Македонија да разјасни што ќе се случеше ако тогаш се прекинеше постапката за прием во ОН со привременото име БЈР Македонија, како што сега предлагаат некои луѓе чиј најголем аргумент за таа бесмислица што ја заговараат се титулите што ги ставиле како поважна додавка отколку нивното име и презиме.

Иако членството во ОН и Привремената спогодба со Грција, баш со тоа име БЈР акедонија се најголемите адути и за националниот идентитет и за јазикот бидејќи со самиот тој чин се признати од ОН и потврдени и од меѓународниот суд за правда и од 137 држави кои ја признаа Македонија под уставното име и ден денес се разгоруваат страстите дека тоа било голема грешка иако никој во изминатите рамно 25 години од приемот на Македонија во ОН ниту го загуби идентитетот ниту го почеша јазикот.

Следниот пример кој го живееме и боледуваме е во обратна насока. Наметнатиот спор за уставното име стана добра стратегија за предизборни активности и во Македонија и во Грција и одлично тесто за месење на народите како најдобро оправдување што останавме последни и најсиромашни на Балканот со неизвесна иднина. Од година во година целиот арамилак и заробувањето на државата убаво се затскриваше зад одбраната на уставното име. Не задушија властодржците со патриотскиот вознес во одбрана на името, јазикот и националниот идентитет. Цели 25 години изгубивме бранејќи го името и полнејќи ги џебовите на арамиите за да конечно стасаме првпат пред вратите на најголемите светски политички, економски и воени сојузи ЕУ и НАТО кои заедно со ОН се поголема гаранција за поизвесна иднина и постабилна држава отколку да си надвор од нив.

Болниот компромис ќе биде исто толку болен колку и името БЈР Македонија, а јазикот и идентитетот ќе ги загубиме исто колку што ги загубивме од името БЈРМ. Никој, ама баш никој нема да стане ниту „Горно Македонец“ ниту „Северено Македонец“ ниту, пак, некој ќе зборува на некој друг јазик ниту, пак, некој ќе ја нарекува нашата држава „Македониџа“, или некако неартикулирано како што деновиве карикираат некои загрижени за хигиената на нацијата . Напротив, не повеќе од десетина години по влезот на Македонија како членка на НАТО и во ЕУ ова историска ера повеќе од 30 години ќе биде одбележана како изгубено време на штета на граѓаните на Македонија кое сметано од 2008 година наваму кога беше реално да станеме членки на НАТО и од 2013 година кога заедно со Хрватска требаше да станеме членки на ЕУ ќе биде ненадоместливо уште долги години.

Зошто е толку значајно членството на Македонија во ЕУ и во НАТО прашуваат најчесто тие што не сакаат да ја видат Македонија во тоа друштво. Одговорот е многу едноставен –  не затоа што нема друга алтернатива, таква секогаш може да се најде особено полоша, не затоа што никој не ја ни нуди, туку поради фактот што ако Југославија ги прифатеше условите за влез во НАТО и во ЕУ кои беа експресно понудени од Брисел и од сите државници на Западна Европа и на Америка немаше да дојде до незин распад. Членка на ЕУ и на НАТО сѐ уште се нема распаднато. Тоа го знаеја тие што го спречија членството во ЕУ и во НАТО на Југославија. Тоа го знаат денес и тие што сакаат да го спречат членството на Македонија во ЕУ и во НАТО, а другите што не го знаат тоа, а работат на тоа да не се случи се корисни будали впрегнати во распадот на Македонија. Се разбира, помалку крвав отколку на Југославија, оти тука нема јунаци за гинење, туку само за сликање, за дебати и митинзи.

(Објавено во Независен весник)

Коментирај:

коментари:

Овој текст има 4 коментари

  1. nacional-patriot

    Koga nekoja drzhava blokira druga i ne i dozvoluva chlenstvo vo organizacijata vo koja se stremi,togas se sprechuva shirenje na organizacijata so drzhavata koja e blokirana i saka chlenstvo.Poradi toa,dali vinata za neshirenjeto na organizacijata e vo blokatorot ili vo blokiraniot?Nekoi kompromisieri,a za avtoshovinistite se podrazbira,ja obvinuvaat Makedoniija deka e vinovna za nevleguvanjeto vo tie organizacii.Za niv ne e strashnoto toa shto Atina bara menuvanje na imeto na drzhavata,na imeto na identitetot,na imeto na jazikot,tuku vinata spored niv e vo Makedonija zatoa shto odbiva da podlegne na ucenite.Pa ne mozhe zaradi toa da ne se dobie vpechatok deka na niv ne e im e tolku do chlenstvoto,tuku im e vazhno obezlichuvanjeto na Makedonija,Makedoncite,makedonskiot jazik.A nivnoto verglanje,mantranje za chlenstvo vo NATO i EU e samo paravan za nivnite vistinski zhelbi.Ako ova ne e taka,togash zoshto nikoj od niv ne ja obvinuva i ne i se luti na Atina za blokiranjeto?Jas ne sum slushnal nekoj kompromisier da i zameri na Atina,ama vistinsko zameruvanje,a ne niz zabi,sramezhlivo.Duri i sekoe leto si odat na Halkidiki,tamu kaj blokatorot na evroatlantskite integracii za koi tie demek silno se zalagaat.Drzhavata koja go blokira shirenjeto na NATO i EU ne mozhe a da ne se nareche antizapadna.Takva e Atina,no i Sofija kje prodolzheshe so blokadata ako rezhimot vo Makedonija ne i izlezeshe vo presret i ne podlegneshe na ucenite.Na tie sosedi pobitni im se nivnite interesi od interesite na evroatlantskite zalozhbi preku primanje novi chlenovi.A toa shto nema raspagjanje na drzhava koja e chlenka vo tie organizacii e samo zatoa shto sekoja vlast vo nekoja takva drzhava ne pravi otstapki i ne podlegnuva na razni uceni i baranja koi bi bile na shteta na drzhavata i koi bi predizvikale narushuvanja na sistemot,kohezijata so shto bi bilo predizvikano rapagjanje na nekoja drzhava chlenka.Ako vlasta,na primer vo Shpanija,prifati nezavisnost na Katalonija,a so toa predizvikuvanje domino vo drugi shpanski regioni,Spanija bi se raspadnala i nejzinoto chlenstvo vo NATO i EU ne bi bile od polza za nea.Drzavite ne se raspagjaat vo tie organizacii zatoa shto ne se pazarat i ne pravat otstapki na shteta na drzhavnite i nacionlni interesi,a ne zatoa shto se chlenovi.Toa shto ne se slavat i ne se odbelezhuvaat godishninite od chlenstvoto na Makedonija vo OON e zaradi toa shto se stana chlenstvo,sprotivno od pravilata na OON koi shto vazhea i vazhat za site drzhavi chlenovi,osven za Makedonija.Chudno e ako se slavat godishninite.Ne treba da se postavuva prashanjeto dali se zagrozuva identitetot na narodot so referencata Former Yugoslav Republic of Macedonia,zatoa shto jasno e deka ne se zagrozuva ni nazivot na identitetot,ni nazivot na jazikot poradi dve prichini.Prvata e bidejki referencata e so status na privremenost,a vtorata prichina,pobitna,e zatoa shto vo referencata nema geografska dodavka i pobitno,nema do imeto Makedonija.Referencata samo prikazhuva deka R.Makedonija bila porano del od Jugoslavija.Dokolku se prifateshe geografska ili vremena dodavka,odnosno odrednica do imeto Makedonija e togash kje go zagrozeshe idnetitetot.Takvi dodavki za bilo koe drugo etnichko ime na nekoja druga drzhava osven shto bi i go namalilo znachenjeto na nivnoto ime,bi go zagrozile i identitetot na nivniot narod.Vprochem,Atina bara dodavkata da vazhi i za identitetot i jazikot.Ne im vred(eshe)i spinuvanjeto na kompromisierite deka ne bi se zagrozil identitetot i deka vo prashanje e “samo” imeto.Pa i deka jazikot e toj sho e i ne mozhe da se smeni.Da,ne mozhe i Atina ne ni bara da se smeni(toa e nevozmozhno),tuku bara smena na nazivot i za jazikot,odnosno obezlichuvanje.Koga kje go donese predlogot Kodzias so ovie uceni i bezobrazni baranja,togash i na vechnite optimisti za ova koi se ushte si zhiveat vo prvobitniot film kje im stane jasno kolku e chasot i deka ne se stanuva sojuznik kako shto posakuva Nikola Dimitrov so neprijatelska nastroena drzhava koja ti go negira imeto,etnichkoto poteklo,negira toa shto si.

  2. Stojanovski Todor

    Gospodine Nacional patriot, so ogled na dobro sroceniot komentar, dali bi mozhele neshto slichno da komentirate za godinite nanazad (tocno 12-set na broj) pa da ni dadete edna ubava analiza za toa shto napravi mojata isto

  3. Stojanovski Todor

    i tvoja Makedonija za vlezot vo NATO, i dali go opravduvate nachinot na koj prethodnata vlast ne praveshe ama bash nikakov napor vo taa smisla, ama zatoa otkako si go zaradi trloto 2008 godina pochna ubavo da si gi strizhe ovchichkite

  4. nacional-patriot

    Ne sakam da ja branam prethodnata vlast,no za volja na vistinata,birokratite od NATO izjavija vo 2008 godina pred samitot vo Bukuresht deka taa vlada gi ispolni kriteriumite za chlenstvo na Makeodnija vo NATO,a ne stana chlenka poradi blokadata od Atina.Vo slednata 2009 godina,birokratite od EU izjavija deka vladata gi ispolni kriteriumite za pochetok na pregovorite so EU,no poradi blokadata od Atina,Makedonija ne gi pochna pregovorite so EU.

Leave a Reply

Your email address will not be published. Required fields are marked *