Banner
Ориент експрес

ВМРО-ДПМНЕ повикува на државен удар

nikola-gruevskiВМРО-ДПМНЕ со предупредувањето до премиерот Зоран Заев дека посакува да се повтори 27 април лани, кога беше извршено крвопролевањето во Собранието, практично повторно повикува на државен удар. И овој пат тоа се прикажува како божем спонтана реакција на загрижени граѓани кои го бранат достоинството и честа на Македонија по склучениот договор со Грција. Ова е само претходница на следните чекори што ќе ги преземе врвот на ВМРО-ДПМНЕ до одржување на референдумот со цел да го направи неодржлив.

Во мир и слобода, кога можат да се чујат, видат и разберат аргументите, кога може да се размислува со своја глава, и да се гласа слободно, ВМРО-ДПМНЕ е само музејски експонат. Тоа е единствената легална националистичка крајно десничарска политичка партија во Европа која во свето име ја има ознаката „револуционерна“. ВМРО-ДПМНЕ е погрешно крстена од своето основање со препишана историја од архивите и присвоена од колективното памтење на Македонците. Мит на кој со фалсификат е додадена политичката одредница „демократска партија“, која никогаш не е остварена. Денес, на крајот од втората декада на 21 век, старите и новите лидери на ВМРО-ДПМНЕ, изгубени во просторот и во времето, повикуваат на востание против својот народ и својата земја.

Без жртви, без хаос, без насилство, без криминал и корупција, без уцени и рекет, без сеење страв, без тиранија и режим не функционира партијата која 11 години владееше без контрола и ја држеше државата заробена.

Лидерите на ВМРО-ДПМНЕ видоа шанса во потпишаниот договор меѓу Македонија и Грција повторно да оживеат и да се вратат на власт по последните два изборни порази кога ја изгубија власта и заминаа на судска клупа како обвинети за тешки кривични дела и злосторнички здруженија. Кога се соочија со своето бедно положение на улиците, само со една шака добро познати и забегани вмровски рецидиви, настапи паника. На протестите не доаѓаа ни до вчера редовните членови на партијата ниту, пак, тие што ги наполнија дисаѓите со милиони евра, пари на ограбените и осиромашени граѓани, ги нема ни пријателите ни роднините на осамените политички лидери. Беше тоа очајна слика на партија пред распад. Што да се прави во таква ситуација освен да се предизвикаат инциденти, да се провоцираат судири, да има крвопролевање, жртви и најмногу лаги. Пред Собранието на Македонија со инструирање на навивачката дружина „Комити“ е предизвикан судир со полицијата и паднаа првите капки крв од која веднаш се напија вампирите.

Полицијата цели 11 години се партизираше, ужасна трансформација, која познатата министерка Гордана Јанкулоска ја озаглави со името ВМРО-МВРО и која цела деценија претставуваше главен бастион во одбраната на режимот, сега преку ноќ стана ненародна и сдсмовска. Што мислите – дали слабо ја идеологизирале и партизирале полицијата во 11 години на владеење на режимот или, пак, македонската полиција не е полиција, туку партиска гарда во одбрана на власта, која и да е. Дали се тоа истите полицајци и началници чавковисти кои лани на 27 април се правеа „на Тошо“ кога толпата предводена од партиските перјаници со качулки на главите и од колеги од тајната полиција упаднаа во парламентот да ги линчуваат пратениците и да го спречат конституирањето на Собранието. Можно ли е само за една година да се направи професионална полиција која е под контрола и која не смее да употребува прекумерна сила, дури и при насилни протести.

Верувам дека најверојатно имало пречекорувања во употребата на сила и недозволени средства од страна на полицијата. Но уште повеќе верувам дека тоа и било целта на организаторите на протестите за да дојде до радикализација на ситуацијата која секогаш обезбедува поголем одглас на граѓаните.

