Banner
Ориент експрес

Колку чини спасувањето на Груевски

nikola-gruevskiЦената за спасување на Никола Груевски и неговите најблиски соработници од затвор изнесува колку иднината на Македонија. Ова треба да го покаже собраниската дебата која почнува денес за уставни промени на сите што сè уште имаат дилеми зошто договорот од Преспа е документ од историско значење кој го одредува опстанокот, безбедноста и развојот на државата, го спречува распадот на Македонија и ја сместува во европското семејство. Гаранти за ова се мнозинството граѓани, 609.000, кои веќе се изјаснија. Не помалку силни гаранти се Европската Унија, НАТО, Обединетите нации и меѓународната заедница.

Наспроти нив е раководството на ВМРО-ДПМНЕ заедно со претседателот на државата кои одлучија да ја спречат правдата и да го заштитат поранешниот партиски врв, притоа вреднувајќи ја криминогената банда над државата. Толку за нивниот патриотизам. Тие лажни уставобранители, како свои сојузници ги прогласија сите кои од разни причини апстинираа на референдумот. И тие што се отсутни од земјата, и тие што се починати, и илјадници фантоми сместени во избирачките списоци од времето на ВМРО-МВРО и, се разбира, тие што бојкотираа по партиски налог.

Дали и пратениците на ВМРО-ДПМНЕ ќе ја прифатат директивата на партискиот врв и на нивните ментори кои седат секој ден на обвинителна клупа ќе се дознае наредните денови, но имајќи ги предвид вмровските директиви тешко е да се верува во успех. Дали храброста, историската одговорност и совеста на тие што ги знаат многу добро работите ќе биде посилна или, пак, партиската послушност и стравот од долгата, ама веќе осакатена рака на ВМРО-ДПМНЕ ќе се види во Собранието на очиглед на целата јавност.

Парламентарците на проевропските партии кои го сочинуваат мнозинството и кои веќе двапати го ратификуваа договорот со Грција, заедно со премиерот Зоран Заев уште еднаш треба да ги скршат во парампарчиња трите големи лаги со кои сè уште манипулира испоставата на претходното раководство на ВМРО-ДПМНЕ, а тоа е: дека тие се за ЕУ и НАТО, дека ќе направат подобар договор со Грција, дека се загрозени основните идентитетски обележја на македонскиот народ, дека се менува името на државата.

Бесмислена е определбата за членство во ЕУ и во НАТО ако не се прифати договорот од Преспа и уставните измени во согласност со договорот. Тоа веќе го кажаа сите надлежни институции и на НАТО и на ЕУ и многубројни светски државници, дипломати и авторитети докажани пријатели на Македонија, но и на ВМРО-ДПМНЕ. Категорично без резерви е кажано нема влез во НАТО и почеток на преговори со ЕУ без уставни промени. Ова што е разбирливо и за деца од основно училиште, раководството на ВМРО-ДПМНЕ го одбива арогантно заедно со сите последици за иднината на Македонија. Не постојат позначајни институции и сојузи во светот од ОН, НАТО И ЕУ, вклучувајќи ги тука и највисоките државници чии земји ги сочинуваат овие сојузи, кои не се обратија изминатите месеци до Македонија и нејзините политички лидери, но и до сите граѓани. Остана уште да се јави лично господ и да ги замоли арамиите да имаат повеќе разбирање за својот народ. Длабоко сум убеден дека најмалку половината од пратениците на ВМРО-ДПМНЕ се свесни дека без прифаќање на договорот не се можни евроатлантските интеграции, а целиот состав на партискиот врв знае дека не е можен подобар договор од овој. Нивната измама во овој случај е наметнатата заблуда дека ќе победат на вонредните парламентарни избори и дека ќе оживеат режимот на Груевски.

Втората лага која уште упорно се пласира по социјалните мрежи и која главно ја готват и одработуваат националисти, шовинисти и таканаречени „корисни будали“, а тоа е дека Македонците со прифаќање на Договорот го губат националниот идентитет и повеќе нема да бидат Македонци, го губат јазикот, државјанството и својата историја. Ништо од ова, ама баш ништо не се губи. Националната припадност е универзална категорија и никој не може да им забрани на Македонците да бидат Македонци. Тоа е кажано милион пати.

