Banner
Ориент експрес

Можат ли да се договорат Македонците со Македонците

srekjni nesrekjniМакедонија веднаш треба да ги почне најзначајните преговори за сигурен влез во ЕУ и во НАТО. Треба да преговараат прво Македонците со Македонците, па потоа многу полесно со Брисел. Како одговорни политичари треба да се состанат лидерите на двете најголеми политички партии и конечно да се договорат заеднички да ја преземат одговорноста во кој правец ќе оди земјата и да ја одредат иднината на граѓаните таму каде што им ветуваат 27 години. Ако тие определби биле искрени, не би требало да има тешкотии во одредување на крајната цел. И двете големи политички партии во сите своите програмски документи, како и сите други релевантни партии во земјата, јасно ја имаат зацртано европската иднина на државата со редовно членство во НАТО и во ЕУ.

Двете политички партии на тој пат имаат успеси и падови, имаат изгласано илјадници закони и декларации во Собранието и двете учествуваат во работата и во телата на ЕУ и на НАТО, и двете имаат придонес во процесите кои земјата ја доведоа до кандидатура во двата евроатлантски сојузи. И двете партии имаат големи грешки што оваа работа не ја завршија одамна и дозволија времето да ја прегази Македонија и да го казни мнозинството граѓани да живеат во сиромаштија и под стегите на режим во корумпирано општество каде што се уништуваат вредностите, а се слават арамиите. Значи, се работи за договор меѓу политичките претставници на мнозинскиот народ под кои услови може да се остварат стратегиските приоритети на државата кои се на повидок.

Дали овие преговори меѓу себе, Македонци со Македонци, ќе бидат потешки од оние со Македонците од Грција. Одговорот е да, со голема изгледност воопшто да не се одржат, а ако се одржат, да завршат со тотален неуспех. Всушност, тоа е причината и во 21 век да бидеме современици веројатно на последниот обид да се предизвика уште една трагедија на македонскиот народ која нѐ следи со векови. На сите ни е повеќе од јасно дека ако преговараат „патриоти“ и „предавници“, каква што е сега поделбата, тогаш тешко ќе стасаме до Табановце, а не до Брисел. Не за два месеца, колку што има до референдумот, не за 11 месеци, кога треба да станеме членка на НАТО, не за 11 месеци, кога треба да почнат преговорите со ЕУ, не за седум години, колку што нѐ делат од членството во ЕУ, туку и наредните сто години ќе нема договор меѓу политичари кои повеќе се инцидент на историјата отколку подготвени да прават историја. Попрво е можно граѓаните на Македонија да влезат во ЕУ и во НАТО, како жители на поранешна југословенска Република Македонија, кои живеат во истите градови и населени места, во истите улици и куќи, но во составен дел на други соседни држави. Додека нашите политичари и големи интелектуалци кажуваат колку е катастрофален договорот со Грција и поттикнуваат на делби и конфликти, може во тие години на нестабилност, на големите сили да им текне дека јаболкото на раздорот може да стане јаболко на мирот ако се подели меѓу комшиите и се изеде. Тие тоа го нарекуваат решение на проблемот. Ако згрешат велат колатерална штета.

Нашите мудри и учени академици, универзитетски професори, експерти за меѓународно право и за уставни промени ерга омнес загрижено до солзи на очите ни проповедаат дека е готово со Македонија. Катастрофа, катаклизма, ужас, ќе ви биде пред очите ако ги слушате, прашање е само на денот, според нивните пророштва, кога ќе се разбудиме без да знаеме кои сме и како се викаме. Влегуваме во фаза на колективна деменција на македонскиот народ. Ни го бришат мозокот, нацијата, јазикот, историјата, името… како со гумичка. Го губиме дефинитивно и засекогаш идентитетот. Ај што ние ќе се изгубиме и нема веќе да знаеме кој сме, нема да знае ни целиот свет. Едноставно Македонците исчезнуваат од планетата Земја.