Сѐ додека организаторите не се соочат со правдата за кршење на законот и за нарушување на јавниот ред и мир и не заминат во затвор по итна постапка поради вакви опасни инциденти полни со насилство и јазик на омраза кон сите што го поддржуваат договорот со Грција не е можно да се организира референдум за слободно изјаснување на граѓаните. ВМРО-ДПМНЕ со организирање насилни протести против Западна Европа, Америка, НАТО и ЕУ, против наши соседи и стратегиски партнери, но и против сопствените граѓани се определува за дестабилизација на државата. Повикува на вонредна ситуација и на државен удар. Таков еден силен притисок издржа претседателот Борис Трајковски 2001 година кога ја спаси Македонија од граѓанска војна. За актуелниот претседател Ѓорге Иванов не може да се каже дека не е подготвен да ја втурне земјата во немири и диктатура. Протестите кои задолжително почнуваат со палење на меѓуетничките огнови, така и завршуваат кога тие што ги запалиле изигруваат пожарникари и спасители.

ВМРО-ДПМНЕ се огласи со својата позната метода да ги обвини другите за она што сака да го направи. Ѝ приопштија на јавноста дека премиерот Зоран Заев посакува реприза на 27 април лани. Тоа е првиот сигнал дека се подготвува нов упад во Собранието, исто толку спонтан како ланскиот. Но, овој пат тоа на сите им е јасно дека нема да помине. Спогодбата со Грција ќе се ратификува и нема враќање назад. Македонија е уморна од ВМРО-ДПМНЕ и од постојаните лаги и оправдувања зошто не сме таму каде што заминаа пред нас сите наши соседи. Сега е отворен патот кон европеизација и членството во НАТО и во ЕУ, кои се најзначајните стратегиски приоритети и на државата и на граѓаните прифатени од сите партии и сите влади, од сите институции и сите економски, политички и развојни програми. Враќањето на почеток е антиисториски, антицивилизациски и антидржавен чин пар екселанс.

И конечно, ако во ВМРО ДПМНЕ се сигурни дека народот е со нив, тогаш чуму им се насилни протести и судири, сеење страв и омраза. Изјаснувањето на граѓаните во мир и слобода на општонароден референдум ќе покаже дали граѓаните сакаат повторно да се најдеме на почетокот како пред 27 години, или ќе ја изберат европската иднина. Очигледно во ВМРО-ДПМНЕ веќе го знаат резултатот, па наместо да се приклучат кон победниците и кон своите зацртани програмски определби и да бидат учесници на историскиот чин одбраа да бидат поразени и на овој начин. Гласот и поддршката на свеската политичка елита и најугледните медиуми тие го толкуваат како заговор на целиот свет против Македонија. Типично вмровски.

Претходниот лидер Никола Груевски ја разви таа теза до апсурд. Прислушувањата на над 20.000 граѓани, јавни личности, непрестајно во период од шест години, обелоденувањето на „бомбите“ и црнилата од нивното владеење своерачно запишани на снимките, судските процеси, обидите за државен удар сето тоа било организирано за тој и ВМРО-ДПМНЕ да ја загуби власта за да може да се промени името на државата и да се обезличи македонскиот народ. Ете тоа го работеле цели шест години Америка, ЕУ, НАТО, нашите соседи во спрега со домашните непријатели и предавници. Сите тие цела деценија немале поважна работа од тоа да ја уништат Македонија. И, види чудо, во тоа не успеале. Ваква небулоза тешко е да смислат и пациентите кои 24 часа се на интензивна терапија по телевизиите и на социјалните мрежи.

Референдумот ќе ги освести сите и ќе ги смести таму кај што припаѓаат, се разбира, ако има услови да се одржи.

(Објавено во Независен весник)

Коментирај:

коментари:

Овој текст има 27 коментари

  1. Ајван Доктор®

    Историската магла и митологија велат дека ВМРО е единствената организација која се борела за слободата на Македонците, единствената која донела државност, која го направила Македонецот да биде Македонец.