Македонскиот јазик не е признаен само од ОН уште 1977 година, туку многу порано од лингвистичката наука како еден од индоевропските јазици, како еден од словенските јазици. Државјанството според договорот во сите документи на граѓаните е македонско. Што се однесува до историјата, таа конечно по повеќедецениско задоцнување се препушта на вистинските научници кои треба да ја очистат од идеологија и фалсификати кои направија пустош во главите на Македонците. Па така, ќе превладее сознанието дека не може да се брише историјата. Тоа што се случило, се случило и не може да биде поинаку, колку и да ја разубавуваат политичарите и инстант историчари кои пишуваат историја по урнекот направи сам. Ќе се бришат само фалсификатите со кои се преполни историите на сите балкански народи и држави.

И конечно лагата со промената на името на државата. Се работи за манипулативна полувистина. Суштинското име на државата МАКЕДОНИЈА останува негибнато. Отстапката е во додавката северна. Над 20 држави во светот имаат географски додавки и кај ниту една по тоа не се одредува националната припадност. По една исцрпна дебата во Собранието треба сите во државата да се уверат дека не е во прашање ни договорот со Грција, ни членството во ЕУ и во НАТО, туку спречувањето на Македонија да стане дел од Европа поради спасување на Груевски и неговите соработници. Потоа треба да се оди на избори. Па нека избираат граѓаните што е повредно – државата или бандата.

(Објавено во Независен весник)

Коментирај:

коментари:

Овој текст има 10 коментари

  1. Ајван Доктор®

    При сите досегашни преговори македонската позиција одела удолу. Од првата варијанта сè до последнава, колку повеќе одолговлекувавме толку полошо стануваше за Македонија. Меѓународното признавање на Македонија е остварено со неколку меѓусебно поврзани документи од кои ниту еден не го исклучува оној другиот. Тоа се Извештајот на Бадинтеровата комисија, Резолуциите 817 и 845 на Советот за беззбедност на ООН, но и времената спогодба потпишана од владите на Грција и Македонија во 1995 година. Со самото тоа Македонија превземала обврска да ги испочитува сите овие документи, а ниту еден од нив не го исклучува оној другиот, па според тоа – таа е должна да ги почитува од првата до последната точка. ВМРО-ΔΡΠΑΜΕ за една деценија успеа да ја ослабне безбедноста на Македонија од сите можни аспекти, преку уништување на УБК но и да ја уништи дипломатијата и да ја сведе на уметност на шарлатанство – прикажувајќи го тоа како голем успех за Македонија. Всушност беа вешти во бескрајното жонглирање на политичката сцена, а тоа ја засилуваше статус кво позицијата поставувајќи ја земјава на чардак ни на небото, ни на земјата цела деценија заглавена во каллта на имагинарното минато.

    Патем јавна тајна е дека признавањето во ООН со Резолуцијата 817 е потпомогнато од земји спонзори и тоа дека Македонија е признаена до декември 1993. година од сите членки на ЕУ под референцата „Поранешна Југословенска Република Македонија“, а не под уставното име како што упорно верглаат сите овие години „патриотите“.

    Договорот од Преспа го решава сосема поволно за нас прашањето на идентитетот, јазикот и името на државата, иако најдобро решение би била додавката Славо и во името на земјата и за името на нацијата (предложена како можно решение уште во 1993) која не само што би го зацврстила идентитетот туку и веднаш би дала до знаење дека ние немаме никакви претензии кон истоимениот северен дел на Грција. Со тоа ќе се заштитеа и оние Славофони во Грција кои се чувствуваат како Македонци, и оние „дечиња“ бегалци дојдени во Република Македонија по 1950 година која тогаш ја носеше додавката Социјалистичка.

  2. nacional-patriot

    Odlukata od Badinterovata komisija ne ja pochituvaa SAD i EU.Vo Januari 1992 godina,zaedno so Slovenija,beshe priznata Hrvatska,iako ne gi ispolnuvashe kriteriumite da bide priznata.Namesto Hrvatska,trebashe togash da bide priznata Makedonija.Atina ne ja pochituva vremenata spogodba,pa duri i ne ja ratifikuvashe vo parlamentot.

