Banner
Ориент експрес

Север е страна на светот, а не нација

kompasКои се осумте најголеми лаги и како да ги препознаeте големите лажговци и нивните манипулации со мотиви да не успее референдумот, Македонија да не биде членка на ЕУ и на НАТО.

Прво, ако некој каже дека потпишаниот договор со Грција е капитулација, веднаш да знаете дека е лажго. Ништо нема да изгубите ако го изгаснете, или прерипнете со далечинското, избришете го истиот миг ако ви продава патриотизам, како дилер дрога тврдејќи дека ќе бидете среќен со поништување на договорот и дека тоа било спас за Македонија. Не полемизирајте со нив, тоа е залудно потрошено време. Таквите луѓе не нудат ни решенија, ниту други алтернативи. Тие знаат само да манипулираат и тоа многу успешно цели 27 години бидејќи нудат отров спакуван како мелем за незалечени рани. Главни идеолози на тезата за предавство на Македонија се тие што ја ограбија и државата и граѓаните и ги донесоа на питачки стап.

Второ, со промената на Уставот во суштина името на државата не се менува. Останува името Македонија, како и досега, од основањето на парламентарната држава од 1944 година до денес и во иднина. Македонија добива нова додавка, како и неколку претходни, овој пат северна, што значи страна на светот, а не име на државата и припадност на нација. Меѓу северна, федерална, народна, социјалистичка и поранешна југословенска, се разбира има разлики, но има и една непроменлива константа. Сите тие придавки имаат описно и различно значење, но во сите случаи останува името Македонија со единствено значење. Непроменливо. И граматички, и суштински, и како име на држава, и како национална припадност. Географската додавка северна, напишана по зборот република, или пред зборот република е дел од компромисот и од отстапката што ја прават двете страни за разграничување на географската област Македонија која припаѓа на четири држави, но само една е запишана во регистарот на ОН со името Македонија. Тоа е нашата држава, сè друго со тоа име не означува држава, не означува национална припадност на други народи, ниту нивно државјанство.

Трето, националната припадност Македонец не е воопшто предмет на договорот со Грција. Никој никаде не забранил, ниту може да го забрани правото на самоопределување. Тие што тврдат дека Македонците ќе станат „Северномакедонци“ или се жртви на манипулации и на примитивен популизам, или се ангажирани партиски луѓе кои прават лош амбиент во земјата против виталните интереси на својата татковина и нејзиниот опстанок и иден развој. Во договорот никаде не е спомната национална припадност „Северномакедонец“. Такво нешто не постои ни кај нас ни каде било во светот. Не верувајте им на тие што тврдат дека и тие се за ЕУ и за НАТО, ама не под вакви услови. Лажат. Досега 27 години тоа не беше изводливо. Нема да биде ни наредните 27 години.

Четврто, а по мое прво. Македонскиот јазик и секоја буква творештво и наука, секоја книга, песна приказна и гатанка, секој документ што е напишан и приопштен во усните преданија на македонски и што ќе биде пишуван и кажуван за век и веков останува на македонски јазик, што е најзначајното обележје на еден народ и најсилниот и најпрепознатлив идентитетски предзнак.

Петто, македонско државјанство, или националност која треба да биде запишана во личните и патните документи на граѓаните. Тука се појавија безброј манипулации и толкувања на експерти и учени и недоучени лингвисти, дури и на амбициозни познавачи на граматиката и правописот на скандинавските земји и на Германија, ептен загрижени како таму ќе нè именуваат и пишуваат, споено или одделно. Кај повеќето од овие експерти забележав дека не си го знаат добро мајчиниот јазик ниту, пак, обрнуваат внимание на правописот и граматиката, а најмалку на тоа како ние ги пишуваме и именуваме истите тие земји.

Државјанството е македонско/граѓанин на „Република Северна Македонија“. Ова да не беше предмет на договорот и дел од компромисот, ние самите треба да го направиме, бидејќи сите сме државјани на Македонија, но сите не сме Македонци, па овој интерпункциски знак „/“ – коса линија, токму и тоа го означува без да нанесува никаков товар, без да навредува никого.

Шесто, како ќе се викаат некои значајни државни национални институции кои сега го имаат предзнакот македонски. На пример, како ќе се вика МПЦ, МАНУ, МРТВ… да и ова е дел од компромисот кој се доживува трагично, иако поголема трагедија е нивното обезвреднување и од страна на политиката, а уште повеќе и од страна на тие однатре кои одамна го деградираа угледот на овие значајни национални институции, токму шурувајќи со политиката. Македонската православна црква има своја вселенска патека и црковни канони по кои ќе го решава своето именување. МАНУ, според составот, одамна е Академија на науките и уметностите на Република Македонија, а сега некои од алејата на бесмртните заедно со простосмртните патриоти се уплашени дека ќе бидат Академија на науките и уметностите на „Република Северна Македонија“. Еве, како можат елегантно да го избегнат тоа. Нека се тргнат од вимето на државата, нека бидат и политички и економски независни, а тоа можат да го платат силните патриоти, нека ги избркаат сите академици од друга националност и редовни и дописни и нека си останат само македонска свечена академија.

За Македонската радио и телевизија не треба да се арчат зборови. Одамна не е ниту македонска, ниту радио, ниту телевизија. Тоа е сечија биртија каде што чурат оџаците на пропагандните фабрики и на полицијата, сместени во зградата која некогаш се викаше МРТ. Таму каде што се заедно телевизија и полиција, најмалку има новинарство.