    Историската вистина раскажува дека тие се најголемото зло за Македонците, уште од кога се создадени под патронат на бугарската агентура на Балканот. Тие правеле поголем зулум од Османлиите: „Најодвратније уцењивање,убијање,масакрирање на зверски начин мирних и невиних становника Македоније од стране „револуционарапостала је обична појава…Они раде на коначном истребљењу бедног македонског становништва.Њима није стало до његова ослобођења,њима је стало само до освојене територије.“, вели текстот од 1905. во „Радничке новине“, јасно и прецизно осликувајќи ни ги „патриотиве“. Во само еден дел од „Историја на Македонскиот народ“, издание на „Нова Македонија“, 1969.г., станува јасно од изјавите на Груев и Поп Арсов (довчерашните Грујевиќ и Поп Арсиќ) дека ќе се залагаат за „автономија на Македонија со предимство на б’лгарскиот елемент, за нејзино подоцнежно присоединување со мајка Б’лгарија“. Појасна цел од ова – здравје! Самата бугарска држава од 1920-та година издавала годишници-анали во кои нема ден вемереовциве да не убиле некого, а најчесто цивили, старци, жени и деца. Се убивале „врховистите“ со „централистите“, но и „врховистите“ со „врховисти“, „централистите“ со „централисти“, крв до колена. На мојот блог во „Карактерот на ѕверот“ можете да прочитате и како го ликвидирале Александар Стамболиски! Косата да ви се дигне на главата!

    Македонија, стана држава на 29. ноември 1943! Тогаш добивме државност, слобода да се нарекуваме Македонци, да говориме на свој јазик. За тоа се заслужни Југословенските комунисти, а за слободата Југословенските партизани. Секако, лага е дека некојси ченто, Шатев и Брашнаров нè ослободиле и дека се „бореле за македонска самобитност“. Напротив, тие немаат ниту ден учество во НОБ и се бореле против планот на КПЈ за анексија на Егејска и Пиринска Македонија (документите на ЦИА јасно го кажуваат тоа, а и Шатев и Брашнаров самите во своето писмо упатено 1948. до ЦК на ВКП(б))!

    Е сега, овие истите со генетска маана (античка) ќе нè воделе кон слобода и биле против договорот кој гарантира добрососедство со Грција и ги затвора еднаш-засекогаш старите рани! Не случајно им се поклопуваат протестите и повиците со оние протестантине од другата страна на границата („Неа демократија“ и „Хриси Авги“)! Од исто семе се никнати!

  2. mar-ko (marksist-komunjar)

    „Некојси ченто, Шатев и Брашнаров нè ослободиле и дека се „бореле за македонска самобитност“. Од ајван доктор толку. Пред се никој не е толку претенциозен да тврди дека го ослободил мак. народ, сем во главата на ајван доктор. За останатите, не знам но за Павел Шатев о сигурност можам да кажам дека тоа го правел. Го упатувам А. Д. да малку е потруди па да прочита нешто од силната литература која денес ни стои на располагање. „Тие немаат ниту ден учество во НОБ“ тврди А.Д. П.Шатев нема, но активен учесник е против фашизмот за што заработува смртна казна Казната не е извршена бидејќи на цар Борис му влијаел аргументот „Ваше величество овој човек беше осуден на смрт од султанот, па сеуште е жив“. Сепак „заработува“ 15 години затвор кои ги одлежува до крајот на војната. Патем П.Ш. не бил комунист но со високи морални квалитети кои да им беа својствени на „комунистите“ историјата ќе имаше подруг тек.

  3. nacional-patriot

    Da,taka!Treba organizatorite na ovie protesti da odat vo zatvor,isto kako shto otidoa vo zatvor organizatorite na nasilnite protesti vo 2015 g,isto kako shto otidoa vo zatvor organizatorite na palenjeto na kancelarijata na pretsedatelot,isto kako shto otidoa vo zatvor organizatorite na sharanjata i skvernavenjata na objekti vo Skopje.A referendumot kje gi osvesti kompromisierite i avtoshovinistite(za ovie ne sum tolku siguren) i kje sfatat i razberat deka se na pogreshnata strana.Kje ima posledici za niv i od toa nema beganje.