  3. Ајван Доктор®

    @nacional-patriotčence, Ти очигледно немаш поим од работиве штом ги спомнуваш Одлуката на Бадинтеровата комисија и Привремената билатерална спогодба со Грција. Бадинтеровата комисија е правна фарса (Питер Радан, австралиски академик и правник) со која е погазен членот 5. од Уставот на СФРЈ во кој се вели дека „територијата на СФРЈ е неделива и е составена од териториите на сите нејзини републики“ и дека „Границата на СФРЈ не може да се менува без согласност на сите нејзини републики и автономни покраини“. Проблемот на самостојна Македонија уште на стартот беа иредентистичките територијални претензии кон „окупираниот дел на Македонија“ во Грција, нејзиното име и сонот на малоумните дека му се роднини на Александрос „Македонецот“. Токму затоа сите документи носени во тој период со кој се земани кредити од ММФ и СБ за опстанок на државата се однесуваат на името „ПЈРМ“, па тоа е прифатено и како предлог за членство во ООН. Без таа референца Македонија немаше да опстане. Во 1992 е донесена уште една резолуција (795) со која се распоредуваат посебни воени трупи, цивилен и административен меѓународен персонал во ПЈРМ заради можноста од нејзино дестабилизирање и нарушување на мирот. Што се однесува до Привремената спогодба, таа е привремена и е потпишана во 1995 во седиштето на ООН во Њујорк и има важност и без ратификација, но предимство имаат Резолуциите СБ 817 и 845, според кои Македонија превзела ОБВРСКА да го реши спорот со името, а сè дотогаш ќе се нарекува ПЈРМ (FYROM).

    Ако сакаш можеме да одиме и поинаку со цифри: Грција во 2000 испратила во Македонија 480.000 евра на име помош за бегалците од Косово. Грчкиот план донесен за обнова на регионот предвидува за Македонија да одвои 74.84 милиони евренца. Треба ли да напоменам колку издвојува ЕУ за Македонија сиве овие години и колку и покрај ваквите издвојувања сме се задолжиле!? Па, што мислиш, ќе трпиш ли ти некого постојано да издвојуваш за него, а тој да одбива да те послуша?

  4. nacional-patriot

    I ponatamu prochitanoto pogreshno go razbirash.Toa ti stana hronichno.Mojot komentar ne se odnesuva na toa dali komisijata go ispochituvala ili ne ustavot na Jugoslavija,tuku se odnesuva na nepochituvanjeto na komisiskata odluka od strana na SAD i EU.Makedonija nemashe iredentistichki pretenzii sprema Atina.Imashe kaj nekoi poedinci i partii takvi afiniteti,no nikogash kaj makedonskoto rakovodstvo.Osven ako pod iredentizam,ti podrazbirash pokazhuvanje grizha za makedonskoto malcinstvo vo sosednite drzhavi.Voenite trupi od OON,koi bea rasporedeni na severnata granica,a mislam deka imashe i na zapadnata granica,bea dojdeni na baranje na Makedonija,poradi stravot od srpska agresija.No chudno beshe shto tie mirovnici za takva misija bea slabo naoruzhani.Ako privremenata spogodba ima vazhnost i bez ratifikacija,togash zoshto makedonskoto sobranie ja ratifikuvashe? I fakt e deka Atina ne ja pochituva i toa e dopolnitelen argument deka ne smee da i se veruva.A vo dokumentite od OON,chinam deka ne ja pishuva referencata so skratenica,tuku cela.Toa shto i pokraj izdvojuvanjeto od EU za Makedonija,zadolzhuvanjeto e golemo i ponatamu se prodolzhuva so zadolzhuvanjeto,znachi deka tie izdvoeni sredstva od EU ne se dovolni.

  5. Ајван Доктор®

    Токму така @nacional-patriotčence, Се врати наназад низ времето (прашање е дали воопшто си бил и роден тогаш) обидувајќи се да ми посочиш дека САД и ЕУ не испочитувале некоја одлука (онаа на Бадинтеровата Комисија), а јас ти посочив дека таа одлука го крши меѓународното право вмешувајќи се во внатрешните работи на суверена држава која едвај чекаа да ја растурат. За да ти биде појасно: сите републики кои дотогаш прогласија независност го сторија тоа неуставно, мешајќи го намерно правото на народите за самоопределување до отцепување со некакво право на републиките за самоопределување и отцепување, што предизвика крвава разврска на кризата.

