Month: February 2019

Ориент експрес

Владеење на правото и кривото

Доцна стигнала веста до претседателот на Собранието Талат Џафери дека треба да се запали сијалицата на светилникот. Веќе било полноќ. Овојпат, судирот на Титаник со подводна карпа во сопствениот двор заврши со големи оштетувања. Бродот се полни со вода од повеќе дупки и ако не се закрпи брзо ќе потоне. Во право е Џафери кога кратко јасно и глупаво образложи зошто ова се случи. Вели, доцна сигнала веста да го запали светлото, затоа и немало потреба да се гласа, оти изгледа бродот заринкал порано. Башка некој од пратениците, ем коалиционен партнер, ем Албанец нешто му дофрлил што не му се допаѓа
Прочитајте повеќе »
Ориент експрес

Која врата не можеше да ја отвори Груевски?

Поради пропусти во истражниот затвор еден напумпан инцидент во споредба со ужасите во македонските затвори кога се нарачуваа тортури, се претвори во национален проблем број еден кој треба да го покрие големото злодело, тешкиот срам и да се попречи правдата по обелоденувањето на организаторите и нарачателите на крвопроплевањето на 27 април 2017 година. Знае ли некој во земјата кои се тие врати кои немаше да бидат отворени во Собранието, или било каде, ако од врховниот партиски штаб, претседателот на партијата и најмоќниот човек во државата, претседателот на Собранието, началникот на полицијата и министри издадат наредба за напад. Не само вратите, ќе се урнеа и ѕидовите на парламентот кога оваа машинерија на режимот издава директиви за спасување на Македонија. Тие сопственото спасуваање од законот го нарекуваат спасување на Македонија
Прочитајте повеќе »
Ориент експрес

Кој е Чаушеску, а кој Милошевиќ

Карикатурална е споредбата кој е македонски деспот, Чаушеску и Милошевиќ. Ние за тоа си имаме наша автентична единица мерка за мерење на чесноста и успесите која сè уште е на сила иако делува оддалеку. Се вика груевизам. Нема држава без правдата да ги стаса тие што се обиделе да ја урнат, да го нарушат уставниот поредок. Судските процеси и праведната разврска на сите покренати обвинувања од страна на Специјалното и на редовното јавно обвинителство се најзначајната работа што се одвива во земјата од која зависи нејзината иднина
Прочитајте повеќе »
Ориент експрес

Ајде да се лажеме и мразиме, само да се пазиме

Мала ранг листа на најголемите лаги со кои партиските пропагандисти и медиуми ќе ја мотивираат јавноста и ќе собираат гласови за изборна победа. Некои од лагите се евергрини, вечни, тие никогаш не се менуваат, а секогаш наоѓаат стари и нови обожаватели кои сакаат да веруваат во ветувањата и да бидат излажани. Така луѓето се чуствуваат подобро до следните избори кога пак ќе бидат многу уважени и значајни
Прочитајте повеќе »
Ориент експрес

И по Ѓорге, Гордана

По таткото проф Ѓорге Иванов кој 10 години ни се одолжуваше несебично и татковски за сè што за него направила татковината, сега, се разбира ако ја избереме, ќе ни се одолжува за сè што направила мајковината за неговата учителка и ментор, нашата натпартиска мајка проф. Гордана Силјановска. По таткото стаса и мајката. Македонија е спасена. И по Ѓорге, Гордана. Божемски исто како и по Тито, Тито, ама многу поразлично
Прочитајте повеќе »
Ориент експрес

Монструмите треба да се згазнат кога се мали

Чудовиштата најлесно се уништуваат кога се во ембрионална фаза. Ако се дозволи да станат големи, тогаш, веќе ништо не им можете. Тој филм го гледавме во живо со години. Актуелната власт нема право да се правда со споредби кој повеќе, а кој помалку крадел и ја ограбувал државната каса и државниот имот, кој бил поголем, а кој помал арамија.
Прочитајте повеќе »
Ориент експрес

Север не е само страна на светот

...Север е состојба на духот, патување со умот, промена на свеста, постудени глави, помалку емоции, помалку минато, повеќе иднина, помалку кавга и омраза, а повеќе работа и љубов, помалку крадење и корупција, повеќе чесност и правда, повеќе еднаквост, помалку делби, повеќе слобода и демократија, повеќе одговорност, почиста човекова средина, подобро воспитување и образование, помалку примитивизам, провинционализам и популизам, повеќе култура, помалку простотилак, повеќе почитување на вредностите, на луѓето и на живиот свет, поголемо разбирање за различните од себе. Север е ознака за мудрост, толеранција и компромис, повеќе пријателство со комшиите и со сиот свет...
Прочитајте повеќе »
Ориент експрес

Погрешна временска прогноза

При оживувањето на замрзантите диносауруси по милион години ќе се дознае дека Северна Македонија не значело и промена на климата со поларни температури на територијата од Табановце до Гевгелија. Не било тоа глобално замрзнување, туку затоплување. Она што е најточно во историјата на името на државата е што сите досегашни промени, Федерална, Народна, Социјалистичка, Северна, вкључувајќи го и привременото име во ОН, е несоборливиот факт дека единствената константа која е непроменлива се зборовите Република Македонија.
Прочитајте повеќе »
Ориент експрес

Силјановска како Јанус со две лица

Од доктрината на професорката Силјановска во трка за натпартиска кандидатура во ВМРО-ДПМНЕ за претседател на државата разбрав како може човек од голем противник на сојузот со НАТО и на Преспанскиот договор, полн со неприфатливи отстапки кои го обезличуваат македонскиот народ под човечко достоинство да се прифати капитулантски договор со катастрофално штетни последици по националните интереси кои допрва ќе излезат на виделина, сите до една научни откритија на професорката, да упати честитки за големиот историски успех Македонија да стане членка на НАТО со добра изгледност набргу да ги почне и преговорите. Не се чудете. Во тоа нема ништо изненадувачко. Не го честиташе успехот професорката Силјановска, туку Јанус, второто нејзино лице
Прочитајте повеќе »
Ориент експрес

Никој нема да го смени договорот од Преспа

Ниту Христијан Мицкоски во Македонија, ниту било кој друг и кај нас и во Грција, ама баш никој нема да го чепне Преспанскиот Договор. Тој уште неколку години додека Македонија не стане членка на ЕУ ќе служи за квазипатриотски предизборни говори и лаги. Шансите на опозицијата за враќање на власт и за победа на претседателските избори се во подговеноста да се осуди бандата од партискиот врв која ја попречува правдата и бега од земјата. Шансата е и во тоа да се понудат подобри решенија за забрзување на реформските процеси и да се скрати времето за влез во ЕУ, а не во попречување на првадата, во лагите за поништување на историскиот договор и укинување на веќе стекнатите демократски права
Прочитајте повеќе »