  4. Ајван Доктор®

    @mar-ko (marksist-komunjar), Писмото, пишувано во Скопје, фотокопија на оригиналот кој се чува во Руските архиви, а е заведено под бројот 284, од 1 октомври 1948 година. Текстот, носи печат „строго доверливо“, и е пишуван од „нашите“ рехабилитирани херои Павел Шатев и Панко Брашнаров и е упатено до ЦК на ВКП(б) (Центральный комитет Всесоюзной Коммунистической партии (большевиков)). Во писмото двајцата се изјаснуваат Јасно и Гласно дека се „против политиката на Југославија за анексија на Пиринска и Егејска Македонија“! (!?) Во оваа една реченица се открива вистинскиот карактер на таканаречените „неправедно судени за самостојна Македонија и посебноста на македонскиот народ“. Веднаш подолу во текстот го даваат и образложението за ваквите свои ставови: „Тоа не им одговара на интересите на Б’лгарија“! (!?) Токму од ова произлегува вистината за тоа кој бил за обединување на Македонија, а кој против! Чудно. „Најпатриотската“ партија на Македонија, дваесет години го тврди сосем спротивното – Дека КПЈ била со спротивни ставови за македонското национално прашање, дека Југославија („темницата на народите“, „Србославија“…) воопшто не мислела на Македонскиот народ во Егеј и Пирин, а дека ете, токму тие, повикувале да се оди на Солун, во клучниот момент, „кога непотребно биле испраќани на Сремски фронт“!? Брашнаров е еден од оснивачите на Блгарските акциони комитети.

  5. Ајван Доктор®

    @mar-ko (marksist-komunjar), Писмото, пишувано во Скопје, фотокопија на оригиналот кој се чува во Руските архиви, а е заведено под бројот 284, од 1 октомври 1948 година. Текстот, носи печат „строго доверливо“, и е пишуван од „нашите“ рехабилитирани херои Павел Шатев и Панко Брашнаров и е упатено до ЦК на ВКП(б) (Центральный комитет Всесоюзной Коммунистической партии (большевиков)). Во писмото двајцата се изјаснуваат Јасно и Гласно дека се „против политиката на Југославија за анексија на Пиринска и Егејска Македонија“! (!?) Во оваа една реченица се открива вистинскиот карактер на таканаречените „неправедно судени за самостојна Македонија и посебноста на македонскиот народ“. Веднаш подолу во текстот го даваат и образложението за ваквите свои ставови: „Тоа не им одговара на интересите на Б’лгарија“! (!?) Токму од ова произлегува вистината за тоа кој бил за обединување на Македонија, а кој против! Чудно. „Најпатриотската“ партија на Македонија, дваесет години го тврди сосем спротивното – Дека КПЈ била со спротивни ставови за македонското национално прашање, дека Југославија („темницата на народите“, „Србославија“…) воопшто не мислела на Македонскиот народ во Егеј и Пирин, а дека ете, токму тие, повикувале да се оди на Солун, во клучниот момент, „кога непотребно биле испраќани на Сремски фронт“!? Токму така Шатев, не бил комунист, ама кој знае што бил, си кажал самиот! Брашнаров е еден од оснивачите на Блгарските акциони комитети.

  6. Ајван Доктор®

    И @mar-ko (marksist-komunjar), ниту еден од оние „силни Македонци“ од „историското“ ВМРО кога спомнува Македонец не замислува посебен народ туку луѓе од б’лгарски произхот. Тоа го правеле и Шатев, и сите пред него и по него. Основната идеја им била „автономна (не самостојна) Македонија“, но „која подоцна ќе се приклучи кон Бугарија“ („Историја на македонскиот народ“, Институт за национална историја и МАНУ, 1969, НИП „Нова Македонија“, книга втора, стр. 161). Арно ама, исказите на кои се повикуваат во книгата (на Татарчев и Груев) во оригиналите говорат за Богојавление (Водици) 1904. година, а не за 23 октомври 1893. што во суштина значи дека не постои документ кој би потврдил некакво формирање „света организација“ за Македонија!

  7. Ајван Доктор®

    @kvazinacional-pseudopatriotu,
    При палењето на „канцеларијата на претседателот“ (државен имот или приватен – при што некому му го полнат џебот), при шарањето и „сквернавењето“ на грдила („објекти“) низ Скопје (кои го осквернавија и нагрдија градов), никој не беше претепан, врз никого немаше обид за убиство, никој не беше тепан до смрт со намера да го убијат… За разлика од тие протести, при оној од влезот на терористите и здружените багабонти во Собранието на 27 април минатата година, каде што влезените беа со јасна цел да ликвидираат легално избрани претставници на народот и на идниот премиер, што секако требаше планирано да предизвика воведување воена состојба од страна на Ѓорге Паљурски за да се врати фамилијата на власт. Е, таа е „ситната“ разлика меѓу едните и другите протести која твоето големо мозо(л)че тешко ја разбира.