    Самите власти во Македонија го побија Бадинтер измислувајќи надворешна закана по границите на Р Македонија со што ја вметнаа во графата „несигурни држави“. Шетањето на борни возила низ градовите, со тежок митралез на кровот спремни да запукаат, не се совпаѓа со твојот термин „слабо наоружани“. Можеби не шетаа така во Скопје, но во Гостивар, Тетово, Куманово… гасеничарите не можеш да ги наречеш „лесно вооружување“.

    Дали Поранешна Југословенска Република Македонија сум ја пишал како кратенка (ПЈРМ), на македонски или на англиски како The former Yugoslav Republic of Macedonia (FYROM) е сосема ирелевантно – кратенката е општопозната и прифатена и се однесува и одговара токму на македонскиот израз Поранешна Југословенска Република Македонија. Што се однесува до ратификацијата на Привремената спогодба од 1995 – ако таа не е ратификувана во грчкиот парламент (како што тврдиш) тогаш зошто Македонија би тужела неважечки документ пред судот во Хаг!? Судот во Хаг едноставно не би ја прифатил таквата тужба бидејќи таквата тужба би претставувала ирационален трошок. Тој не е како македонскиве судови кои процесуираат тужби без основ.

  6. nacional-patriot

    Vo Januari 1992 godina,Jugoslavija vekje beshe raspadnata.Prethodno,Srbija brzo se otkazha od Slovenija posle vojna koja traeshe deset dena,se otkazha i od najgolemiot del od Hrvatska,osven od Krajina i istochna Slavonija.Pa togash koj ustav beshe skrshen od taa komisija?Srbija se otkazha od toj ustav so tie nejzini postapki.Shtom narodite vo Jugoslavija imale pravo na samoopredeluvanje do otcepuvanje,togash toa pravo go imale republikite.Kako mozhe narod da ima pravo na samoopredeluvanje i mozhnost da se otcepi,bez teritorija,odnosno Republika?Nesigurni i ne samo nesigurni,tuku i destabilizirani republiki bea Hrvatska i BiH,a sepak bea priznati.Hrvatska zaedno so Slovenija,a podocna BiH.Mozhebi UNPROFOR ne beshe slabo naoruzhan,no sepak tie imaa nabljuduvachka misija.Irelevantno e kako si ja napishal referencata,no relevantno e kako e napishana vo OON,a mislam deka e napishana cela,a ne so famoznata kratenka.Privremenata spogodba za sudot vo Hag beshe vazhen dokument i pokraj faktot deka ne e ratifikuvana vo Atina.Zatoa ja prifati tuzhbata od Makedonija i presudi vo nejzina korist.

  7. Ајван Доктор®

    Ете, повторно грешиш. СФР Југославија постои сè до 27 април 1992 година кога Црна Гора и Србија создадоа Сојузна Република Југославија. Значи ― не е „во јануари 1992“. Во март Босна и Херцеговина прогласи самостојност. Во случајот на Југославија не е испочитуван принципот на територијална целовитост и нејзините меѓународно признаени граници. Спротивно на меѓународното право, републичките граници (кои имаа единствено административна функција и беа административни, а не државни граници) кои никогаш не беа правно утврдени и обележени станаа граници на суверени држави. Правото на народите на самоопределување го поврзаа со федералните единици и тие станаа негови носители. Основно ― ниту една од овие републики не беше национално чиста, а народите таму живееа (и живеат) измешани со векови.

    Повторно, привременото име на Р Македонија (штом веќе ситничариме) „за сите цели“ е: „the former Yugoslav Republic of Macedonia“ (Поранешната Југословенска Република Македонија), што значи не е ни Former (Поранешна) Yugoslav Republic of Macedonia туку the former (Поранешната) Yugoslav Republic of Macedonia и според редоследот во Обединетите Нации е поставена под „Т“, а не под „F“ ниту под „M“. Објасни ми која е разликата помеѓу Former Yugoslav Republic of Macedonia и FYROM, освен што ова второво е кратенка на она првоно? (!?) Дури и на твојата тастатура од Виндоусот македонскиот јазик се води како Macedonian (FYROM)!

