Banner
Ориент експрес

Ајде да клекнеме на колена …

vmro na kolenaАјде сите да клекнеме на колена и да им се помолиме на нивната светост – големите патриоти и преродбеници од ВМРО-ДПМНЕ, да не го спречуваат влезот на Македонија во НАТО, најмоќниот воен сојуз на светот. Да ги молиме и преколнуваме како чeсните сестри на мајка Тереза да се смилуваат на овоземните простосмртни грешници што се осмелија со предавство на татковината да ја остварат најголемата желба на револуционерната партија да ја видат Македонија како членка на северноатлантската алијанса, како што нè лажеа 11 години. Да ги молиме оти се поштедени да не бидат учесници и жртви на такво предавство и што навреме избегале од таа битка. Да ги молиме светците поканата за влез во НАТО да не заврши како тоалетна хартија во шолјата на претседателот на најпатриотската партија, ако нема амнестија за невино обвинетите ограбувачи на Македонија.

Засрамени, со гласна молитва на плоштадите ширум библиската земја како пред Господ, да побараме прошка од партијата, бидејќи без божји благослов на таткото на фамилијата се остваруваат најзначајните стратегиски цели на Македонија. Да признаеме колективно и јавно дека тоа што без нив се тргна во оваа офанзива да се освојат ЕУ и НАТО е голема грешка, бидејќи се виде дека ВМРО-ДПМНЕ, заедно со врховниот командант на вооружените сили, претседателот на Македонија, можат да го спречат тоа злосторничко здружување со НАТО и со ЕУ. За нив поканата е парче обична хартија која нема никаква вредност, ако не бидат амнестирани осудените за крвопролевање во парламентот на 27 април лани и се разбира, во пакет и тие кои се обвинети за други тешки злосторства и се жртви на монтирани судски процеси. Ако сите обвинети и осудени од врвот на ВМРО-ДПМНЕ добијат слобода и пресуда дека се невини, дека си ги задржуваат богатствата што ги стекнаа со макотрпна работа во служба на народот, тогаш севишните ќе кажат амин и за НАТО, и за ЕУ, и за договорот со Грција, и за уставни измени. Слободата е поважна од сè друго. Ако нема слобода, нема ни НАТО, ни ЕУ, ни договор, ни референдум, ни избори.

Ако не се прифати ултиматумот на семејството: прво амнестија, па сè друго, ВМРО-ДПМНЕ заминува во сенародно движење на отпорот и почнува борба за ослободување на Македонија, за зачувување на уставното име, на националната припадност, на македонскиот јазик. Смрт на предавниците, слобода на народот.

Да, ова би требало да биде пародија да се насмееме, бидејќи сериозните работи ако се прикажат на овој начин се многу забавни и можат да ја разголат до гола кожа бесмисленоста на постапките на луѓето кои одлучуваат за судбините на два милиони граѓани. Проблемот е во тоа што веќе ни козериите, ни сатиричните и хумористични приказни не предизвикуваат смеење, туку повеќе тераат на плачење, често и на лутина, барајќи го напразно одговорот дали е ова вистина и дали е можно ова што го слушаме и гледаме веќе година и кусур по падот на режимот на д-р Груевски, како граѓаните на Македонија се делат по живо ткиво со партиска анестезија, како омразата и нетрпеливоста стануваат ужасно секојдневје.

Да не се делиме повеќе на ваши и наши, повика новиот лидер на ВМРО-ДПМНЕ, Христијан Мицкоски, од улица во Струмица. Штета што не додава посилна поента, па да викне да престанеме да се делиме на предавници и патриоти. Изгледа му текнало дека тоа ќе беше ептен непристојно да ја деградира главната идеологија на сопствената партија. Со таа доктрина на непрекинато откривање непријатели ВМРО-ДПМНЕ воспостави 11 години режим кој ја спасуваше државата од домашни предавници и надворешни непријатели. Не беа тоа само ваши и наши, туку многу пострашно. Ептен го ублажи нивото на поделби Христијан Мицкоски.

Верувам дека во следниот јавен настап Мицкоски ќе ја појасни разликата меѓу неговите и приврзаниците на неговиот грчки колега Киријакос Мицотакис, кога велат дека договорот што го склучил Алексис Ципрас е големо предавство, бидејќи соседите добиваат сè, а Грција не добива ништо. А следбениците на нашиот Мицкотакис, викаат договорот што го склучи Зоран Заев е предавство: Грција не изгуби ништо, а Македонија изгуби сè. Од буква до буква исто обвинување во двете земји, само предавниците се различни, односно домашни. Демонстрантите во Грција прашуваат ако нашите соседи се Македонци, тогаш ние што сме. Не сакаат да бидат само Грци и Елини, туку и Македонци.

Протестантите во Македонија не прашуваат ништо, туку констатираат дека ако државата е Северна Македонија, тогаш тие ќе станат Северномакедонци. Многу мудро, иако тоа никаде не го пишува и таква националност не постои. Не допира до нив вистината дека националната припадност не е предмет на договор, тоа е универзално право на избор. За овие луѓе залудни се сите аргументи дека двете држави добиваат многу со храбрата одлука да го прифатат договорот. Колку што се посилни аргументите и фактите дека се одредуваат иднината и стабилноста на Македонија, толку полошо за нив, мислам за фактите. Голема среќа е што во Македонија мнозинството граѓани се за евроатлантски интеграции на земјата и како предуслов за тоа поддржуваат надминување на проблемот со компромиси, кои во некои сегменти се навистина болни. Ако добро се одработи информирањето на јавноста, тоа дава гаранции дека референдумот ќе биде успешен и потребното мнозинство граѓани ќе се изјаснат „ЗА“ европска Македонија. Но уште посреќна околност е што во Грција нема референдум каде што мнозинството граѓани се против договорот, ако може да им се верува на истражувањата на тамошното јавно мислење.

Знам дека во законите на Македонија има одредби кои санкционираат попречување на државните и националните интереси, за подривање на општествено-политичкиот и економскиот поредок и систем, ама не знам зошто јавните обвинители и институциите на правосудниот систем не гледаат опасност по интересите на државата од блокадите да не се остварат евроатлантските интеграции. Зошто попречувањето за навремено референдумско изјаснување на граѓаните не се третира како кривично дело и не се преземат постапки соодветни на законите. Доколку тоа е дел од парламентарната демократија, тогаш и Владата може да го попречи референдумот и да ја преземе целосно одговорноста за склучениот договор со Грција, а заедно со тоа да ја преземе и заслугата за членството во НАТО и почнувањето на преговорите за членство во ЕУ.

Во ваква ситуација кога однапред се минира слободното изјаснување на граѓаните со валкана кампања и невистини, со одбивање да се учествува во одредување на европска иднина на државата и со повици на бојкот, ваквиот потег може да биде неминовен и целосно оправдан. Не смее да се ризикува историската шанса. Последиците се несогледливи. Одговорноста на тие што ја создадоа шансата, а не ја реализираат, ќе биде многу поголема отколку на тие што ја попречиле. Механизмите за одлучување се во рацете на власта во вакви историски околности.