  8. mar-ko (marksist-komunjar)

    На кратко:
    1. Дали П.Шатев се борел за Македонија? Несомнено, Да. Инаку, за кого би биле тие зандани, измачувања, саможртва итн
    2. Дали сметал дека со добивањето федерален статус во ФНРЈ правилно е решено националното прашање? Да: По чија заслуга? На Ј.Б Тито како голем мислител, војсководач „кој го реши тоа толку важно прашање-националното“. (говор пред Уставотворното Собрание на ФНРЈ, во 1946 година)
    3, Дали бил борец против фашизмот? Неспорно. Затоа заработува смртна пресуда, заменета со 15 годишна робија.
    4. Дали се изјаснил за Информбирото и дали суден? Не. Зошто е интерниран? Како „потенцијален непријател“. (необорив аргумент, sic!). Во какви услови? Нечовечки.
    Ова се фактите. Се останато се прикаски и што би рекол Кардељ „малограѓанско зановетање“.

  9. nacional-patriot

    Tvoeto golemo mozoche so malo pametche ne razbralo.Jas ne go spomnav nastanot od 27 April lani.Ne ni aludirav na toj nastan.Jas napraviv sporedba pomegju ovie protesti i protestite vo 2015 i 2016 godina od togashnata opozicija,vo smisla na nemanjeto odgovornost za organizatorite na tie protesti.Vo 2015 godina imashe navistina nekolku povredeni policajci,a vo 2016 godina skvernavenja na imoti i obrnuvam vnimanie na neprincipielnosta,nedoslednosta i licemerieto na Erol.

  10. Ајван Доктор®

    @kvazinacional-pseudopatriotu,
    Твоето гоО0лемо мозо(л)че не добро го читало, па не може сфатило. Земи го, читај уште еднаш, можеби ти сВатило, =:0) Не се ништо подалеку ни овие протести во кои по втор пат се обидоа да влезат во Собрание, по наредба на вемерето! Или целта на овие две стотини бедни незадоволници им беше само да одглумат жестокост!?

  11. Ајван Доктор®

    @mar-ko (marksist-komunjar),
    Тоа што јас се потпишувам како Ајван Доктор, не значи дека сум ајван, ниту пак доктор. Ниту дипломата не ме прави доктор, ниту академски граѓанин, сè додека не ги достигнам постулатите кои еден интелектуалец го чинат достоен да ја носи таа титула: писменост, повисок степен на култура, широка наобразба и солидно знаење од сите области, не само од областа во која сум дипломирал, туку и од многу други. Истовремено, тоа што некој себеси се нарекува „национал-патриот“, патриот, или „голем Македонец“ не значи дека по автоматизам е патриот, или дека достигнал некаква национална големина за да се изјаснува како македонски патриот. И Мијалков и Грујо ги пишуваат дека се на браникот на татковината, ама тие стојат единствено на браникот на сопствениот џеб. Впрочем, со примитивизам, неписменост, непознавање на основниот правопис и со шупливоглавост не се достигнуваат национални височини. Истото важи и за „марксист-комунист“, не е доволно да се кажеш комунист, па да станеш тоа. Впрочем, поголемиот дел комунисти, членови на СКЈ и СКМ излезе дека се во суштина национал-социјалисти, а не социјалисти/комунисти. Истото важи и за Шатев – кога се кажувал „борец за Македонија“, комунист и што уште не, или кога некој ни го прикажува како таков. Особено невозможно е некој да го претставуваме како „борец за Македонија и национална самобитност“, ако цело време под поимот Македонец подразбирал Бугарин од Македонија што Шатев многупати го правел, пишувал и гласно кажувал, никогаш не издвојувајќи ја македонската нација како посебен и одвоен идентитет од бугарскиот. Проблемот бил само во финесите – дали се борат за „автономија на Македонија“ (како што бара првиот дел од основната вемеровска идеја), или за Македонија „која подоцна ќе се приклучи кон мајка Б’лгарија“ (како што се кажува во вториот дел од идејата, која нашите автори на учебниците „случајно“ ја бришат од целината). Основната идеја и во двата случаи е (про)бугарска и нема врска со македонството. Ти изгледа избегна да го прочиташ мојот текст, па неговото спротиставување и гадење од „идејата на КПЈ за обединување на Пиринска и Егејска Македонија“ затоа што тоа ќе и наштететело „на интересите на Бугарија“ го толкуваш како „борба за Македонија“. Шатев, впрочем бил и агент на СССР (*толку од твоето „не бил комунист“), што јасно ми го има потврдено во неколку наврати и Мире Анастасов, еден од одговорните на Коминтерната за Балканов кој беше суден како комунист и во Кралството Југославија, и во бугарофашистичкиот режим (на смрт), но настрада и по Коминформот, токму заради својата улога и дружењето со Шатев, иако е еден од клучните луѓе со чија помош е создадена МПЦ во 1956. За ваквата активност на Шатев постојат и документи.