    Невозможно е Меѓународниот суд во Хаг да прифати неважечка (нератификувана) спогодба и по неа да води парница. Тој работи според меѓународното право, а тоа пак право вели: она што не важи не подлежи на судски спорови! Патем, пресудата во однос на тужбата за прекршување на договорот на судот во Хаг нема никакви, повторувам ― никакви правни обврски за тужениот! Таа нема никакви последици ниту врз асоцијациите кон кои се стремиме токму затоа што се однесува токму на еден член (и првата точка) од тој билатерален договор! Во меѓувреме, Македонија ги кршеше сите останати точки во поглед на употреба на симболите (Вергина), како и онаа за присвојување историја и територијални претензии кон „првата страна“. Истиот не ја анулира декларацијата на ОН во која сме влезени под називот ПЈРМ, ниту ги менува нашите обврски кои произлегуваат од неа. Напоменувам ― Македонија превземала ОБВРСКИ кои МОРА да ги ИСПОЧИТУВА. Очигледно, целата бајка околу тужбата пред судот во Хаг беше наменета за домашна (зло)употреба.

  8. nacional-patriot

    Ti greshish.SFR Jugoslavija prestana da postoi vo 1991 godina,togash koga Srbija se otkazha od Slovenija i od golem del od Hrvatska.Toa skratenoto shto ostana,pa se do formiranjeto na SRJ,ne beshe toa shto mislish.Zoshto da se pochituvashe teritorijalniot integritet i megjunarodno priznatite granici na SFRJ,koga vekje beshe raspadnata vo 1991 godina?A vo Januari slednata godina samo se konstatirashe faktichkata sostojba.Delumno,zatoa shto ne se prizna togash Makedonija.Posle ustavot od 1974 godina,republikite,pa duri i pokrainite,bea kako drzhavi vo drzhava.Normalno e shto pravoto na samoopredeluvanje na narodite e povrzano so federalnite edinici kade shto zhiveat.Razlikata pomegju celosno napishnata referenca i kratenkata na refrencata e tokmu toa,celosnosta i kratenkata.Iako Atina ne ja ratifikuvashe spogodbata,sudot vo Hag go prifati sluchajot.Sudot odluchi deka Makedonija ne krsheshe ni edna tochka od spogodbata.Nitu za koristenjeto na simbolot od Kutlesh,a presudeno e i deka ne krade istorija i deka nema teritorijalni pretenzii.Makedonija gi pochituva prevzemenite obvrski,no nekoi drugi toa ne go pravea,nitu go pravat.

  9. Ајван Доктор®

    @nacional-patriotčence, Упорно избегнуваш да ми одговориш на прашањето дали воопшто во 1991 година си бил доволно возрасен за да можеш трезвено да резонираш! За едни работи се држиш до легализмот како слеп за стап, за други по потреба. Ако кратенката не е соодветна за тоа под кое име се води Македонија, тогаш за официјален престанок на соодветна држава се смета моментот кога од неа ќе се формира нова официјално признаена држава, во случајов тоа е СРЈ без оглед што таа „не била тоа што јас мислам“. За да се „констатира фактичката состојба“ потребно е да се издаде таков документ. Кој е тој документ кој ја „констатирал“ фактичката состојба?! Србија никогаш не се откажа од Хрватска затоа што во неа имаше огромен број српско автохтоно население (за разлика од Словенија, која беше далеку покомпактна), па сходно на Уставот и законите – истото имаше право на самоопределување до отцепување исто како и она бројно српско население во Босна и Херцеговина. Границите на Социјалистичките Републики во нејзин состав (особено оние на Автономите покраини) никогаш низ историјата не постоеле како државни граници, па сходно на тоа (и покрај тоа што Уставот од 1974 им даваше поголема автономност) Републичките не можеа да бидат и државни граници, туку исклучиво административни. Југославија не се распадна самата од себе, туку плански – со сесрдна помош на ЦИА и останатите Западноевропски разузнувачки служби. Патем, САД со децении одвојуваа милијарди долари на годишно ниво за нејзино уривање, а планот е изготвен уште во 1952 година.

