Banner
Ориент експрес

Ципрас за претседател

Помислата Алексис Ципрас да биде наш претседател е рефлексија која ми предизвика убаво чуство по неговата изјава директно насочена кон ЕУ и Брисел. Грчкиот премиер на европските демокарти им порача: „одбивањето на почетокот на пристапни преговори со Северна Македонија, по сето она што го постигнавме со историскиот договор од Преспа би била одлука во корист на силите на назадувањето и национализмот на товар на политиката на напредок, мир и пријателство на народите.“ Ете, тоа им го кажа Ципрас на европските социјалисти како опомена и загриженост од опасностите што се надвиснале од радикалната десница над Европа. А, што кажуваат нашите тазе десничари. Многу полоши работи од европските радикали
Прочитајте повеќе »
Ориент експрес

Не е во прашање ни Катица ни СЈО

Најдобро засолниште на носителите на организираниот криминал, на корупцијата, на нарушување на човековите права и слободи, на изборните измами, на подривачите на општествено економскиот поредок, стана партиската борба за владеење на правото. Заглушува и оќоравува ѓурултијата што се крева на сите страни за владеење на правото. Македонија стана земја со најгласна определба за почитување на законите, а со најмалку затвореници од политичкиот врв кои се сторители на тешки кривични дела
Прочитајте повеќе »
Ориент експрес

Вучиќ ги плаши Србите со „македонско сценарио“

Малку, малку, па ќе им се навртат на Македонците претседателот Александар Вучиќ и неговиот министер за надворешни работи Ивица Дачиќ за да им кажат на своите домашни политички противници и критичари кои во владеењето на Вучиќ препознаваат режим, колкава „Баба Рога“ е Македонија. Ја плашат Србија да не биде како Северна Македонија, а во суштина од настаните кај нас како невакцинирани политичари од морбили се плаши Вучиќ, а не Србите
Прочитајте повеќе »
Ориент експрес

Ни Нирнбершки ни кафкијански

По последните поресуди, изгледа дека политиката ја препушта правдата на судството, иако кога е во прашање судирот на политиката и правото рано е да се даваат оценки и оптимистички закључоци. Политичкиот црн пазар од Апелација до Врховен суд може повторно да проработи. Третото крвопролевање во Собранието, ако останат неказнети, се очекува Христијан Мицкоски да го опише како палење на Рајстагот од комунистите. Сепак нешто помал е срамот кога професор по уставно право и претседателски кандидат не знае што означува кафикајнски процес од професор по физика, кандидат за премиер, кога не знае што значи Нирнбершки процес
Прочитајте повеќе »
Ориент експрес

Медената земја на Атиџе од Македонија

Во наездата на груба политичка пропаганда, во изобилие на примитивизмот, на лаги и омраза ајде малку да се порадуваме на нешто добро, пардон одлично, светски вредно. Денешната колумна е посветена на документарниот филм „Медена земја“, вистинска приказна за последната жена одгледувач на диви пчели во Европа. Тоа е приказна за нас, за планетата земја, за човекот, за природата, тоа е силна порака како да се спаси светот која ја испраќа Атиџе од Македонија. Тоа е супер планетарно актуелна, автентична, уметничка, научна, филозофска, поетска, литерарна, историска, еколошка, политичка сторија, искажана лаконски јасно и едноставно. Атиџе вели, земи половина од медот за себе, а половина остави им го на пчелите. Ако тоа не го напрвиш, пчелите ќе умрат од глад. Ако не и го оставиш и на природата нејзиниот дел, од тоа што треба да ја храни, ќе умре. Ако умре природата ќе умрат и луѓето
Прочитајте повеќе »
Ориент експрес

Дваесет години затвор за попречување на правдата

Во правосудниот систем го нема реформскиот закон број еден, главен столб на кој се потпира владеењето на правото во земјите каде законите важат подеднакво за сите, кој предвидува остри казни за попречување на правдата, во зависност од тежината на кривичното дело. Може да се донесе експресно со 61 гласа во Парламентот. Ќе биде многу интересно да се види кој е против. Тие што ја попречуваат правдата наместо да одат во затвор бараат од граѓаните согласност да управуваат со државата оти била загрозена слободата на водачите и креаторите на паднатиот режим, на носителите на злоделата и злосторнички здруженија, на главните босови на криминалот и корупцијата
Прочитајте повеќе »
Ориент експрес

Кој ќе победи, правото или политиката?

По обидите за разапнување на СЈО во земјата владее колективно миење за чисти раце и на носителите на власта и на опозицијата. Вакво масовно лицемерно лелекање и плачење за владеење на правото од тие што го задушија досега не е забдележано. Во лулката на организираниот криминал и корупција сите врескаат „држте го крадецот“. Изгледа се подготвува ново пишување на индулгенции и простување на гревовите. Само што овојпат црквата може да простува, ама граѓаните НЕ
Прочитајте повеќе »
Ориент експрес

Највалкана кампања досега

До први април кога ќе стартува предизборна трка, претседателските кандидати, особено тие кои имаат најголеми шанси да бидат избрани, Стево Пендаровски и Гордана Силјановска Давкова ќе бидат толку оцрнети што ако само 0.1 отсто е вистина од тоа што го слушнавме и допрва ќе го слушнеме и прочитаме за нив, тие не би смееле ништо друго да работат освен под постојан полициски надзор да го метат дворот и да ги мијат ќенефите во Идризово
Прочитајте повеќе »
Ориент експрес

Нема преговори со ЕУ без СЈО

Големи се силите и од лево и од десно, од носителите на организираниот криминал, од политичари кои седат на обвинителна клупа, во притвор, избегани во странство, но и во собраниските и државните фотељи, во владата, во врховниот суд и во други судски и политички спреги, во бизнис асоцијациите, во општините, во партиските штабови, кај старите и новите мафиози да се угуши големата надеж за владеење на правото, да се сотре СЈО, да се врати гангстерскиот режим управуван од политиката. Деновиве во Собранието ќе се открива вистината која сите ја знаеме, кој е за тоа Севрерна Македонија да биде правна држава, а кој е за спречување на правдата
Прочитајте повеќе »
Ориент експрес

Ни треба сенародно движење за Европа

Тие што го потпишаа Преспанскиот Договор треба и да го спроведат во практиката. Исто како што и тие што се против треба да го поништат. Нема ништо пологично и поправедно. Не може тие што се против да спроведуваат капитулантски договор штетен за националните интереси, ниту пак тие што се потписници да го поништат и да ја вратат земјата поназад отколку кај што беше пред 12 години. Вреди за ова да се размисли добро пред да се одлучи на кого ќе му се даде довербата. Се работи за иднината на државата и на граѓаните
Прочитајте повеќе »