(Објавено во Независен весник)

Коментирај:

коментари:

Овој текст има 17 коментари

  1. nacional-patriot

    Vo toj megjupartiski dogovor ne pishuva ni deka postojat Makedonci vo smisla na etnichka pripadnost.Kako shto ne pishuva ni vo dogovorot pomegju SDS i Sofija.Univerzalno pravo e etnichkata pripadnost,ama takvo pravo e i imeto na drzhavata,pa ete ne se pochituva od nekoi.Kade e tvojata osuda za ubistvoto na Nikola Sazdovski?Ne si chul za toa?Ako beshe ubien nekoj Gega od Makedonci,verojatno kje vreskashe so osudi.

  2. Ајван Доктор®

    Цела година пропагандното тело на МВРО-ΔΡΠΑΜΕ труби како оваа власт е продукт на странски сили (уште ли бе!?), донесена и поставена од Сорос, ЦИА и компанија, но молчат за тоа како тие успеаа да опстојат цели 11 години без поддршката на истата таа компанија. Веројатно си мислат дека САД и останатите англосаксонски тајни служби кои ги урнаа Садам, Гадафи, Милошевиќ, Мубарак и редица други многу помоќни, далеку поелоквентни и позначајни, далеку побитни, посилни и помоќни владетели, се немоќни пред нивниот најумен визионерски караѓоз кој после цели 11 години конструирање фабули и пластографии за славното ни минато (за својот џеб) со кое наместо во Голијати нè претвори во Микролилипутанци кои сонуваат фантазмагории за големината. Дури пред изборите се сети да ја внесува Македонија директно во иднината, заборавајќи на кошмарното јаве кое ни го создаваше повеќе од цела деценија.

    Токму вчера, завчера, нивниот координатор на пратеничката група ни посочи дека тие воопшто не се против влезот во НАТО и во ЕУ, што значи дека целиот антагонизам и гнев против овие две асоцијации им е тешка лакрдија, истоветна со онаа за името-не-го-даваме. Единствениот проблем е што не успејаа да соберат поени на таа тема. Не е толку ни омразата против „грчишќана“ причината, оние „најголемите фашисти“, што наводно ги протерале и бомбардирале со напалм кој погаѓал само Македонци во купишта луѓе меѓу кои најмногу имало Грци. Напротив, со овој договор најмногу ќе добијат токму тие кои со години не земаа југословенско и македонско државјанство, надевајќи се дека еден ден ќе се вратат во своите домови кај нивните роднини во Грција. Единственото што се бара од нив е да го заборават своето наводно царско потекло и „фактот“ дека од нив настанале амебите, па дури потоа сите останати народи. Е, тоа е она најтешкото. Како на оние кои до вчера носеа опута, наеднаш да им пропадне сонот дека се родиле во барокни палати, со кондури, ајфони, ајпади, џипови…

    Јас, за разлика од нив не гледам никаков интерес за државата во евроатлантските интеграции. Не, додека Македонија е ваква црна дупка во која ништо не функционира, или… сè функционира, ама наопаку! Влезот со задникот во овие асоцијации повеќе ќе ѝ наштети на Македонија отколку што ќе ја спаси, или извлече од каллта во која е длабоко заглибена.

  3. nacional-patriot

    Rezhimite na Miloshevich,Sadam,Gadafi,bea urnati od SAD i negovite sojuznici so voena intervencija.Bez takva intervencija,verojatno tie rezhimi i denes kje postoea.Mubarak ne beshe simnat so podrshka od SAD,tuku naprotiv,SAD beshe neprijatno iznenaden od toa.Toj beshe nivni sojuznik do kraj.I proveri shto se sluchi so nego.Bez kompromitirachkite snimki za Gruevski i negovite sorabotnici,nemashe da bide soboren negoviot rezhim.Kolku SAD i negovite sateliti da se mokjni,ne mozhat da gi srushat od vlast nivnite protivnici po konvencionalen metod.Ni po legalen pat.A kje go urnea i Asad so voena intervencija ako ne se vmeshashe Rusija.Shto se odnesuva do onie,proteranite od belomorieto,ona shto se bara od niv za da im gi vratat imotite e da ne kazhat i ne napishat deka se Makedonci,tuku nekakvi Grci.

  4. Ајван Доктор®

    @nacional-patriotče, Ќе беше интересно да се гледа како ЦИА го соборува режимот на Гвујо со воена сила, а овие „храбро им се спротиставуваат“ и стојат силно „на браникот на татковината“. Силната македонска армија која во своето вооружување ги има вклучено сите наши три авиони за прскање комарци сигурно храбро ќе се спротиставеше на бројно помоќниот и посилен агресор. Тоа ќе беше најдобро изрежираната комедија до сега. Компромитирачки снимки за премиер, или претседател, или министер во некоја влада во нормални земји повлекува оставка на дотичниот веднаш од морални причини, под притисок на јавноста и на медиумите. Кај нас, на Гвујо и криминалната банда им требаа неколку години тврдејќи дека гласовите ги позајмиле Таска Балабамова, Димче Мешковски и Божо Софрониевски, имаа целосна поддршка од одредени медиуми, а во народот (и простите аналфабети, и оние учените недоучени научници) ги прогласија за херои кои ете, злобниците им наместиле „сечени, лепени и монтирани“ снимки, кои всушност самите си ги снимиле од неукост само затоа што Гвујо сакал да дознае повеќе за приватниот живот на своите соработници и нивната идеолошка подобност.

    Што се однесува до Егејците („Беломорците“), нивните имоти во најголем дел ги поседуваат нивните браќа, сестри и најблиски роднини кои ги имаат неколкукратно зголемено нивниот габарит со труд и пот, па тие се најголемите противници за враќањето на имотите, никако државата, а во Грција приватниот имот е светиња. Не случајно само оние од северот бараат референдум за договорот од Преспа.

  5. nacional-patriot

    Sovremenite i sofisticirani fashisti od Pentagon mozhebi nemashe taka drastichno da se obidat da go srushat rezhimot na Gruevski,no ako nemashe takvi snimki,najverojatno kje gi aktiviraa nivnite kuchinja na vojnata(UCK),za da pochnat nova vojna vo Makedonija,za da gi donesat na vrvot ovie koi se sega na vlast vo Makedonija za interes na NATO.Shtom Gruevski znael deka e tolkav kabaetlija,morashe da se obide da ja izvleche Makedonija,a ne da proba da se izvleche samiot sebe so odbegnuvanjeto vednash da se povleche.Zar toj misleshe deka i da pobedeshe so nad 60 pratenici na izborite pred dve godini,SDS i negovite mentori kje se otkazhea od snimkite i deka kje go ostavea na vlast kako nishto da ne se sluchilo?No negovata neintelegencija si go napravi svoeto.Barem sovetnicite da mu bea pametni.A mozhebi gi ignoriral nivnite soveti.Shto se odnesuva do Makedoncite so poteklo od belomorskiot del na Makedonija,Atina ima diskriminatorski zakon protiv niv za imotite.Pa taka dozvoleno e da se vratat tamu i da si gi vratat imotite,samo “Grcite po rod”.