    Во Меѓународниот суд во Хаг не седат рабулисти како во македонскиов, па ако спогодбата не била верификувана (ратификувана) од грчкиот парламент таа би била неважечка, а според документи кои се неважечки не се води процес затоа што би предизвикал бесцелни трошоци, не само на странките кои учествуваат во него. Такво нешто може да се случи во Македонија, но никогаш низ правниот систем на Западот. Истиот не досуди „дека Македонија не крши ниту една точка од спогодбата“, туку дека Грција прекршила една точка од договорот“. Никаде не напишав дека „Сонцето од Вергина“ или било кој друг симбол бил предмет на тужбата, или на пресудата. Ајде, прочитај ја убаво реченицата. Обврската на Македонија е да го смени името во име кое нема да предизвикува конфликт со Грција, а Резолуцијата на ОН ѝ налага да го спроведе тоа, за да престане да се нарекува со привременото – ПЈРМ, или FYROM за сите цели на Обединетите Нации.

  10. nacional-patriot

    Uporno izbegnuvanje da se odgovori na prashanja e svojstveno za tebe.Pa na nekoi davashe odgovori otkako ti gi povtoruvav prashanjata.Bi ti odgovoril na prashanja,koi se odnesuvaat na temata za koja vodime polemika,a ne na lichni prashanja.Za da se rezoniraat pravilno nastanite od pred nekoe vreme,ne e bitno dali si bil roden ili dovolno vozrasen,tuku pravilnoto percepiranje na nastanite,otkako kje se zapoznaesh so niv.Jugoslavija,poradi faktichkata sostojba vo poslednite meseci vo 1991 godina,ne beshe so granicite od AVNOJ.Iako taa godina,ne beshe oficijalno opredeleno,no beshe jasno,pa poradi toa vo 1992 godina toa beshe i oficijano konstatirano.Deka SFRJ ne postoi,od zapadot beshe konstatirano pred formiranjeto na SRJ.Mislam deka Slovenija i Hrvatska stanaa chlenki vo OON,pred nastanokot na SRJ.I ponatamu pogreshno go razbirash napishanoto.Ne mislev na SRJ koga napishav deka ne beshe toa shto mislish,tuku na ostatokot od SFRJ so BiH,koja shto togash se ushte beshe del od skratenata Jugoslavija.I bez dokument vo 1991 godina,nadvor se konstatirashe faktot deka SFRJ se raspadna,pa oficijalniot dokument za toa,proizleze od Badinterovata komisija.Chitaj vnimatelno,jas ne napishav deka Srbija se otkazhala od cela Hrvatska vo 1991 godina,tuku deka ne se otkazhala od chetvrtina Hrvatska,kade shto zhiveeshe znachajno srpsko naselenie,a od ostatokot se otkazha i ja ostavi da si bide drzhava.Srbite vo Hrvatska i vo BiH nemaa pravo na samoopredeluvanje,zatoa shto nemaa teritorijalen administrativen entitet za vreme na SFRJ.Ustavot i zakonite vo Jugoslavija ne dozvoluvaa samoopredeluvanje na malcinstvata vo republikite.Jas ne napishav deka administrativnite granici na republikite bile drzhavni,tuku deka republikite i pokrainite bile kako drzhavi vo drzhava,a Srbija beshe i federacija vo federacija.Ima osnova vo tvrdenjeto deka zapadnite sluzhbi imaa udel vo dezintegriranjeto na SFRJ.Shto se odnesuva za spogodbata i nejzinoto procesuiranje vo sudot vo Hag,Atina nikogash ne ja ratifikuvashe spogodbata,no sepak toa ne beshe prechka sudot da go prifati procesuiranjeto na tuzhbata od Makedonija.Jas ja razbrav tvojata rechenica.Spored tebe,Makedonija go krsheshe delot od spogodbata za simbolot od Kutlesh.Atina barashe vo tekot na sudenjeto,na Makedonija da i bide ukazhano vo presudata deka go krshi toa,no sudot go odbi toa baranje na Atina,kako i atinskoto baranje za kradenje istorija.Sudot i toa baranje od Atina go odbi.A shtom sudot donese takvi odluki,toa znachi deka sudot donel odluka deka Makedonija nikade ne ja krshi spogodbata.Vo rezolucijata od OON ne pishuva deka Makedonija treba da go smeni imeto.

Leave a Reply

Your email address will not be published. Required fields are marked *