Забележете една клучна работа во овие високоумни дебати и катастрофични прогнози. Овие мудросерковци никогаш не нудат решение. Никакво. Ни полошо ни подобро. Ни прикажуваат на немушт филозофски високопарен јазик работи кои сите ги знаеме. Ако ги преведеме тие трактати и надривештачења на договорот со Грција на разбирлив македонски јазик, тогаш ќе го дознаеме тоа што го знаеме пред тие да отворат уста за овој повеќедецениски спор. Ни кажуваат дека ни е направена неправда. Да, ништо ново, тоа го знаеме одамна. Ни кажуваат дека покрај правдата и правото е на наша страна. Да, и тоа го знаеме одамна. Има пресуда од Хаг. Ни кажуваат дека има одредби во договорот кои не се добри и се наметнати. Да, и тоа го дознавме. И толку. Ништо повеќе. Чаре нема. Со такви детали овие гении не се занимаваат.

Е, кога видоа дека ова е малку за нивната мисија да ја спречат иднината на државата, почнаа да лажат без усул и без срам и перде. Велат дека Македонија е избришана. Продон псеудос, голема лага, татко на лагите, од која произлегуваат сите други лаги. Вистината е дека Македонија останува како што била сите овие 74 години. Прво беше федерална, па народна, па социјалистичка, па поранешна југословенска, па еве сега северна… Но секогаш е Македонија.

Нѐ застрашуваат со измислици дека државата ќе ни се вика „северно од Македонија“ и дека ќе се викаме Северномакедонци. И тоа е голема лага за вознемирување на граѓаните. Потоа се редат лагите за националниот идентитет, за јазикот, за промените на уставот, за точки и запирки во договорот за кои, демек, како недоветни не сме свесни колку тешко ќе се одразат врз нашиот иден живот од денот кога ќе стапат во сила. Се разбира, сето тоа се измислици, бидејќи јасно стои во договорот и членот за македонско државјанство и националната припадност како Македонец, како и македонскиот јазик.

Да, очекувавме и требаше да добиеме многу подобра одлука во Брисел за почнување на преговорите со ЕУ. Наместо 19 јуни следната година, ќе беше идеално тоа да биде веднаш, денес, најдоцна утре, што се вели. Така ќе бевме пораат сите, ќе паднеа тензиите и делбите во државата, референдумот ќе беше дочекан со помалку неизвесност, а немаше да се потрошат многу европски и наши пари за кампањи со објаснувања зошто е добро да се биде членка на НАТО и на ЕУ. Сега уште 11 месеци ќе се сее и жнее омраза, лаги, квазипатриотизам, шпекулации и валкани игри и подметнувања. Продолжуваат делбите на македонското општество поради потребите на големите да решаваат некои свои проблеми на сметка на Балканот. Не е првпат тоа да се случува низ историјата на балканските народи. А, можеа многу лесно да ги пролонгираат преговорите колку сакаат ако Македонија не го исполни тоа што треба. Но шансата останува и таа треба да се искористи и да се заврши нашиот дел од работата. Секогаш за една минута можеме да се вратиме кај што бевме, дури и поназад.

Што може и треба да се прави во ваква ситуација кога има историска шанса да се одлепиме од балканштината и да тргнеме напред кај што припаѓаме и географски и политички и културно. Факт е дека ова е највисокото ниво досега на изгледност да станеме членка на НАТО и на ЕУ. Тие што ја гледаат иднината на Македонија во Европа треба да ги засукаат ракавите и да одработат машки секој граѓанин да дознае дека нашата иднина е во евроатлантските интеграции и во европеизацијата на Македонија. Поразот на референдум на сите што влечат назад ќе биде најдобар одговор.

Коментирај:

коментари:

Овој текст има 10 коментари

  1. nacional-patriot

    Federativna,narodna,socijalistichka,poraneshna jugoslovenska,se odnesuvaa za prefiksot Republika,a ne za imeto Makedonija.Severna se predlaga da se odnesuva za imeto Makedonija.No nema da stane Severna.Kvaziintelektualcite,kvazidemokratite se obiduvaat da zalazhuvaat vo ochaj.Nikade vo megjupartiskiot dogovor ne stoi Makedonec za nacionalna,odnosno etnichka pripadnost.Drzhavjanstvo ne e isto so etnichka pripadnost.Tamu stoi za drzhavjanstvoto Makedonec,a drzhavjanstvoto se preveduva na angliski nationality,a toa ne se odnesuva za etnichka pripadnost.Potoa,zoshto stoi za drzhavjanstvoto posle nazivot Makedonec,gragjanin na…?Vo koj dokument i pasosh od nekoja druga drzhava pishuva za toa gragjanin na taa i taa drzhava?Toa se predlaga vo makedonskite dokumenti za da se relativizira nazivot Makedonec/makedonsko i da se pretstavi deka osven shto nema Makedonci nadvor od Makedonija,se saka da se pokazhe i deka Makedonec ne e etnichki naziv,tuku samo drzhavjanin,odnosno gragjanin.Ne znam dali od onie profesori,intelektualci,politichari koi te nerviraat Erole,nekoj go kazhal,napishal i primetil ova,no ako ne,treba da go razglasat.A vo ovie aktuelni dokumenti pishuva makedonsko/macedonian bez dopolnuvanje “gragjanin na RM”.Isto,kompromisierite manipuliraat i za jazikot,deka dobil naziv macedonian so ovoj megjupartiski dogovor.Toa si e napishano vo OON odamna.Nema garancija deka Makedonija kje stane chlenka vo NATO i vo EU.Za chlenstvo vo NATO treba ratifikacija i vo atinskiot parlament,a so ovoj sostav vo tamoshniot parlament nema garancija za toa,a kamoli so idniot.No nema ni da dojde na dneven red toa vo nivniot parlament.Se znae zoshto.A pa garancii za chlenstvo vo EU?Tuka nema garancii i deka pregovorite so EU kje pochnat,a ne pa da zavrshat.Kompromisierite zaboravaat deka za tie evroatlantski celi i ponatamu demne potencijanata blokada za Makedonija od takanarechenata Bugarija.Dokolku ne se prifati baranjeto za menuvanje na makedonskata istorija po sofiski terk,kje dojde blokadata i od tamu.A pa koga kje dojde na vlast vo Atina poshovinishtichkata Nova Demokratija i koga kje pobara brishenje na makedonskiot jazik vo OON!Shto togash?

  2. Ајван Доктор®

    @nacional-patriotče, Зборот „nacionality“ во англискиот означува националност, а не државјанство. Англискиот израз за државјанство е „citizenship“. Државјанството означува правен статус помеѓу државата и поединецот со посебни права и меѓусебни односи. Националноста означува припадност на поединецот кон одредена нација-народ. Секој народ има свои сонародници кои не мора да имаат исто државјанство, па така постојат Македонци со државјанство на Република Грција, Република Србија, САД, Франција… и секако на Република Македонија, но граѓаните/државјаните на Република Македонија не значи дека се припадници само на македонскиот народ туку има и Албанци, Срби, Турци, па твоиве аналфабети смислија и Индијци (Субрата со семејството). Очигледно е дека си полуписмен штом не ги разбираш основните работи. Толку ти фатила „црпката“ како и на повеќето вемероФци, „патриоти“. Затоа си живеете во заблудата дека ве правел Александрос.Ти реков, доописмени се, па пишувај и коментирај. Е, ајде сега продолжи со она твоето „@А. Д.ти си неписмен, државјанство на англиски е nacionality“ и слични небулози!

  3. nacional-patriot

    Ne se pishuva nacionality,tuku nationality.Vo angliskite,amerikanskite,kanadskite,avstraliskite dokumenti,vo drzhavi vo koi angliskiot jazik e oficijalen,no i vo dokumentite od drugite drzhavi,”nationality” oznachuva drzhavjanstvo.Toj zbor vo angliskiot jazik oznachuva nacionalnost(nacionalna,odnosno etnichka pripadnost),no vo pasoshi i lichni karti,oznachuva drzhavjanstvo.Ne pishuva “citizenship” vo anglosaksonskite i vo drugite dokumenti za drzhavjanstvo,tuku pishuva “nationality”. Jas pishuvam kako e vo dokumentite,a ne znachenjeto na zborot vo sekojdnevnata komunikacija na angliski jazik.Postojat Makedonci so stranski drzhavjanstva.Blagodaram shto mi napisha.Ne znaev.Se sheguvam.Rezhimot vo Makedonija se otkazhuva od tie Makedonci so stranski drzhavjanstva koi zhiveat kako malcinstva vo sosednite drzhavi i kako dijaspora vo evropskite i vo prekuokeanskite drzhavi.Ti si ja pokazhuvash polupismenosta,megjudrugoto i so nerazbiranjeto na ona shto go chitash.No osven shto si polupismen,ti si i frustriran.