  6. Ајван Доктор®

    @nacional-patriotče, Не удира фашист на фашист. Секако, ама оние од Пентагон што биле современи и софистицирани, со ништо не се разликуваат од овој нашиов ретро и трапав и несофистициран, прост фашиста кој го обучуваше БНД. Фингираната војна со УЧК-нацистите и ВМРО-истите од 2001 е продукт на делување на ШИШ и ДАНС, поддржани од ЦИА. Интересно е што и после сè, дури и оној криминал кој е очигледен – милионските суми за кули од стиропор и аматерски споменици на луѓе со сомнителна македонштина наплатени како да се градени од злато и драг камен – ти изразуваш сомнеж во неговата кабаетливост. Очигледно си негов поддржувач штом толку го жалиш.

    Сите ли Македонци по потекло од Егејска Македонија беа богаташи и имотни, па сега сите редум си бараат имотите!? Вистината е дека повеќето од нив си биле аргати на туѓи имоти и тешки сиромаси. Имотите на оние кои воопшто имале нешто (најмногу 10% од пребеганите во Источниот блок) се останати во сопственост кај нивните роднини и не се одземени од државата.

  7. nacional-patriot

    I da beshe povtorno aktiviran UCK vo Makedonija,ako gi nemashe snimkite,teshko deka bi bila srushena taa vlada,bez kompromitacija,bez skandali.Ne znam po shto zakluchi deka Gruevski e ili bil fashist i ne znam dali BND go obuchuval.No znam deka BND zaedno so CIA ja obuchuvaa,verojatno i ja formiraa UCK.Tezata deka vojnata vo Makeodnija vo 2001 godina bila fingirana,ja zastapuvaat onie,pretezhno levoorientirani spodobi vo Makedonija,koi sakaat da se prikazhe deka UCK ne ja pochnala vojnata,tuku rezhimot na Ljubcho ili isto idiotskata teza deka Gegite bile obespraveni,pa UCK se borela na stranata na ugnetenite.Koja e taa vlast koja bi inicirala vojna za da si go narushi komoditetot?I vo shto bea obespraveni Gegite koga gi imaa pravata neshto povekje i od megjunarodnite standardi?Deka gi imaa pravata,toa go potvrdi i badinterovata komisija.Taa vojna ne beshe fingirna,tuku napad na UCK od Kosovo so podrshka od jataci vo Makedonija so cel osvojuvanje teritorii,a ne prava.I sekako deka beshe podrzhana UCK od stranski razuznavachki sluzhbi.A za Gruevski,jas znam deka toj e kabaetlija,odnosno svesen e kakvi gluposti iznapravi i poradi toa jas mu se lutam,a ne go zhalam i podolgo vreme ne sum negov podrzhuvach,kako i na negovata partija.Za Makedoncite od belomorieto i ne samo za niv,ne znachi deka se bogatashi shtom imaat imoti.Ako nekoi od niv bile argati na tugji imoti i ako se siromasi,ne znachi deka nemale ili nemaat svoi imoti.Dali si videl ili slushnal nekoj Makedonec so poteklo od toj kraj,da si go ima imotot vo negovo vladenie,a Atina da ne mu go odzela ili da mu go vratila?Jas ne sum zabelezhal takvo neshto.

  8. Ајван Доктор®

    Интересно, па ти не си ја сфатил основната поента на владеењето на Гвујокио. Што друго беше тоа, ако не фашизам!?: Што беше онаа факелијадана по повод отворањето на Музејот на фашизмот (на ВМРО и на „жртвите од комунизмот“ и што уште не) идентична со факелијадите на Хитлер во ’30-те години од минатиот век? Постојат научни трудови кои го анализираат егзистирањето на фашизмот во денешни „наши“ услови. Наведени се неговите основни специфики: силен и континуиран национализам, презир кон човековите права и слободи, пребарување и пребројување внатрешни и надворешни непријатели… Воспевањето харизматичен лидер, за кого се вели дека поседува натчовечки способности и дека единствено тој може да ги застапува и да ги сочува националната култура и посебност („на браникот на татковината“), па оттука, неговата реч претставува закон. Се акцентира и неопходноста од национално единство, за чии потреби се зајакнуваат тајната полиција и цензурата, вон сите уставни ограничувања, а сето тоа се поставува под апсолутна доминација на лидерот и неговата политичко движење, или партија, се измислува историографија од постанокот на светот која всушност е чиста пластографија и редица други особености, да не ги набројувам ќе зафатат многу од текстов. Извини, ама ниту Хитлер, ниту Сталин, ниту Тито, ниту Иди Амин, ни Милошевиќ немале прв братучед за шеф на тајната полиција. Овој беше цели десетина години. Бившата УДБА прислушкувала не повеќе од 2.000 граѓани на целата територија на СФРЈ (изјава на бивши разузнувач), „нашава“ УБК на братучедите – преку 26.000! Секојдневно се доставуваа информации за подобноста на комшијата, на колегата од работа, па дури и за самите членови на Партијата. Полицијата е зголемена за најмалку 300 проценти од 2006 наваму. Бројот на кодошите и во комунизмот од 1948 беше помал. Општинските комитети располагаат со детали за одредена личност кои во нормална држава ретко кој ги знае. Карактеристично беше што во моментот на „пучот“ мојот другар доби преку 50 СМС пораки со иста содржина: „се собираме во 17:00 часот пред споменикот на паднатите бранители во Жена Парк…“. Животот во „славното минато“ и во митови (згора и туѓи) беше главна карактеристика. Така изгледаше животот 11 години под „демократската“ и „револуционерната“ „најмакедонска“ партија. Ти како да не си ни живеел тука во тоа време, или си бил детенце кое скоро пораснало, па ѝ се чудиш на мојата квалификација?

    Војната ја водеа македонски Албанци кои слободно си вежбаа (си вежбаат и сега) воени игри. Оној „советникон“ 11 години го држи Танушевци под свое, а видеуот „на најпатвиотската паутија“ не знаел! Во 2001 на новинарското прашање за униформирани лица на Шара, тогашниот лидер ЉуБчо (б’лгарски државјанин) ќе рече: „Тоа се некои униформирани ловџии, нема терористи на Шара.“!? И, што? Не знаел!? Некој го прелажал? Па како не го прелажаа за милијардите евренца што ги собраа со Снешка? Доста бившата Гоца случајно си доби висок орден за „заслуги за Б’лгарија“ и си стана „един најгољам пријател на Б’лгарија“. И… немало вмешаност на оние кои ги наведов?! Не била фингирана војната!