Седмо, дали со договорот се брише историјата на Македонија, или се бришат лагите и идеологијата од науката која заедно со политиката направи пустош во свеста и на Македонците и на сите граѓани на Македонија. Производството на опиум од националните институции, универзитети и политички кабинети создаде илјадници зависници со лажно историско минато, а го уништи вистинското со кое треба да се гордееме. Наместо словенско со политичка интервенција е стимулирано античко потекло. Наместо да нè научат дека сме биле составен дел на неколку големи империи и царства нè лажеа со векови дека сме биле под ропство. Наместо да ја славиме и изучуваме најголемата победа во историјата кога се положени над 26.000 жртви во темелите на првата сопствена држава, славиме туѓа историја како своја, а не знаеме ниту еден мит од античката историја на Македонија. Тие заблуди и лаги произведени во лабораториите на инстант историчари и политичари треба да се исправат. Историјата не може да се избрише. Се бришат фалсификатите.

Осмо, културното наследство од постанокот на човештвото до денес откриено на денешната територија на Република Македонија е само на Македонија според меѓународните закони и тоа овој договор не го регулира.

Овие осум суштински државни интереси на Македонија се предмет на најголеми манипулации и најопасни за попречување на иднината на државата. Договорот е направен со отстапки од двете страни за да биде одржлив, инаку брзо ќе биде ништовен. Во двете земји има сериозни закани да биде поништен. Загубата во тој случај би била голема и за Грција и за Македонија. Македонија ќе изгуби многу повеќе бидејќи и добива многу повеќе отколку што губи со неговото остварување.

(Објавено во Независен весник)

Коментирај:

коментари:

Овој текст има 21 коментари

  1. Ајван Доктор®

    Неколку пати кажувам дека во светов луѓето не само што си ги менуваат имињата на државите спрема новонастанатите политички и историски објективни состојби (реалноста), туку и личните имиња, улиците, имињата на објектите, нациите, опшествените уредувања… Се сеќаваш, Касиус Клеј стана Мохамед Али, Кет Стивенс стана Јусуф Ислам, Савле станал подоцна свети Павле, а нашиов Стојан Вељановски една деценија е г-на-квадрат Стефан и ако тргнеме натаму ќе увидиме дека ретко кој од славните глумци и пејачи настапуваат под своето вистинско име и презиме. На еден куп улици во Скопје им ги сменија имињата, а многу од нив луѓето си ги викаат по старо. Многумина уште се чекаат „кај Рекорд“ иако одамна не постои. Мјанмар пред некое време беше Бурма, Персија во 1937 стана Иран, Албанија беше Арбанија, самите Албанци ја викаат Шќиперија, а себеси Шќиптари, Чехословачка стана Словачка и Чешка, а Чесите се мислеа дали да ја наречат Чехија; Од Југославија настанаа седум до кај десет државички (трите ентитети во БиХ, или „Босанската Федерација“ се крајно поделени, па повеќе функционираат секој за себе) и така е со редица други држави, да не ги набројувам… Остана непознато дали некој(а) од личностите со менувањето на името си го смени и карактерот и станал подобар човек од претходникот, дали во некоја од наведените држави дури и од оние кои го променија името на општествениот систем (од „социјализам“ во „капитализам“) народот поубаво живее со новото име, или дали новоименуваните улици и објекти станаа посредени и повелелепни од оние со старото име. Ете „толку е битно“ новото име! Секое, не само нашето.

    На моја радост многу често сум налетувал на луѓе чии семејства живеат од памтивека во Македонија кои се од друга националност, а многу повеќе ја задолжиле (*мислам на научно, културно и духовно задолжување, не на кредитното „патриотско“ задолжување за во својот џеб) Македонија од оние многу „силни“ и „големи“ Македонци (новодојденци) кои умислиле дека единствено тие имаат право да живеат на нејзина почва.

    Ние дури и да се именуваме како Швајцарија (-„на Балканите“) како што сонувал најголемиот македонски сатрап Радко, или како Германија-Франција-Шведска не значи дека ќе станеме средени и просперитетни држави како наброениве, туку ќе си останеме истото селско буниште со псеудобарокен кичерај од стиропор, со истиот степен на примитивизам и незнаење промовирани и воспевани во „врна генијалност и наука какви што ги нема во светот“ до степен на свечени академици.

    Да повторам, бидејќи пена ми фати устава: ВМРО формирана како БМОРК дури во 1904-та (производ на бугарската агентура) немала ниту пак има „Р“ од револуционерноста, немала ниту има „И“ од историска, „Д“ од демократичноста, ниту „Н“ и „Е“ од националното уште помалку се залага за некакво единство, многу помалку има „С“ од „столбот“ на македонската државност, а најмалку во себе има „П“ од некаков патриотизам иако ги носи придавките како пердуви на паун, Иако си ги присвои сите тие придавки најмногу во себе има од онаа – си ΔΡΠΑΜΕ од антиката до денес!

    Не е ни чудо што од обете страни на границата „најголемите патриоти“ се служат со идентичен речник кога говорат за договорот. Тоа говори дека колаборацијата не им е непозната и дека е оркестрирана од еден центар. Па, зарем никому не му е чудно што „најголемите патриоти“ најмногу соработуваа со грчки фирми при воздигањето на гордоста на нацијава во земјава?