  4. Ајван Доктор®

    @nacional-patriotče, Се фати за моја печатна грешка која ја ископирав без да ја проверам. Во ред. Секоја чест. Признавам, неписмен сум. Дали тоа е доволно да ја задоволи твојата суета?

    Националноста како поим е секаде иста и таа е лично чувство на граѓанинот. Државјанството е нешто сосема друго, тоа е правен статус кој се уредува со Устав и со закони, носи привилегии, права и обврски на личноста кон одредена држава. Оттаму, националноста во САД според Уставот на САД се одредува како „еден народ“ што е многу блиску до нацистичкото „Ein Volk“, па во графата „nationality“ се впишува САД, бидејќи иако цел свет ги нарекува Американци таква нација реално не постои и нема повештачка нација од американската. Нешто е многу слично со Обединетото Кралство на Велика Британија и Северна Ирска со тоа што во графата „national status“ во старите пасоши стоеше „British Subject: Citizen of the United Kingdom and the Colonies“, а потоа тоа се промени во: „nationality“ со текст „British Citizen“, сè во зависност од законските акти, меѓутоа таму нема националност, туку „citizen(ship)“ графата националност е детерминирана (повторно) со државјанство. Во пасошите на Република Ирска (за разлика од оние во Северна Ирска) во графата за националност „nationality“ стои Éireannach/Irish и се однесува на националност „Ирска“, а не на државјанство. Истото е и со пасошите на Австралија кадешто стои: „nationality: Chinese, Irish, Greek, Serbian… итн., а подолу стои Authority, што се однесува на оној кој владее и управува (власт), па пишува „Australia“. (ова „Authority“ го има и во САД-пасошите, па таму стои „United States Department of State“). Оттаму, сезнајко-квазинационалист-псеудопатриотче, очигледно графите се едно, а значењето на зборот „nationality“ секогаш означува припадност кон одредена нација, етничка група или малцинство, додека зборот „citizenship“ секогаш во англискиот означува состојба или статус да се биде граѓанин/државјанин на одредена држава. Во сегашните патни исправи пишува: „државјанство/nationality/nationalité“, па очигледно е дека се мисли на државјанство, ама некој полуучен-недоучен националист како тебе впишал „македонско/macedonian“, ама да биле писмени ќе знаеа дека треба да пишува „Република Македонија“. За разлика од ова, во графата „Издаден од/Authority/Autorité, наместо Република Македонија или Влада на Република Македонија пишува МВР/MOI, колку да се знае кој е власт во Македонија, не за друго. Во прилог дел од пасошите нацртани специјално за тебе: https://thumb9.shutterstock.com/display_pic_with_logo/365671/484530025/stock-photo-london-uk-october-the-first-pages-of-old-british-passport-isolated-on-white-background-484530025.jpg; https://qph.ec.quoracdn.net/main-qimg-3d53063d05e710d2ec6195378258c065; https://qph.ec.quoracdn.net/main-qimg-912f5f3158937e124bc08b94e4a362b3; https://205fdehkmvwhcfq64e9lyd1d-wpengine.netdna-ssl.com/wp-content/uploads/2014/10/cut.jpg; http://sunatimes.com/uploads/article/photo/IMG_EDFD20-81CE5C-1CB68B-46F3F7-6370A4-9CEEA2.jpg

    Патем, сè уште си то00Оолку голем патриот што пишуваш на писмото кое според Уставот на Република Македонија е неуставно/незаконско писмо на Македонците од Македонија. Сигурен си дека си Македонец и национал-патриот!? Или, само се претставуваш како таков?