    Повторно ги спомнуваш Егејците и нивните имоти, демек не биле безимотни сите имале по нешто. Добро, нека ти биде. Штом имаат таму, кога Грците ќе им ги вратат (а ќе мораат кога ќе почнат да важат ЕУ законите и кај нас од месец „лимбург“, па натаму), ќе ги вратат ли имотите што ги добија га-га тука од „црниот комунизам“ и од „Србославија“, или немаат таква намера? Редно би било да ги поделат на оние бездомници кои се родиле тука.

  9. nacional-patriot

    Onoj shto go osuduva komunizmot,shto potsetuva na negovoto nedemokratsko vladeenje,ne znachi deka toj nekoj poradi toa e fashist.Od tie specifiki koi gi napisha,skoro site se karakteristichni za vladeenjeto i na deluvanjeto na Atina i Sofija,chlenki na NATO i EU.A devijaciite vo vladeenjeto na Gruevski gi znam.Nema potreba da mi gi pishuvash.Ushte ednash kje ti napisham deka povekje ne sum negov simpatizer.No zar takvi ili slichni devijacii nemashe vo site makedonski rezhimi od pochetokot na pluralizmot?I toa kako imashe.No mnogu krupni zdverki se izvlekoa.Toj nesuden sovetnik go drzhi Tanushevci povekje od 11 godini.A isto i koga dojde “zhivotot”.A Zaev sakashe da go nagradi.Ni Kvisling od Norveshka,ni Elcin,ni Jicak Rabin ne bi stavile nekoj takov za sovetnik ili za bilo shto drugo.Zoshto Ljubcho fingiral vojna koga togash zi zhiveeshe na “sedmo nebo”?Tolku li bil budala za da si go narushi toa so vojna?Isto toa se odnesuva i za negovite sorabotnici i uchesnici vo toj rezhim.Toa shto bile naivni i veruvale deka NATO im e prijatel,deka nema da dozvoli vojna i deka kje gi sprechi obidite za destabilizacija,ne znachi zaradi toa deka fingirale vojna.Pa poradi taa vojna Ljubcho si gi narushi odnosite so SAD i EU,a toj sigurno ne go posakuval toa.Zoshto SDS ne gi kazni Ljubcho i Sneshka za milijardite evrenca posle 2002 godina?Zatoa shto Branko napravi dogovor so nego za negonenje?Od Makedonija,najgolem prijatel na Sofija e Zaev,zatoa shto gi prifati sofiskite tolkuvanja na istorijata.Ama implementiranjeto odi teshko ili nikako.Shto se odnesuva za imotite na Makedoncite od belomorieto,ako Atina im gi vrati imotite,a treba da im gi vrati zaradi megjunarodnoto pravo,a ne zaradi zakonite od EU,togash neka gi vratat ga-ga dobienite imoti,ako navistina imaat na takvi nachini dobieni imoti.

  10. Ајван Доктор®

    @nacional-patriotče, „Повеќе не сум негов симпатизер“ значи дека си бил и си ги поддржувал неговите лаги и заблуди! Јас ниту сум, ниту сум бил поддржувач на Заев. Ниту пак некогаш сум членувал во Сојузот на комунистите. Иако три пати ме предлагаа одбив да станам нивен член токму затоа што истиве типови кои денес менуваат партиски книшки како чорапи, беа и тогаш „големи комунисти“ исто како што се сега „големи патриоти“. Сè заради личниот интерес и профит. Оној кој го осудува комунизмот заборава дека токму тој ја создаде државата Македонија, токму комунистите (и тоа не само Македонци, туку купишта инакви по род и од цела Југославија) се најзаслужни за ослободувањето од бугарофашистичкиот окупатор и наци Германија. Го заборава фактот што токму во комунизмот и во Југославија македонскиот народ почна слободно да се изјаснува како Македонци, токму тој е заслужен за кодификацијата на македонскиот јазик, за воскреснувањето на образованието, за сето она изградено после војната, за автономијата на Македонската православна црква… Комунистите го изградија Соборниот Храм во Скопје и седиштето на Синодот на МПЦ. Заборава дека токму со комунизмот многумина аналфабети се описменија (замисли, тоа не го сториле Кирил и Методиј), многумина добија општествени станови и ден денес живеат во нив откупувајќи ги по значително ниска смешна цена, добија можност да работат и заработат, сиромашните беа згрижени па добиваа можност да постигнат нешто во животот без да плаќаат за тоа. Работниците имаа право да одлучуваат за сè во фабриките, претпријатијата, имаа бесплатен одмор од 15 денови во работнички одмаралишта, често и задолжителен, а одморот изнесуваше 45 работни денови, со Југословенскиот пасош можеше да го прошеташ целиот свет, имаа бесплатно школство и здравство и, ако немаа за „Мерцедес“, секогаш имаа за едно „Фиќо“… И тоа беше лошо и недемократско владеење!? Тоа од 1948-та до 1952-та е последица на истите оние примитивни и реакционерни сили кои последниве 11 години го вратија времето наназад, па постапуваа идентично како оние од ’48-та барајќи внатрешни непријатели, вечно вадејќи се на делувањето на Софија, на Атина, Тирана, на Белград (Србите станаа „најголемите душмани“, потоа ги надополнија и „Грчиштана“ и „Шиптаранана“ и „клетите Турци“). Сите ни беа криви и виновни за секој „наш“ неуспех, а „успесите“ (и тие штелувани вештачки до облаците) беа исклучиво заслуга на „мудрото ни раководство“ особено на Пастирот.

    Велиш „зошто ЉуБчо би фингирал војна кога си живееше на седмо небо“!? Па по наредба, дете. Дојде моментот. Најлесно се краде кога ќе расфрлиш националистичка магла низ етерот и ќе ги потпалиш страстите. Тоа е димна завеса за лоповлукот. Познаваш ли нормална држава во која нејзиниот премиер, дури и да бил поранешен, зел државјанство од друга држава која континуирано низ историјата имала непријателски став и кон неговата држава и кон неговиот народ? НАТО не значи мир во куќа! Ако си до тој степен наивен и да веруваш дека НАТО ќе ти спречел војна во твојата држава и дека нема да дозволи некој да ја дестабилизира тогаш не треба ни да се нафаќаш да стануваш шеф на држава. Тоа значи дека си бил неспособен и недостоен да бидеш на таа функција, дека немаш поим од меѓународните односи, од геополитиката и од светската историја. Зошто тогаш се нафатил да ја извршува функцијата, ако целта не му била лукративна туку патриотска!? Не може наивноста да те извади затоа што твоето однесување донело тешки трајни последици за поголема група луѓе, да не кажам на штета на целата држава. Во пропадната држава која тој ја донел до таму, тој сега си ужива во стотиците милиони (не е милијарда, ама малку ли се!?). Сега, мува не го лази, па уште и раскажува колку ни било убаво во негово време и дека сите сме биле Бугари! Истото го тврдеа и голем број од водечките луѓе на сегашново ΔΡΠΑΜΕ (она кое 11 години ја носеше земјава кон дното), кои сега наеднаш, преку-ноќ се разбудија како новоосознаени автентични Македонци без Б’лгарска генеза.