  2. nacional-patriot

    Gospodine Zapadenotomanec.Pishuvash za toa kako ne treba da se koristat lagi i manipulacii,no ti so ovoj i so prethodnite,a veruvam i vo idnite tvoi tekstvoi,upotrebuvash i kje upotrebuvash lagi i manipulacii.Ovoj megjupartiski dogovor e kapitulacija za makedonskiot rezhim,zatoa shto gi prifati uslovite,baranjata na Atina.Manipulacija e deka so dodavkata “Severna”,ne se menuva imeto.Menuvanje na imeto ne e samo stavanje sosema poinakov naziv,tuku promenata ja pravi i dodavka do imeto.I kako “Severna” so predlogot ne e ime na drzhavata?Se predlaga Republika Severna Makedonija za ime na drzhavata.Ne ja navreduvaj intelegencijata na tvoite chitateli.”Severna” do imeto ili posle imeto Makedonija sushtinski bi go smenilo znachenjeto na imeto Makedonija.Od etnichko vo geografsko.Zatoa Atina bara geografska ili vremenska dodavka.Razgranichuvanjeto megju drzhavata Makedonija i oblasta Makedonija si postoi i poznato e i bez dodavka na imeto na drzhavata.Jas za toa pishuvav.Vo predlogot nikade ne pishuva ni nacionalna pripadnost Makedonec,a kompromisierite ubeduvaat deka Atina prifatila deka postojat etnichki Makedonci.Ako pomine ovoj predlog,ama za srekja nema da pomine,postoi realna opasnost nadvor da gi narekuvaat Makedoncite “Severnomakedonci” kako shto Korejcite vo NDR Koreja gi narekuvaat “Severnokorejci”,poradi pogreshnoto mislenje deka drzhavata im se vika Severna Koreja.A pa za Makeodnija se predlaga navistina da se vika “Severna”.Vekje nekoi kompromisieri ne tvrdat deka grafata za drzhavjanstvo oznachuva etnichka pripadnost.Pa protiv vistinata ne mozhete.Ima nekoi drzhavi koi vo grafata za drzhavjanstvo go imaat istiot metod kako shto go ima vo makedonskite dokumenti.Tamu vo dokumentite istoto go pishuva i za tamoshnite malcinstva,pa nikoj ne pravi problem okolu toa.Nema tamu vo toj del “/” za da go odvoi objasnuvanjeto deka se gragjani na taa i taa drzhava.Zoshto samo vo Makedonija takvo neshto da stoi?Grafata za drzhavjanstvo ne oznachuva etnichka pripadnost,pa zoshto da im smeta na malcinstvata vo Makedonija shto go nema “/”?Nikoj ne pobaral brkanje na akademicite,pripadnici na malcinstvata od MANU.Duri i ova tvoeto sarkastichno pishuvanje za toa e nevkusno,bezobrazno samo poradi obid da go pretstavish skandalot vo predlogot za drzhavnite institucii kako neshto shto ne e strashno.Televizijata,akademijata…,ne se vikaat Makedonski zatoa shto se samo na Makedonci,tuku zatoa shto se od i vo drzhavata Makedonija i zatoa shto ja pretstavuvaat.Ima drzhavi vo koi nazivite na javnite servisi,akademiite…se so predznaci koi proizleguvaat od imeto na drzhavata,pa i tamu vo nivnite institucii ima pripadnici od tamoshnite malcinstva.I ti Erole kako negatorite i shovinistite od Atina,Sofija,Srbija:”…se brishat lagite i ideologijata od naukata…”,”…lazhno istorisko minato…” Ne bile Makedoncite pod ropstvo spored tebe Zapadenturchine?Ne bilo ropstvo plakjanjeo danok vo krv,ne bilo ropstvo sechenjeto glavi,ne bilo ropstvo nasilnoto islamiziranje,ne bilo ropstvo zbranata za svoja vlast…?Ako e i od tebe Erole,premnogu e.Prisvojuvanje tugja istorija pravi Atina so nejzino prisvojuvanje na Antichka Makedonija.Ima kulturni i istoriski nasledstva od antichka Makedonija na teritorijata na RM,na teritorijata na Egejska Makedonija koja pred pochetokot na vtorata decenija od 20 vek,nikogash ne bila del od drzavata so glaven grad Atina,pa ne mozhe Erole da se kazhuva i pishuva deka Makedonija ja krade taa istorija.Napraveni otstapki od dvete strani?A koja otstapka ja napravi Atina?Neshto dodade na nejzinoto drzhavno ime,na nejziniot ustav,izbrisha neshto od nejziniot ustav…?Nikakva otstapka ne napravi i zatoa predlogot od megjupartiskiot dogovor e kapitulacija za rezhimot.No tie od rezhimot se falat i gordeat so toa.Ona od shto normalniot se srami,budaliot se fali.Tochno e deka nekoi drzhavi menuvale iminja,no toa nekoi drzhavi go pravele poradi vrakjanje na starite iminja i brishenje na nametnatite kolonijalni,a drugi si gi menuvale,no BEZ baranje,pritisoci,uceni od druga drzhava ili drugi drzhavi.

  3. Ајван Доктор®

    Утрово, Ероле, штотуку приметив нова листа за отстрел промовирана од „патриотите“ и очигледно од „тврдокорните“ и „ние – народот“, која гласи: Запомнете ги, ова се гробарите на Македонија“. Листата е повик за линч на пратениците кои гласале за ратификација на договорот од страна на „народот“. Демек „народот“ е тој што не ги сака. Криењето зад народот (како * под кошула) е всушност општопознато дежа ву последниве 11 години (видено поретко и со претходната ΔΡΠΑΜΕ власт). „Ние – народот“ се всушност членовите, подржувачите и симпатизерите на ВРО-ΔΡΠΑНΕ, а „нив-тие-оние – предавниците“ и „гробарите“ сме сите оние кои не се осмелуваме да мислиме со малите мозо(л)чиња на нивните Пастири. Еден мој ајванизам (афоризам) вели: Кајшто има многу Пастири, има и многу овци за стрижење!

    Некаде во ’90-те еден Турчин од Скопје (стар скопјанец) кој се преселил доброволно во 1956. година на моето благонаклоно закачање зошто кафеаната во Троја има грчки букви „ΕΛΕΝΗ“ тој ми одговори остроумно: „само некоја празноглава будала може да тврди дека овде пред нас на територијата на денешна Турција немало најмалку девет цивилизации – …грчка, римска…, па турци Селџуци, па Османлии…“. Тогаш сфатив дека додека ние не се научиме да прифатиме дека пред нас овде биле диви племиња, Персија, Грција, Рим, Византија… нема да се спасиме од будалаштината и од животот во „славно“ минато.