  5. nacional-patriot

    Znam deka dzhavjanstvoto e razlichno od nacionalnosta(etnichka pripadnost).Go znam toa shto go napisha za SAD,za napishanoto vo nivnite dokumenti,za napisanoto vo britanskite,irskite,avstraliskite.Ne postoi ni britanska nacija,vo smisla na etnichki Britanci.Zatoa i razbirlivo e shto pishuva “British Citizen”.Vo Republika Irska e drugo, zatoa shto postojat etnichki Irci so irski jazik,no i vo nivnite dokumneti pod nacionalnost se podrazbira drzhavjanstvo.I na drzhavjaninot na Irska koj shto ne e etnichki Irec,vo dokumentot mu pishuva “eireannach/irish”.Avstralija e drzhava,sozdadena od doselenici od celiot svet i chinam deka edinstveno taa vo dokumentite gi pishuva etnichkite nazivi na drzhavjanite koi se pripadnici na pomalite etnichki grupi.No najgolem del od naselenieto vo Avstralija se so poteklo od Britanija,a na nivnite avstraliski dokumneti pod nacionalnost ne im pishuva “british” ili “english”, “scotish”, tuku “australian”.Oznachuva drzhavjanstvo.Jas ti napishav vo prethodniot moj komentar deka “nationality” vo sekojdnevniot angliski govor,oznachuva etnichka pripadnost,no vo dokumentite kako pasoshi,lichni karti,toj zbor oznachuva drzhavjanstvo.Nikade vo anglosaksonskite dokumenti i bilo kade,nema grafa so “citizenship” za oznachuvanje drzhavjanstvo,a imalo i ima nekade “citizen”, shto oznachuva gragjanin.Taka pishuva i vo predlogot od megjupartiskiot dogovor za macedonian,za da se pretstavi lazhno deka ne e etnichki toj naziv.Ne e nepravilno da pishuva makedonsko/macedonian vo grafata za drzhavjanstvo.Site gragjani koi se drzhavjani na Makedonija,drzhavjanstvoto im e makedonsko.Takov sluchaj e i so drugi drzhavi kako vo Hrvatska,pishuva za drzhavjanstvo/nationality hrvatsko/croatian,a vo Irska eireannach/irish.Ova ne mozhe da go razbere nekoj poluuchen,nedouchen kosmopolit kako tebe.

  6. Ајван Доктор®

    @nacional-patriotče, British Citizen е граѓанин/државјанин на Британија (Обединетото Кралство) и тоа го дотерминира изразот „nationality“. Државјанството е на одредена држава, па логичен е изразот државјанство на „Република Македонија“, а не „македонско“. Ти, ни за глава, ни за опаш: „Taka pishuva i vo predlogot od megjupartiskiot dogovor za macedonian,za da se pretstavi lazhno deka ne e etnichki toj naziv.Ne e nepravilno da pishuva makedonsko/macedonian vo grafata za drzhavjanstvo“… И сега „лажно“ ли е („за да се претстави лажно“) , или „не е неправилно“, или веќе не знаеш што да кажеш, па како Максим по дивизија – удри, лупни, па кому иде и остани жив?

  7. nacional-patriot

    Pishuva “British Citizen” za britansko drzhavjanstvo zatoa shto ne postoi britanski narod/etnos.Vo predlogot od megjupartiskiot dogovor pishuva “citizen” za da se prikazhe deka Makedonec i makedonsko ne e etnichko.Pa i samiot Cipras,drugarcheto na Zaev,izjavi deka vo nivniot dogovor ne se priznava makedonskiot narod.Pretstavuvanjeto deka makedonskiot identitet ne e etnichki,e laga.Ne se obiduvaj kako tie od rezhimot shto se obiduvaat so oblanda,poinakvo znachenje da mu dadat na napishanoto.Sakaat da ostavat vpechatok deka neshto odbranile od koe prethodno se otkazhale.Ako e edinstvenoto logichno za drzhavjanstvo da go pishuva imeto na drzhavata,togash zoshto i nekoi drugi drzhavi vo grafata za drzhavjanstvo ne go pishuvaat imeto na nivnata drzhava?Zoshto za tie shto taka reshile vo tie drzhavi ne napishesh deka se nelogichni i nepismeni?Ili samo tropni si neshto i ostani zhiv?