    Не постојат „софиски толкувања на историјата“, таа не се толкува туку докажува, а фактите говорат дека ВМРО е формирана како инструмент на бугарската држава за враќање на териториите добиени од Санстефанскиот договор. Формирана е како Бугарска Македоно-Одринска Револуционерна Организација, па потоа ѝ е пропагандно итро променето името во ВМОРО и ВМРО. За цело време на нејзиното постоење работела во нивен интерес, а главната идеја водилка била „автономија на Македонија која потоа би се припоила кон „мајка„ Б’лгарија“. Првиот дел од идејата е нераскинлив со главната нејзина цел опишана во вториот нејзин дел! Тоа дека биле за некаква самостојна држава Македонија е најголемата наша историска заблуда!

    „Ако навистина на таков начин имаат добиено имоти“!? Не само што добија имоти сите до еден, туку и беа привилегирани во образованието и при вработувањето, а секогаш кога требаше да ги исполнат обврските кон тогашната држава се вадеа на тоа дека биле грчки државјани. Да не говорам што 80% од нив живееа лагодно со боречка пензија добиена со два сведока, иако немале ниту ден учество во единиците на ДАГ и ЕЛАС. Повторно ќе речам, нивните имоти се кај нивните најблиски роднини кои останале во Грција кога овие заминале во земјите од Источниот блок во договор со Коминформот. Нив им ги нема одземено државата Грција, туку роднините! Сето останато, како и приказната дека сите имале некакви големи имоти, е чиста измислица.

  11. nacional-patriot

    Sum bil negov podrzhuvach.Jas toa ne go krijam,ne go negiram.No ne smee da se bide slep simpatizer na bilo koja partija.Mozhebi ti ne si simpatizer na Zaev,no dali si na SDS?Blagosostojbata vo ekonomijata za vreme na komunizmot vo Makedonija,a i vo poraneshna SFRJ,beshe poradi kreditite koi zapadot mu gi davashe na Tito.Komunistichkoto rakovodstvo,kako i rakovodstvata vo Makedonija vo poslednite 27 godini,deluvaa od denes za utre,kupi den,pomini,bez da pravat strategii za podalechnata idnina.Vazhno im beshe dodeka se tie na vlast i zhivi,da bide ubavo,a za vrakjanjeto na kreditite da mu ja mislat narednite generacii.E taka verojatno si mislea.Komunizmot vo Makedonija ne beshe surov,brutalen kako vo drugi komunistichki drzhavi,no nemashe demokratija zatoa shto partijata imashe monopol so vladeenjeto. Po chija naredba?I da dobil naredba,toa znachi deka toj ne ja pochnal vojnata,tuku naredbodavcite.Ako imalo naredbodavci za pochetok na vojnata,tie dale takva nareba na teroristite od UCK.Jas imam samo losho mislenje za Ljubcho,no ne mozham da se soglasam deka toj fingiral vojna.Ako fingiral,brzo kje se zavrsheshe ushte vo i okolu Tanushevci.No teroristite ja proshirija teritorijata na deluvanje,a teritorijata na Kosovo im beshe logistika i mesto za zemanje zdiv i “polnenje baterii”.KFOR mozheshe toa da go sprechi,no ne sprechi,a shtom ne sprechi,toa znachi deka UCK imal dozvola od tie “mirotvorci”.Koga dojde na vlast,pred pochetokot na vojnata,Ljubcho ne pokazhazhuvashe nikakov makedonski nacionalizam,tuku naprotiv.Toj samo si ja stimulirashe strasta kon parite.Zoshto da fingira vojna koja e golem troshok?Taa vojna,ne samo shto za odreden period go sprechi negovoto bogatenje,tuku i negovata vlada beshe pred pagjanje,no SDS mu ja spasi so prifakjanje da bide posrednik megju VMRO-DPMNE i DPA.Negovata naivnost bidejki veruvashe deka NATO mu e sojuznik,mozheshe da go chini porano pagjanje od vlast.Poslednite godini si uzhiva so milionite,a SDS sega ima isti stavovi kako nego za odnosite so Atina i Sofija.Mozhebi i zatoa SDS mu ovozmozhi da uzhiva so statusot “sredno bogat biznismen”. Ne pishuvav za organizacijata i ne pishuvav za formiranjeto na istoriskoto VMRO . Si slushnal li nekoj Makedonec od belomorieto da se zhali od nekoj negov rodnina shto ne mu go vrakja imotot?Jas takvo neshto ne sum slushnal,ama sum slushnal deka se zhalat od Atina.Imotot i da e mal,imot e i treba da se vrati.

  12. Ајван Доктор®

    @nacional-patriotčence, Со самото тоа што си бил негов поддржувач докажуваш дека многу малку се разбираш во работите кои ги бистриш. Штом некој успеал да те заведе убедувајќи те во неговите лаги дека се вистинита приказна, очигледно е дека многу работи не знаеш. Пропагандна лага е дека кредитите го одржувале социјализмот. Имаше купишта фирми, општествени претпријатија, кои беа име не само за Источниот пазар туку и за Западниот и по квалитетот и по современоста (и дизајнот) можеа лесно да се натпреваруваат со нивните производи. Ќе ти ја спомнам само „Елан“, фирма која можеше да ја гледаш на сите светски скијачки купови. Демократијата, а така многумина си ја сфаќаат, не подразбира слобода да си правиш што си сакаш во заедницата со другите луѓе. Тоа можеш дома, па ниту таму ако живеете повеќе души. Демократијата подразбира почитување на законите и нормите поставени во општеството, секако, само ако тие се исправни и правични. Таа подразбира почитување на другиот, па дури и ако е поинаков од тебе во достигањата, статусот, по бојата на кожата, според нацијата, религијата, партиската определеност… Оттаму, да легнеше да спиеш на улица било каде во таа Социјалистичка Федерација, а да не те чепка никој и да не се плашиш дека ќе те ограби и убие некој, значеше слобода и демократија. Не е слобода, ако ти е страв штом се стемни да си го пуштиш детето да шета и игра со другарчињата. Монополот на политичката моќ од една партија, само се дисперзираше низ мноштвото партии кои сега цицаат од нашите џебови. Луѓето се истите. Од еднопартиски влеговме во дво-три-партиски систем, чии идеологии не се разликуваат меѓусебно многу, а она што ни го приреди ВМРО-дрпаџиска и силеџиска само говори дека нивните членови биле најголемите комуњари кои ја продуцираа главната девијација на социјалистичката идеја (секако со исклучок на оние родените после 1987 и ’90-те години на минатиот век). Замисли – Ѕинго им беше најголемиот пријател!(?) Не е демократија некому кој градел на диво да му ја легализираш градбата за ич пари. Не е демократија некому да му простиш убиства и силеџиства намерно извршени, како што не е демократија некој да тепа легално избрани пратеници и да ги исфрла од собранието тврдејќи дека тие не се народот, туку дека народ се само оние другите, нивните пратеници. Не е демократија некому да му дозволиш да ти гради кули од карти за да ги претопи државните (твоите и моите) пари во своите џебови и да мине неказнето.