    @nacional-patriotče, Точно е „Егејска Македонија никогаш не била дел од државата со главен град Атина“ – освен од 1913, наваму и освен во времето на Хеленот ΑΛΕΞΑΝΔΡΟΣ од ΑΡΓΕΑΔΩΝ. Инаку, до 1926. државата со главен град Атина се протегала до Анкара, а државата со главен град Анкара некогаш се протегала до ѕидините на Виена (XVI век). А, кога тоа Егејска Македонија била дел од државата со главен град Скопје (име изведено од грчкиот „антикомакедонски“ =:0) збор „Σκοπέω“ – ΣΚΟΠΕΩ што во превод на нашки, преведено од грчкиот јазик, значи „набљудува-гледа“)?! Сето антико-македонско што е откриено во „Егејскиот дел“ на Македонија е испишано со истото хеленско-елинско писмо (ΠΕΛΛΑ, ΜΑΚΕΔΟΝΙΑ, ΦΙΛΙΠΠΟΥ, ΘΕΣΣΑΛΟΝΙΚΗΝ ΦΙΛΙΠΠΟΥ ΒΑΣΙΛΙΣΣΑΝ, ΑΡΧΕΛΑΟΣ, ΠΕΡΔΙΚΚΑΣ, ΑΕ ΜΑΚΕΔΟΝΩΝ ΠΡΩΤΗΣ, ΑΜΥΝΤΑ, ΚΑΡΑΝΟΣ…) на истиот јазик и со истиот оној алфабет на кој пишувале старите Грци 2.000 години пред ние (поточно само некои одбрани црквени лица кои и не биле Македонци) да научиме да пишуваме со кирилица. Некои тоа не го сторија ниту после цел милениум откако Кирил и Методиј го промовираа македонското писмо, а се удираат во градите дека биле гООооолеми Македонци.

  4. nacional-patriot

    Pred vas ovde bile divi pleminja…?Koi ste toa vie?Ah da,vie koi mislite deka ste dojdeni od zad Karpatite,iako za toa nema nikakov dokaz.Vo vremeto na Aleksandar Makedonski,Makedonija ne bila del od drzhavata so glaven grad Atina.Pa takva drzhava vo negovo vreme ne ni postoela.Polisite bile del ,odnosno pod ropstvo od antichka Makedonija.Do pred pochetokot na tretata decenija od 19 vek,nikogas ne postoela drzhava so ime Grcija.I znam do kade se protegala taa drzhava,a i znam za opsadata na Viena od Otomancite.Jas ne napishav i ne mislam deka Egejska Makedonija bila del od sovremenata drzhava Makedonija.I ne baram nekakvo obedinuvanje.Makedoncite od antikata nemale svoe pismo,azbuka,no imale svoj poseben i razlichen jazik,nerazbirliv za lugjeto vo polisite.

  5. Ајван Доктор®

    @nacional-patriotče, Каде напишав дека Македонија „била дел од државата со главен град Атина“?!?!? Не само што не постоела таква држава тогаш (формирана е во XIX век), туку не постоела ниту држава Македонија сè до 29. ноември, 1943 година (формирана е во XX век), а ниту нација која се идентификувала и именувала како македонска. Прв пат е впишана како посебна во Јајце! „Makedoncite od antikata nemale svoe pismo,azbuka,no imale svoj poseben i razlichen jazik,nerazbirliv za lugjeto vo polisite“… Е, од каде знаеш? Од Иљов-Тентов-Тупурковски-Донев?? Античкиот македонски јазик е дијалект од хеленскиот старогрчкиот јазик, затоа пишувале со грчкиот алфабет и носеле имиња со значење само на грчкиот јазик (монетите, вазите и керамиката од тој период јасно го зборат тоа). Дури и името на градот ΠΕΛΛΑ има значење на дрвен сад (попозната во нашиов народ како „каленица“) во грчкиот јазик (толку бил неразбирлив за античките Македонци), но нема никакво значење во современиот македонски јазик, како и ΣΚΟΠΕΩ (Скопиа – Скопје)… Ама… Џабе јас везам, аблепсијата не се лекува толку едноставно!

  6. nacional-patriot

    Vo antikata postoela drzhava,potochno kralstvo so ime Makedonija.Makedonska nacija,odnosno etnichki narod,postoel dolgo vreme pred Jajce.Vo Jajce e priznato deka postojat etnichki Makedonci koi se poseben narod.Ili i ti si kako ablepsichnite srpski shovinisti koi si mislat deka Tito gi odvoil Makedoncite od srpskiot narod.Makedonskiot jazik od antikata bil poseben jazik i zatoa bil nerazbirliv za lugjeto vo polisite i zatoa od niv,Makedoncite bile narekuvani “Varvari”.Alfabetot se koristel i kaj Trakijcite i Ilirite,a i tie bile “Varvari” zatoa shto ne go zboruvale jazikot vo polisite.I kaj niv iminjata bile takvi.Na Balkanot vo antichko vreme,zaednichkoto na razlichnite narodi im bilo pismoto i arhitekturata.Otfrli go toa zadkarpatstvo.