  8. Ајван Доктор®

    После единаесет години константно и континуирано секојдневно перење мозоци со Александровата генеза и големината до Олимп и Индија, после 27 години самостојност, Македонија и Македонците веќе го изгубија сопствениот идентитет, а на пат сме да ја изгубиме и сопствената држава. Генезата е магла, прав во очи фрлен за да не се види лоповлукот и растурот на државата – не функционираат базичните гранки во државава: правниот систем, армијата, полицијата, државната безбедност, образованието, здравството, државните институции и јавните претпријатија, јавната администрација, не функционираат ниту амбасадите и конзулатите кои треба да нè претставуваат и заштитат во светот, не функционираат ниту економијата, инфраструктурата, комуналните служби, па дури ни приватниот сектор услужната и индустриската дејност. За овие 11 (и 27) години оставија пустош зад себе од кој Македонија нема да може да се опорави наредните десет декади. Наместо наши, подигнавме дорски, јонски и коринтски столбови, градевме каријатиди, тимпанони, архитрави, Потемкинови села, „македонски села“, праисториски „наколни“ населби, кулиси од стиропор и месинг, кули од карти… Ај што беа они влезени во филм, нив некако и ќе ги разберам, него нè ставија сите во истата грозоморна режија како статисти. И сега – уште само до името било! Тоа ќе ни најде работа, тоа ќе ни ја зголеми продуктивноста, тоа ќе ни ја унапреди економијата, тоа ќе ни ги средело државните институции и неспособната администрација, само името ни го (со)чувало идентитетот и националниот карактер. А карактерот – саде уба’ини! Толку од „нашите“ силни национал-патриоти, националисти и патриоти, левичари и десничари… Само до името е, до „клетите Турци“ било, до „пустото петвековно турско“, до „Грчишќана“, до Бугарите „Татари“, до Србите („окупатори, шовинисти и хегемонисти“ по дифолт) и до „Србославија“, до војните во Словенија, Хрватска, БиХ, до оние во Ирак и Либија, до Албанците е, до Европа „која-се-распаѓа“… А ние, сите до еден – сјајни сонца на Балканов! Блескаме! Проблем било дали под графата „nationality“ се подразбирало „националност“ или „државјанство“ – не, до нас самите! Тоа, никако! Битно било во пасошите да стои „Македонец од Македонија на Македонците“ и тоа по можност „од антиката – до денес“, а денешнинава… златна! Ти не сакаш да се помачиш да си го најдеш официјалното законско писмо во компјутерот, не си се потрудил ниту правописот и јазикот да си ги совладаш, не пак да нучиш нешто, а ломотиш за некаква загрозеност на Македонците и македонството, на Македонија, и се удираш во градите дека си бил некаков националист, па уште и патриот, поречит дури и од Друштвото на писателите на Македонија. Врв од логика и писменост! Чудо, од Македонија!

  9. nacional-patriot

    Ne funkcioniraat instituciite kako shto treba.Marifetluci,lagi,kriminal vo sprega so instituciite na vlasta.No neli dojde “zivot”?Ama doagjanjeto ne bilo za da se trgnat devijaciite vo opshtestvoto,tuku dojde,potochno se instalira rezhimot za da im udovoli na shovinistite od sosednite drzhavi,mislejki deka posle toa kje pochne da teche “med i mleko”.No golem udel vo bespakjata koi i se sluchuvaa i sluchuvaat na Makedonija,imaat i rezhimite vo sosednite drzhavi so nivnite antimakedonski deluvanja,baranja,blokadi.Ne baram i nikoj drug ne bara vo pasoshite da pishuva “Makedonec od Makedonija na Makedoncite” ili neshto slichno.Ne imputiraj.Treba da si ostane i kje si ostane onaka kako shto pishuva sega na dokumentite.Ne mi e problem da pishuvam na kirilica i imam mozhnost,no koga pochnav so elektronskoto pishuvanje pred nekolku godini,pochnav so latinicata i taka dolgo vreme,pa iako mozhev da prodolzham so kirilicata,sepak reshiv da prodolzham so latinicata,bidejki so nea zapochnav.Napishav i porano deka ne e vazhno so kakvi bukvi se pishuva,tuku vazhna e sodrzhinata na napishanoto.A so polupismenosta ti imash problem,a ne jas.

Leave a Reply

Your email address will not be published. Required fields are marked *