    Тоа дека поим немаш за работава која ја бистриш ми го докажуваш и преку тврдењето дека војната го спречила ЉуБчо да се богати и дека не работел по наредба. Да! Тој беше и уште е марионета. Војните во светов носат најголеми профити за политичарите и бизнисмените вмешани во неа, наспроти тоа додатно ги осиромашуваат и сакатат обичните смртници кои живеат во тие земји оставајќи им долгогодишни лузни на омраза кон другиот, поинаквиот. Љубчо на власт дојде со паролата „сатари за Шиптари“ јавно искажана на митинг на неговата партија во Куманово (бев присутен), во раните ’90-ти. Набргу потоа, бесрамно тврдеше дека УДБА и КОС му подметнале таква реченица и дека тој никогаш не ја изустил! ЉуБчо дојде на власт поддржувајќи ги штрајкувачите-студенти против правото Албанците да учат на Вишата педагошка на албански јазик, притоа глумеа штрајк со глад, а скришум јадеа сендвичи (Филипчо, Антонио, Пандев, Тодоров…). Интересно, но сите овие „гладувачи“ и наводно „гонети за Македонија“ станаа милионери на државна сметка, а Албанците си добија право да говорат и во Собранието на свој јазик, и универзитети од државата, а тоа повеќе не им пречеше на штрајкувачиве, ама сега беа власт. Не знам врз основа на што ми тврдиш дека немало кај него национализам. Па тој ја распламте националната омраза во Македонија, уште на изборите во 1990, а со истото мото дојде на власт и 1998-та! Од тој антагонизам произлезе пушкарањето во 2001-та. Оние од страна, странскиот фактор, никогаш не би можеле да влијаат ако нема раширено доволно таква омраза меѓу жителите на една земја! Секако, за таа омраза не помалку придонесе и албанскиот национализам, нивните политичари и нивната несфатлива омраза кон другите, поинаквите од нив, но вина си имаме и ние самите.

    Точно е, и многупати тоа сум го истакнувал во моите текстови, дека во СДСМ има поголеми вмровци и од вмровците, па и поголеми Бугари од самите Бугари. Причина за тоа е нашата пластографска историја, лажното македонство и лажниот патриотизам сместени во пазувите на „историското“ ВМРО. Историјата докажува дека тие отсекогаш биле алатка на бугарската држава, најмалку се бореле за Македонија. Впрочем, нема организација која нанела поголемо зло на македонскиов народ од неа. Правеле поголем зулум дури и од Турците! Токму затоа ниту сум бил, ниту сум СДСМ поддржувач. Она што го направија ВМРО-ΔΡΠΑΜΕ за овие 11 години, тоа не го сториле ни најголемите душмани на Македонија низ историјава! Такво пљачкосување, такво кодошење, толку голема подвоеност, омраза и гнев меѓу народов, следење, пратење, прислушкување, немало ни во турско, ни во бугарско, ни во српско, уште помалку во „комунизмот“. Во време на „комунизмот“ бев демократ (јадев јас трици и тогаш), сега во „демократијава“ сум комунист.

    Едноставно нашиов народ е лесно превртлив, па секој си го гледа исклучиво сопствениот интерес и никој не мисли на оној општиот. Сè додека е така (за жал таа појава е сè посилна и почеста), додека не си го смениме менталитетот кон општото добро, ние нема да имаме шанси да опстоиме, ќе бидеме вакви какви што сме си – со умислена големина, не пак да стигнеме до некакви „европски вредности“.

  13. nacional-patriot

    Nemanje sposobnost za vidovitost,ne znachi deka se nema pojma.Od kade da znaev deka toj e lakom,sklon kon korupcija?Mnogu pati vo svetot milioni glasachi glasale za nekoj za koj mislele deka ne e onakov kakov shto navistina e.Vinata ne e kaj glasachot,tuku kaj izmamnikot.No ako povtorno bidesh izmamen,e togash vinata i nemanjeto pojma e kaj tebe,a ne kaj onoj za koj si glasal.Kako onaa izreka:”Ako me izmamish,sram da tie.Ako povtorno me izmamish,sram da mi e”.Dali nekogash si glasal za SDS?Dali si bil na nekoj negov miting,predizboren i protesten?Dokolku da,dali togash ti ne gi razbirash rabotite zatoa shto si mislel deka vo taa partija nema nishto prosofisko,a sega znaesh deka ima? Bez kreditite,nemashe da ja ima taa blagosostojba.Ti mislish deka SFRJ ne beshe do gusha zadolzhena?Firmite ne mozhe da se formiraat i uspeshno da opstojuvaat bez pocheten kapital.Bez zapadnata pomosh,teshko kje imashe uspeshna firma.Demokratija ne e samo pochituvanje na zakonite,pochituvanje na razlichnosta,nemanjeto strav od devijacii…Demokratijata znachi narodot da ima pravo na izbor,da reshava koja partija kje vladee,politicharite i partiite da ne mislat koga kje pobedat na izbori deka nishto nikoj ne im mozhe,deka mandatot im e zagarantiran,tuku sekogash da se plashat od glasachite deka mozhat da gi simnat brzo od vlast.Vo Libija pod Gadafi,imashe blagosostojba,no nemashe demokratija.Sepak ja ne ja opravduvam voenata intervencija protiv nego.Mozhebi nekoi mislat deka blagosotojbata e povazhna od demokratijata i toa si e nivno pravo na mislenje.Vojnite nosat golemi profiti za politicharite,no samo za onie mokjnite koi zapochnuvaat vojni kako SAD so zalivskata vojna,osobeno vtorata zalivska vojna,mozhebi i vojnata za Kosovo poradi tamoshnite rudnici,mozhebi poradi opiumot vo Avganistan.No da se tvrdi deka Ljubcho zapochnal,odnosno fingiral vojna,e pokazatel na nepoznavanjeto na rabotite.Toj ochajno sakashe da prekine vojnata vo Makedonija,pa duri i napravi shiroka vlada so ministri od SDS.Fingiral vojna za da ima prichina da pribere lugje od SDS vo negovata vlada,iako godini prethodno se borel da gi simne od tie fotelji?Smeshno.Vprochem,za vreme na vojnata vo Kosovo,UCK imashe odredeno dve zoni za vojuvanje i “osloboduvanje”.Prvata zona beshe Kosovo,a vtorata zona beshe Makedonija.Planiraa koga kje zavrshat so Kosovo,da prodolzhat vo Makedonija so “osloboduvanjeto”.Tie ova go odredija koga Ljubcho ushte ne beshe dojden na vlast.Da ne mislish i deka srpskiot rezhim ja fingiral vojnata vo Kosovo?Ljubcho pred izborite vo 1998 godina,pochna da preminuva od klasichna desnica vo centar.Zatoa i ja napravi koalicijata so poraneshnata DA.Zatoa ne e tochno deka pred izborite so nacionalistichko moto doshol na vlast,kako shto mislish ti.Vo vojnata vo Makedonija nemashe opshta borba megju Makedonci i Gegi,tuku pomegju bezbednosnite makedonski sili i teroristite od UCK.Mozhebi imashe golema omraza i togash,no toa ne beshe kapislata za pochetok na vojnata.Na stranskiot faktor za da predizvika nekade vojna,dovolno mu e samo da ima pod kontrola odredena grupa “kuchinja” na vojnata za da destabilizira. Vo VMRO od 19 vek nemalo golemo makedonstvo,no toa ne znachi deka i vo toa vreme nemalo makedonstvo.Makedonstvoto si postoelo nezavisno od VMRO. Isto i ona shto go napravi SDS vo devedesettite godini e dushmanski.I togash imashe grabezhi,prislushkuvanje,kodoshenje,averzija…So tie metodi prodolzhuva i sega so “zhivotot”.