  7. Ајван Доктор®

    @nacional-patriotče, Повторно говориш бесмислици (а сега ти: „е, ти говориш бесмислици“). Да заклучиме, според твојата филозофија на млаката вода античките Македонци биле нација, иако нациите се продукт на XIX век, а Александрос и останатите „Македонци“ од тоа време говореле денешен македонски, ама бидејќи ги владееле хеленските полиси и половина свет, пишувале на елински јазик со грчко (хеленско) писмо и носеле елински имиња градејќи со карактеристични грчки архитектонски елементи: грчки (дорски јонски, коринтски,) столбови, архитрави, триглифи, тимпанони, зофороси… Тогаш било вообичаено да ги пишуваат луѓето (не и народите) според местото од каде доаѓаат, па така на пример Херодот пишува за Македонци, Атињани, Лемносијанци, Спартанци, Лезбијанци, Криќани, Персијанци, Паријанци, Самосќани, Милезијанци, Коринќани, Сиракузијци, Тебиќани, Масалијци… не мислејќи на посебни народи, туку на жители од тие области. Од таму и називот Македонци за луѓето кои доаѓаат (потекнуваат) од областа Македонија, или Аргеади за оние од Аргос, а не за некој одреден народ со свои особености, јазик, или писмо. Тоа е исто како да „Источнотоманците“ во „пустото турско“ зеле имиња Ѕвездана, Гроздан, Гвозден, Мирослав, Бранимир и сл., наместо што Македонците во турско зеле Зафир, Султана, Алтана и сл. Не познавам Турчин со име Мирослав или Ѕвездан. Така е и со местата, па оттаму произлегле топонимите Вардар, Гостивар, Тетово (Хтетово), Тафталиџе, Карадак… имаат називи кои етимолошки се од турско потекло. Или, да ти нацртам – за да ти стане малку појасно: нормално е оној што ја поседува територијата да наметне своја култура, свои имиња, свое писмо, свој јазик како што тоа го сториле Отоманците, или Шпанците и Англичаните кои ги спомнуваше неколку пати. Не е нормално оној кој го владеел половина свет да прими култура, јазик и писмо од поробените народи како што наводно тоа го сторил ΑΛΕΞΑΝΔΡΟΣ кој според тебе, иако го освоил светот говорел македонски, ама бил толку забеган по модата што прифатил да пишува со грчки јазик, на грчко писмо „бидејќи така пишувале и Тракијците и Илирите“. Оттаму, ние Македонците со јазик кој етимолошки и во коренот е С Л О В Е Н С К И и спаѓа во подгрупа на индоевропските јазици, сме уште од тогаш будали и незрели, па лесно сме ги прифаќале туѓите имиња (очигледно тоа ни е некоја вродена маана од „ΑΛΕΞΑΝΔΡΟΣовите чеда“), па дури и државата, нацијата и главниот град сме си ги крстиле според грчкиот јазик бидејќи етимолошки зборот ΜΑΚΕΔΟΝΙΑ потекнува од гчката придавка μακεδος која значи висок, тенок, или од самиот грчки збор μηκεδανος, кој значи долг и нема врска со било кое значење на современиот македонски јазик (има теории кои велат дека потекнува дури и од грчкиот збор κυδώνι кој значи дуња – „земја на дуњите“), а со сигурност лингвистиката (онаа светскана, не оваа македонскава) потврдила дека си имаат свое значење во современиот грчки јазик.

  8. nacional-patriot

    Sovremenite nacii se produkt na 18 i 19 vek,no nacii postoele i vo antichko vreme kako etnichka grupa so svoi osobenosti i posebnosti.Nacii vo vistinska smisla na zborot,a ne gragjani od grad-drzhavi.Makedoncite,Trakijcite,Ilirite,Dachanite,Frigite,…shto bile ako ne narodi vo antichkoto vreme,a ne pleminja ili gragjani od grad-drzhavi.Si imale svoi jazici i zatoa si bile narodi.Tie nivni nazivi ne proizleguvale od grad,reka,planina.Site narodi na Balkanot vo antikata go koristele alfabetot koj patem,ne se vikalo helensko pismo,narodite ja koristele taa arhitektura i takvi lichni iminja imale i drugite narodi na Balkanot,a ne samo Makedoncite i gragjanite vo polisite.Shto i da si mislel Herodot,postoele i togash narodi so etnichka posebnost.Ako antichka Makedonija ne napravila imperija,najverojatno sovremena Atina nemashe da ja prisvojuva nejiznata istorija i kje si beshe so stavot deka Makedoncite od antikata bile poseben narod so svoj jazik,kako shto e so takov stav za Ilirite,Trakijcite,iako i tie koristele alfabet,takva arhitektura i imale isti takvi lichni iminja.Besmislica e da se pravi paralela,sporedba na kralstvo kakva shto bila Makedonija so grad kako Argos ili bilo koj drug grad ili grad-drzhava.Ne e normalno spored tebe shto Otomancite koi go vladeele arapskiot svet imale arapski iminja i pismo,a ne bile Arapi.Taa pridavka vo sovremeniot grchki jazik ne znachi nishto,a ako znachela vo jazikot na polisite(koj ne se vikal vo toa vreme ni helenski,ni grchki),toa bilo poradi prenesuvanjeto na zborovi od jazicite na starosedelcite na Balkanot kon jazikot koj se formiral vo polisite i koi se narekuva “starogrchki”.Toj zbor,odnosno pridavka,e prevzemena od jazikot na Makedoncite vo antikata.Lingvistikata go ima vo predvid toa.Toa shto toa ime nema znachenje vo sovremeniot makedonski jazik e tvoj “argument” za baranjeto na Atina?Napishi mi barem edno drzhavno ime na sovremena drzhava na Balkanot,pa i malku poshiroko,koe shto ima nekakvo znachenje vo sovremeniot jazik na narodot vo taa drzhava.

  9. Ајван Доктор®

    Продолжуваш со аблепсијата и бесмислиците, до бескрај. Тоа го можат само Александровите епигони и дијадоси, никој друг.

  10. Ајван Доктор®

    @nacional-patriotče, Посочи ми барем еден напис, барем еден оригинален артефакт од тоа време (IV век п.н.е.) кој е испишан со грчкиот алфабет, но на „јазикот на Македонците во антиката“ кој ќе можам да го разберам на современиов македонски јазик и ќе ти ги прифатам веднаш твоиве небулози како научна вистина! Услов е да ми го покажеш оригиналниот текст од тоа време преку линк во некој од вообичаените формати за слика, а не современ напис или некој илјада-две илјади години по Александрос, кој тврди дека тоа е текст „на јазикот на Македонците во антиката“.

  11. nacional-patriot

    Si se fatil za tie artefakti.Kade se artefaktite so natpisi na ilirski jazik,na trakijski jazik?Nema,no naukata i Atina ne kazhuvaat deka jazicite na tie narodi bile dijalekti i ne gi stavaat tie narodi kako del od nejzinata istorija i ne znaat kakvi bile tie jazici.Istoriskata nauka shto e so proatinski pozicii,nema jasen stav i za jazikot na antichkite Makedonci.Tie artefakti ne se dovolni za da zastanat sosema na stranata na Atina.

