Во изминатите неколку години постојано низ поголемите градови на Македонија хараат банди ајдуци и арамии кои за неколку стотини евра ќе му ја запалат и постелнината на министерот за внатрешни работи, а не некој џип паркиран на улица.
Горат џиповите на деловни луѓе, на политичари, на новинари, на полицајци, на доктори, на гангстери, на комарџии, на мафиози....Истрагите завршуваат со кревање на рамења, а и не се баш ревносни кога станува збор за џип на јавни личности. Чаршијата и кафулињата најчесто ја завршуваат истрагата прецизирајќи што е рекет, што е закана, што е освета, што е казна, што е неплатен долг, што е неверство, што е завист......Џиповите се најатрактивни за оправдување на злоделата бидејќи ја хранат сиромаштијата и бедата со примитивизмот: нека му е, мамата негова, арно му направија, од каде му џип.