  14. Ајван Доктор®

    @nacional-patriotčence, Во март оваа година американското Министерство на финансии објави дека долгот на САД ја пробил границата од 21 билиони долари (преку 21.000 милијарди долари) и со години е најзадолжената држава во светот. Истражувањата од 2015-та покажуваат дека надворешниот долг на СФРЈ изнесувал 15 милијарди долари кон крајот на 1991. година од кои Србија 4,8, Хрватска 2,7, Словенија 1,7, БиХ 1,5, Македонија 0,7, Црна Гора 0,6 милијарди долари, а самата федерација 3,1 милијарди долари. Вкупниот долг на поранешните Југословенски републики во 2015-та изнесувал 145 милијарди долари што е дури прекуѕ 9,6 пати повеќе од долгот на СФРЈ во пред распадот. На ова треба да се додаде и фактот што веќе во 2012 година номиналната вредност на доларот во однос на 1991 година е преполовена. Во 2008 долгот на Македонија изнесувал 1,55 милијарди евра, на крајот на 2016 4,7 милијарди евра, а кон крајот на 2017 го проби плафонот од 5 милијарди евра, што е повеќе од една третина од вкупниот долг на СФРЈ (која тогаш имаше околу 23 милиони жители). Толку за кафанскиот муабет кој живее(л) од кредити!

    Пушкарењето во 2001-та се водеше за етничко чистење на териториите. Да бидеш премиер и да веруваш во приказната дека униформираните лица биле „некои ловџии на прошетка“ е малоумност, тоа не е ниту наивност! Патем, ЉуБчо јасно стави до знаење дека поделена Македонија на етнички чисти територии „би значело мир во куќа“, а сето беше поддржано и од малумници во МАНУ! Целта е постигната! Картата остварена! Скопската, кумановската, тетовската, кичевската и гостиварската околија се очистени од „инаквите“ (највеќе Македонци и Срби) и истите никогаш не се вратија на своите огништа. Не случајно сега распоредот на мапата е ист како при поделбата на сфери на владеење од Втората светска војна!

    Изјавата на човек од државна безбедност (кој со години беше на раководна функција) е дека во почетокот на 1990 година во СФРЈ се прислушувани 2.000 граѓани под сомнеж дека прават одреден криминал и дека се опасни по државата, вклучувајќи ги тука и политичките противници. Државата тогаш имаше околу 23 милиони жители, Снимките од прислушкуваните разговори на Батињата Мијалкови-Груевски раскажуваат дека се прислушувани повеќе од 26.000 граѓани (верувам дека меѓу нив има и илјадници неевидентирани снимки на обични смртници) во земја со помалку од 2 милиони граѓани. (!?) Кога на тоа ќе се додадат секојдневните информации од најблиските комшии, колеги, портири, чистачи, седачи со плата, приватни безбедносни фирми и сл, испраќани за поединци меѓу кои и за сопствените членови на партијата во центарот за прибирање информации, станува многу појасно кој каде е и што е! Не случајно истата афера букна кон крајот на 2000 година, со истите на власт! Тогаш објавија дека се слушани претежно новинари, но бројот никогаш не се дозна. Главни и одговорни уредници тогаш беа Доста Димова и ЉуБчо „патриотот-миротворецот“ – никој друг! Во јануари 2001-та букна „конфликтот“. Во 2006. пристигна срамежливо веста дека внук на Доста вработен во УБК пребегал во бугарските служби сосе целосната листа на разузнавачи, контраразузнувачи и други доверливи податоци за УБК за кои никогаш не дознавме кои се. Овие сегашниве кои се бараа за уништување дискови со податоци – си земаа азил во Грција! И!? Што мислиш, туку така го добија азилот? За да им се заштитат човековите права? Е, сега, врати се на Договорот од Преспа, Договорот со Бугарија… Така функционираат работите во светот. Македонската Служба за државна безбедност е одамна разбиена, а странските служби слободно си работат, додека Батињата стоејќи на браникот на татковината прислушкува политички противници и свои најблиски соработници и членови на Партијата (само овие будалетинки не се ни свесни, убедени во делувањето на „жолтите комбиња“). ЦИА уште во 1992 си доби свои канцеларии во МВР, а тоа го знаеа, и го знаат, и едните и другите!

    Гласањето е моја лична работа, но ќе ти го соопштам она што сакаш да го дознаеш. Со години не излегував на гласање уште од социјализмот. Едноставно, немаше за кого да гласам. Во ретките случаи кога сум излегувал најчесто гласав за помали партии кои ќе пројавеа зрак надеж и кои не се сателити ниту на едните ниту на другите. Македонија патем, би била многу помирна и побезбедна кога на избори би се одело без предизборни коалиции. Што повеќе ситни и помали партии во Собранието, помали се шансите некој да завземе монополска позиција на власта.