  12. Ајван Доктор®

    @nacional-patriotče, Професорот Јуџин Борза во своето дело „Во сенката на Олимп – Појавата на Македон“ пишува: „Јазикот на античките Македонци или е дијалект на старогрчкиот или е посебен јазик кој е тесно поврзан со Грците“. Ј. Розман и Ј. Вортингтон пишуваат: „Многуте преживеани јавни и приватни текстови укажуваат дека во Македонското кралство немало доминантен пишан јазик туку стандарден од Атика и подоцна коине грчкиот“, па продолжува „старомакедонскиот во текот на хеленистичкиот и во ерата на романската империја целосно е заменет со грчкиот коине јазик и изумрува, но тој јазик нема никакви допирни точки со современиот македонски или со бугарскиот кои припаѓаат на источната гранка на јужнословенскиот јазик“. Повторно ќе речам – артефактите од тоа доба се непобитните факти според кои се води вистинската наука, а не текстовите пишувани векови и милениуми подоцна без никакви докази од тоа време. Тие се продукт на нечии желби и соништа. „Таблата на клетви“ од Пела, јасно укажува на кој јазик говореле Македонците на Александрос! Што се однесува до Илирите и Тракијците, или Дакијците, тие воопшто не се тема на нашава дискусија.

  13. nacional-patriot

    Profesorot Borza e kontradiktoren: …”ili e poseben jazik koj e tesno povrzan so Grcite”.Kako mozhe poseben jazik koj ne e dijalekt da bide povrzan so niv?I toj ne ja potvrduva celosno atinskata propaganda.Rozman i Vortington go konstatiraat pishaniot jazik,a ne govorniot jazik.Govorniot bil sosema poinakov od onoj vo polisite.Sepak i tie potvrduvaat deka postoel antichki makedonski jazik,samo shto se so stav deka bil zamenet,a potoa izumren.I da nema toj jazik nikakvi dopirni tochki so sovremeniot makedonski jazik,toa ne go namaluva negovoto znachenje kako poseben jazik.Srednovekovnite evropski jazici nemaat ili imaat sosema malku dopirni tochki so sovremenite evropski jazici,a ne pa antichkiot makedonski so sovremeniot makedonski.Iako Orbini pishuval vo negovata kniga deka antichkiot makedonski jazik bil slovenski.Artefaktite ne se zemeni kako dokazi za toa kako se zboruvalo vo kralstvoto Makedonija i zatoa naukata ne e celosno na stranata na Atina.Ne mora da bidat tema drugite narodi na Balkanot vo antichkiot period,no fakt e deka i tie nemale svoe orginalno pismo,nemale orginalni lichni iminja,imale ista arhitektura so polisite,no gledaj chudo,Atina,no i svetskata nauka ne veli za niv deka bile ist narod so onie vo polisite,ne veli deka zboruvale ist jazik so onoj vo polisite ili deka jazikot koj shto go zboruvale bil dijalekt.Za taa “chest” trebalo da napravat edna “sitnica”.Da napravele imperii.

  14. Ајван Доктор®

    @nacional-patriotče, „…посебен Јазик тесно поврзан со Грците“, е целата реченица и тоа не означува никаква контрадикторност, посебност, туку прецизирање на посебноста. Мавро Орбини пишува за „Кралството на Словените“ кон крајот на XVI век и на почетокот на XVII, поточно делото е издадено 1601 година што е пприближно околу два милениума по смртта на Александрос, без да наведе никакви докази за неговото тврдење освен одредени историчари, кои не се современици на Александрос туку живееле многу подоцна. Тој, патем тврди и дека татковината на Словените е Скандинавија, а не Македонија! Пишува и тоа дека при иселувањето од Скандинавија сите Словени се нарекувани Готи, а најбројно и најмоќно готско-словенско племе биле Вандалите. Тврди и дека Ацо Македонецот говорел Словенски јазик, но изворот му се писатели од XV век, а не од IV век п.н.е. Повторно доаѓаме до желба и претпоставка, а не до наука со цврсти докази. Па сега, или сме од зад Карпатите, или од Скандинавија, ама како ли Александрос дошол од Аргос, тоа е прашањето. Сите пишуваат дека на Александар му било забрането (поточно спорено) учеството на Панхеленските игри во Олимпија, но никој не кажува дека се работи за ΑΛΕΞΑΝΔΡΟΣ ΜΑΚΕΔΟΝΩΝ ΠΡΩΤΗΣ, односно Александар Први синот на Аминта ΠΡΩΤΗΣ („по потекло од Пердикас“) и дека таа приказна има продолжение во кое се вели „откако докажа дека е Аргивец (жител на Аргос, м. заб.) беше стриктно признаен како Грк, по што влезе на списоците и му беше дозволено да се натпреварува во трките и беше назначен да трча во првиот пар.“. Херодот, писателот е современика на ΑΛΕΞΑΝΔΡΟΣ ΜΑΚΕΔΟΝΩΝ ΠΡΩΤΗΣ и не го пишува текстот после два милениуми.

  15. nacional-patriot

    Preciziranje na posebnosta.Taka.Posebnost e neshto shto se razlikuva od drigite.Sum slushnal za taa kniga od Orbini i znam deka e od pochetokot na 17 vek.Onie istorichari i pisateli,koi shto zhiveele pred nekolku vekovi i koi go tvrdele sprotivnoto od ona shto denes go tvrdat Atina i nejzinite mentori,tie za tebe se nerelevantni.Tie istorichari i pisateli sigurno imale jaki prichini da go tvrdat toa shto go tvrdele,a ne zatoa shto bile promakedonski orientirani.Skandinavija ili od zad Karpatite,treba da go reshat toa tie shto mislat deka Slovenite migrirale.Nema dokazi ni za Skandinavija,ni za zad Karpatite,pa sepak nekoi toa si go zemaat zdravo za gotovo.Ete,trebalo da dokazhe deka e od mesto nadvor od Makedonija,za da uchestvuva na igrite.

  16. Ајван Доктор®

    @nacional-patriotče, Со „јас сум чул“ и со „јас мислам“ не се води озбилна расправа, туку со „јас сум прочитал“, „јас сум видел“, со „тоа го има таму и таму“, „во таа и таа книга е вака“, „во тој музеј има предмет на кој стои текст“… Муабетите со „јас сум чул“ остави ги за пред маалското гранапче. Ти си тој што го спомна Мавро Орбини, не јас, ама очигледно го спомнуваш само затоа што „си слушнал за таа книга од Орбини“ (како и со сè друго што спомнуваше до сега), а не затоа што си прочитал што има внатре во нив, па затоа ги вадиш работите од контекст без воопшто и да знаеш, или да приметиш дека некој те прелажал, цитирајќи ги работите посредно преку трети лица, поточно од оние кои си ги чул некаде дека говорат пласирајќи ги своите невистини и читајќи ги книгите онака како најмногу им одговара – со толкување по свое. На насловната страница на делото на Орбини стои „КРАЛСТВО НА СЛОВЕНИТЕ“, па во поднасловот продолжува со: „за нивното потекло…“, „…а особено за да се видат успесите на нивните кралеви кои некогаш владееле во Далмација, Хрватска, Босна, Србија, Русија и Бугарија“, да не кажам – не ја ни спомнува Македонија, ама нашиве се залепија за Мавро Орбини како слеп за стап. Тоа е исто како оние „сум чул дека Ѓорѓе Пуљевски напишал дека Александар Македонски е Македонец“ и „дека напишал речник на македонски јазик“, ама да прочитал или видел барем едно негово дело ќе увидел дека пишува за Словен и за Србин, а тој самиот се потпишал како „Покорни Ђорђе М. Пуљевски, из Дибре, У Старой Србиы“. Да го читал, ќе види и дека три и четири речниците кои ги пишувал не се „на македонски јазик“ како што тврдат нашиве псеудоисторичари, туку тој вели „на српски“: „српско-албански“, „арбанско-арнаутски“, „турски“ и на „грчки“ јазик. Ќе увиди и дека Иван Гундулиќ во својот еп „Осман“ пишува: “Тим у њих се још зачина ‒ што се у пјесан стави одавна ‒ од Лехсандра Србљанина ‒ врх свијех цара цара славна”, што повторно не значи дека располагал со релевантни податоци за потеклото на „Лехсандро“.

    Велиш „нема докази дека е од Скандинавија, ни за зад Карпатите“, ама доказите кои ти не ги знаеш се повторно во текстови на историографи кои пишувале за своето време, па опишувајќи ги IV, V и VI век на нашата ера (време на кое му сведочеле самите и го живееле), во нив навеле податоци дека „Словените надоаѓаат на Балканот преку Дунав доаѓајќи од зад Карпатите“, а некои опишале и дека еден дел доаѓаат од „Бојка“ или областа кое до вчера беше Источна Германија („De administrando imperio“, Constantine VII Porphyrogennetos пишувано помеѓу 948. и 952. година н.е.). Оттаму Ото фон Бизмарк во еден момент ќе изјави: „нека се јави оној (мисли на Германец) кој нема словенска крв во себе“ (поточниот израз е „оној кој нема некоја чукунбаба од словенско потекло“). Има и такви кои им ги опишувале карактерните особености, па наведувале дека „се воинствени, но и поткупливи“, па дури и осмислувале и тактики како: „доволно е да ги поткупите нивните водачи и старешини“ (Маврикие).

    Ќе водиме ли дискусија на оваа тема и понатаму, или ќе прераскажуваме скаски за дечиња од Донев-Иљов-Тентов-Иванов и компанија?

  17. nacional-patriot

    Ne gi primam informaciite od rekla kazala.Gi dobivam chitajki.Sum ja chital knigata od Badian,od Gandeto,a i drugi knigi.A taa kniga na Orbini ne sum ja prochital,znam deka e so takov naslov,no iako ne sum ja prochital,ja smetam za relevantna zatoa shto knizhevnosta ja smeta za znachajna.Pa i zatoa e afirmirana.A toj gi spomnal tie oblasti zatoa shto bile kralstva vo srednovekovieto,a Makedonija ne.Vo deloto od Pulevski jasno stoi makedonski za jazikot,a bash izdadeno vo Belgrad.Zoshto prosrpski orientiraniot Pulevski ja napravil makedonskata gramatika?I go napishal toa od antikata.Takvi neshta ne se izmisluvaat i ne se imputiraat,inaku takvi neshta kje im se prilepea i na makedonskite revolucioneri od “psevdoistoricharite”.Vprochem,Pulevski ne e deec vo srpskata istorija i knizhevnost.Koi se tie istoriografi od tie vekovi koi pishuvale za Slovenite?Zoshto istoriskata nauka ne go zema za znachaen podatok i navodnoto doagjanje od istochniot del na Germanija vo 10 vek?A Donev,Iljov,Tentov ne bi si napravile na samite sebe losha usluga so plasiranje izmislici i proizvolni tolkuvanja.Veruvam deka tie se rakovodat i povikuvaat od relevantni izvori.

  18. Ајван Доктор®

    @nacional-patriotče, Ќе водиме сериозна дискусија на темава или ќе се шегуваме!? Повторно одиш со бесмислици, па велиш дека „книгата“ (делото) на Орбини „книжевноста ја смета за значајна“. Тоа воопшто не е дело значајно за книжевноста, туку одредени луѓе го земаат како релевантно за историската наука, иако неговите наводи се крајно дискутабилни и сомнителни.