    ВМРО во XIX век воопшто не ни постоело. „Въ тая среща не се установи никаква формалность — клетва или подобно нѣщо, за да се смѣтатъ членоветѣ лично обвързани да действуватъ за дѣлото. Раздѣлихме се обаче съ увѣреность, че ни предстои сериозна и тежка задача. Задължихме се взаимно да действуваме предъ наши познати и всѣки единъ отъ насъ гледаше при сгоденъ моментъ да използува пребиванието на учители, еснафи, свещеници и търговци въ Солунъ, дошли отъ провинцията, и да агитира предъ тѣхъ за идеята. Така се мина до края на 1903 год.“, ги раскажува Х. Татарчев своите „Спомени“, па укажува дека организацијата „историското“ ВМРО е формирано дури на Богојавление 1904. година како Бугарски Македоно-Одрински Револуционерни Комитети, а целта била „придобиване пълна политическа автономия на Македония и Одрин“ (чл.1) „За постигане на тая цел те са длъжни да събуждат съзнанието на самозащита у българското население в казаните в чл. 1 области,“ (чл. 2) и „Член на Б[ългарските] МОРК може да бъде всеки българин, без разлика на пол…“ (чл. 3 од Уставот на организацијата)!!! Не постои ниту еден документ кој укажува на тоа дека таа „била формирана на 23 октомври 1893 во Солун“, а ВМРО го носи името од 1924 година, а целта под превезот на „автонимија“ им била за сосема друга намена – да ја отцепат Македонија од Кралството Југославија! Толку за нивното „македонство“!

  15. nacional-patriot

    Jas ne napishav deka zadolzhenosta bila samo vo titova Jugoslavija.Znam deka zadolzhenost imalo i ima i vo drzhavi od slobodniot svet(?).Tie podatoci koi gi napisha,ne go pobivaat faktot deka SFRJ beshe mnogu zadolazhena i deka poradi kreditite nastana i opstojuvashe blagosostojbata vo taa tvorba.Mislish deka toj sistem vo SFRJ ne bil komunizam,a sepak ti kako komunist ja glorificirash SFRJ.I kapitalizmot opstojuva so krediti.Tochno deka Ljubcho e maloumen,zatoa shto ja potceni opasnosta za napad i mu veruvashe na NATO,sojuznikot na UCK.No ne mozhe poradi toa da se misli deka fingiral vojna.Bidejki dade predlog za razmena na teritorii i naselenie,toj morashe da odgovara krivichno.Toj go dade toj predlog koga vojnata beshe so povisok intezitet i verojatno mislel deka bez voena ofanziva,ne mozhe da se stavat pod kontrola okupiranite teritorii.No toj trebashe da insistira i za golema ofanziva ako ne mozheshe poinaku da se vratat okupiranite teritorii od UCK.Za volja na vistinata,toj predlozhi proglasuvanje voena sostojba,no zapadot,SDS,DPA,PDP bea protiv.Mozhe lesno da se konstatira zoshto.Ima mesta, etnichki ischisteni kako Matejche,Arachinovo,no preterano e da se misli deka okolinite na gradovite se etnichki ischisteni.Sekade se osuduvaat onie koi pravele etnichko chistenje,no Gegite,osobeno vo Makedonija,se iskluchok.Vostanoveno pravilo od “strateshkite prijateli” na VMRO-DPMNE i SDS.Aferata so prislushkuvanjeto na pochetokot na 2001 godina ja obelodeni SDS,odnosno lichno B.C. pred pochetokot na vojnata.Ako mislish deka vojnata bila fingirana,dali mislish i deka SDS ili Branko bile del od toa?Za Dosta Dimovska se pokrena krivichna postapka koja ja prekina instaliraniot za pretsedatel na Makedonija od SAD,Boris Trajkovski.Zoshto rezhimot na Branko ne pokrena krivichna odgvornost i za Ljubcho?Ah,da be!Poradi nivniot dogovor za negonenje.Kje rovarat stranski sluzbi vo Makedonija koga nemalo i nema partija na vlast vo Makedonija koja se bori za makedonskite nacionalni i drzhavni interesi.Shto se odnesuva do organizacijata na Tatrchev,jas ne napishav deka se borela za makedonskata kauza.Znam deka se borela za interesite na takanarechenata Bugarija.Opstojuvanjeto na makedonstvoto ne zaviselo od taa organizacija.

  16. Ајван Доктор®

    @nacional-patriotčence, Страшно добра логика имаш. Според твојава логика за тоа дека кредитите придонеле за благосостојбата во СФРЈ, а имајќи во предвид дека Македонија од осамостојувањето наваму се задолжила најмалку седум пати повеќе од времето кога „робуваше“ во „црниот комунизам“, ние би требале денес да пливаме во изобилство. Некои навистина пливаат, но прашање е како го стекнаа изобилството!

    По истата таа твоја логика, виновник е оној кој обзнанува дека одредени државни структури бесправно прислушувале огромен број граѓани кои ниту се криминалци, ниту терористи, а не оние кои спровеле такво прислушување и следење. Доста Димовска беше министер за внатрешни работи и шеф на УБК, и за тебе воопшто не е битно што таа беше одликувана со највисокиот орден од Министерството за надворешни работи на Бугарија заради како што се наведува во образложението – „заслугите за Бугарија“, ниту тоа што таа беше б’лгарски гражданин. Замисли – б’лгарски гражданин, а ти беше министерка за внатрешни работи и шефица на главната разузнавачка служба во земјава!!!(?) Замисли – ЉуБчо „најголемиот патриот“ (после Гвујо, секако) б’лгарски гражданин, а ти беше премиер на државата!!!(?) И после, ни пречело што Таљат станал претседател на Собрание, иако во владата на Гвујо беше министер за одбрана!!! ЕееЕјјј… министер за одбрана, ама никако не смее да биде претседател на Собрание, нели!!! =:0)

  17. nacional-patriot

    Blagosostojbata od kreditite zavisi od goleminata na kreditite.Kreditite shto gi dobivashe i dobiva Makedonija e za zhivurkanje i prezhivuvanje,a kreditite koi gi dobivashe SFRJ bea za dobivanje status na regionalna sila.Ne znam kako go dobi vpechatokot deka jas ne gi osuduvam onie koi prislushuvale,tuku deka gi osuduvam onie koi go prijavile toa?Jas takvo neshto ne sum napishal,nitu sum celel kon takvo neshto.Deluvanjeto na Dosta i nejzinata antimakedonska orientacija e za sekakva osuda.Shteta shto ne odgovarashe za aferata vo koja beshe involvirana,no dobi amnestija blagodarenie na amerikanskata marioneta Boris Trajkovski.Mislish deka Boris bez amin od Amerikancite toa kje go napraveshe?Dosta Dimovska ja nema,no za zhal na vlast vo Makedonija se nejzini istomislenici.Istomislenici i so Ljubcho koj zamisli,sofiski drzhavjanin,a beshe edno vreme koalicionen partner na “drzhavotvorniot” SDS.Barem koga beshe premier,nemashe takvo drzhavjanstvo.Nema opravduvanje za gluposta shto ja napravi Gruevski(edna od mnogute negovi)so stavanjeto na dezerterot i teroristot Talat za minister za odbrana.No funkciite minister za odbrana i pretsedatel na Sobranie nemaat ista tezhina.

Leave a Reply

Your email address will not be published. Required fields are marked *