    Што се однесува до Пулевски јас ништо не му импутирав, само ти го цитирав текстот од корицата на речниците, кои ти очигледно не си ги ни видел, ама повторно тврдиш дека нештата се онакви како ти велиш. Тој не направил „македонска граматика“ туку наводно речници на македонски јазик (и на други јазици на Балканов – грчки, албански, ама никаде не спомнува македонски). Сега ќе ти цитирам и едно од писмата наведени во македонската историографија („Историја на македонскиот народ“, 1969., МАНУ) дека тој во нив бара речник на македонски јазик од М. Обреновиќ, кое всушност гласи: „Господару! ја као родољуб српски измислио сам начин, како се може предупредити бугарско улагивање у Старой Србиы, а да не би народ цепао и бугарио, приликом бугарскије владика, зато да би се наштампала шкољска књига, по оном говору како се говори сада у Старой Србиы”, па продолжува „зато и написао сам један материял књиге онако, како се говори почевши от Јагодино овдашњег, пак, к југу до Егейскога Мора, а да би оснажијо књигу, и отворио пут штампариы, српской, и оним Србима очи отворио…”. Тоа не е „просрпски ориентираниот Пуљевски“ туку човекот прецизно опишува што се случувало во Македонија и како тој се чувствувал.

    Сега и збор-два за македонските „револуционери“ (иако верувам требаат наводници и кај придавката), самата организација воопшто не е создадена во октомври 1893. како што официјално прокламира нашава историја, туку „на Богојавјање, дури 1904 година“ (Х. Татарчев, Първиятъ комитетъ на ВМРО  ―  Спомени на д-ръ Христо Татарчевъ) и тоа како Б(Бугарски)МОРК. Во 1893 имало само средба на која ништо не решиле, ниту договориле како ќе делуваат! Дамјан Груев, српскиот четник во четата на Мицко Крстиќ, најпрвин се потпишува како Дамјан Грујевић, сè до 1890 кога го врбуваат бугарски агенти во Белград и за добра пара, нашиов патриот („душа дава, но не свойта душа, братя, а душата на народа!“ како вели Х. Ботев) од Србин станува толку цврст и жесток антисрбин што формира и „Дружество против Сърбите“ во 1897, прецизирајќи дека „Сърбите трябва да бъдат изгонени с огън и меч от Македония“. Бугарската агентура во Македонија била добро информирана за секој негов потег, јасно ставајќи до знаење дека е нивен човек. Истото е и со Петар Поп Арсов бил првин Поп Арсић, Крсте П. Мисирков бил најпрвин Крста Петковић и да не набројувам… Основно е што и според спомените (признанијата) на Татарчев и според она на Д. Груев идејата за автономна Македонија (не барале нејзина самостојност, туку автономија) си има додавка која настојува да ја внесе кон „мајка Б’лгарија“ и тоа е основната идеја водилка со која е формирана ВМРО: „Разисква се на дълго върху цельта на тая организация и по-сетне се спрѣхме върху автономията на Македония съ предимство на българския елементъ. Не можехме да възприемемъ гледището прямо присъединение на Македония съ България, защото виждахме, че туй ще срещне голѣми мѫчнотии поради противодействието на великитѣ сили и аспирациитѣ на съседнитѣ малки държави и на Турция. Минаваше ни презъ ума, че една автономна Македония сетне би могла по-лесно да се съедини съ България…“ (Х. Татарчев, а истото го вели и Д. Груев).

    Ние (*нашите историчари) после само стотина – сто и педесет години искривуваме и преправаме очигледни факти, не пак оние од пред два милениума и триста и нешто години.

  19. nacional-patriot

    Taa kniga od Orbini e dovolno znachajna,zatoa shto e dovolno afirmirana i ne e otfrlena.Uporno verglash za Pulevski deka nikade ne spomnal deka imeto na jazikot e makedonski.Jasno pishuva vo negoviot rechnik za jazikot deka e makedonski.Napishal i gramatika.Toa pismo od Pulevski,kje beshe znachajno za Srbite i nemashe poradi toa pismo da bide znachaen za makedonskata istorija i knizhevnost,dokolku toj ne doprinesuval za makedonskata kauza so negovite dela vo korist na makedonstvoto koi vo dlaboka senka go stavaat prosrpskiot stav.Zatoa toj ne postaven za srpski deec,duri ni od Srbija.A shto so tie makedonski revolucioneri?Ako ne se chuvstvuvale za etnichki Makedonci,tuku za Srbi,toa za tebe e argument deka makedonskiot narod ima srpski koreni?Smeshno.Makedonskiot narod si ima samo makedonski etnichki koreni i sekogash si zboruval jazik koj bil i e razlichen od drugite jazici.

  20. Ајван Доктор®

    @nacional-patriotče, Бесмислено е да водам натамошна дискусија со тебе бидејќи твоите тврдења се засновани врз желби, митологија и соништа. Наспроти моите јасни аргументи и цитати ти спротиставуваш сопствено мислење без ниту еден единствен аргумент или сознание. Те побив еднаш, втор пат, трет пат и по кој знае пат и очигледно е дека ништо не си прочитал од она што го посочуваш како некој доказ. Твојот единствен аргумент е дека едноставно „така мислиш и точка“, што секако не е забрането, па слободно можеш да си продолжиш со прикаските од Тентов-Иљов-Тупурковски-Донев-Иванов и сл.

  21. nacional-patriot

    Bidejki moite tvrdenje se zasnovani na argumenti,fakti,a ne mozhesh da gi pobiesh so nishto,najlesno e da gi okarakterizirash kako “besmisleni”.Tvoite “argumeni” i citati lesno gi pobiv.Ti ne me pobi nitu ednash,no nekolkupati izbegna odgvori na moi prashanja.E toa e besmislica.Jas mislam kako shto mislam ne samo zatoa shto taka sakam,tuku zatoa shto ima jasni,cvrsti argumeni za toa.Mislenjeto,odnosno stavot bez argumenti e nerelevantno.

Leave a Reply

Your email address will not be published. Required fields are marked *