  12. nacional-patriot

    Za razlika od tebe,jas go sFakjam ona shto go chitam.Koga kje zgreshish,koga pogreshno si go razbral napishanoto i prochitanoto,ne se vadi,tuku priznaj,zatoa shto so obidot da se izvadish,stanuvash ushte povekje smeshen i beden.

  13. Ајван Доктор®

    @kvazinacional-pseudopatriotče,
    Од сите твои досегашни пишувања и коментари не видов дека во еден од нив внесе некој цврст аргумент за своите тврдења. Барем еден единствен цврст аргумент да изнесеше, или нешто свое нешто што го немам прочитано на груевистичко-мијалковистичките ΔΡΠΑΜΕ порталчиња! Ајде, обиди се, откриј нешто свое, пофали се дека нешто друго си прочитал, пофали се дека нешто воопшто си прочитал, или дека си прочитал нешто вон „патриотските“ задачи и лектири, па да дискутираме како нормални луѓе. Да видиме што е тоа што може заеднички да го поправиме во државава, или барем да се потрудиме натаму да се движиме во дискурсов!

  14. nacional-patriot

    Koga na nekoj ne mu se dopagjaat argumentite i koga ne mozhe da gi pobie,edinstveno neshto shto mu preostanuva e da gi negira.Jas sum prochital knigi,chitam razni tekstovi,od razni portali koi nemaat dopirni tochki do DRPAME portalchinjata kako shto ti gi narekuvash.Kje ti napisham povtorno,jas nemam nishto so nitu edna partija i imam dovolno gordost,pa ne sum staven vo situacija da im ispolnuvam zadachi,osobeno ne na vakvi partii vo Makedonija koi si se menuvaat na vlast,a vsushnost se deideologizirani,obezlicheni,iskriminalizirani.Jas i ti ne mozheme nishto da popravime vo drzhavata,a onie koi mozhat ili mozhele,ne go napravile i ne go pravat toa zatoa shto povazhno im e shto mislat za niv strancite,a ne makedonskiot narod.

  15. Ајван Доктор®

    @kvazinacional-pseudopatriotče,
    …а народот (македонски) – тоа очигледно си ти и на тебе сличните! Еден куп од тие коментаторите како тебе што ги има насекаде по медиумиве, кои изигруваа апологети и ги воздигаа во облаците претходните владетели (сега, најпосле, опозиционери) се претставуваа као независни, демек – „такво било мислењето на нашите граѓани, а тие го делат нашето мислење“. Со истата празноглава идеја тргнаа да убиваат пратеници во Собранието, за да се претстави „колку народов ги мрази тие другите, комуњарите“. Кому продаваш магла! Та, ако немаш никакви допирни точки со партијата ВМРО, зошто тогаш ги верглаш истите празни филозофии!? Зошто приказните за деца од Иљов-Тентов-Бошевски и ним сличните „генијалци“ ти се омилени? За да докажеш дека тие се во право, што ли? Немаш ти своја глава за размислување?

    Туку, сакаш ли да те упатам како да пишуваш кирилица од својот компјутер и мобилен телефон, за да станеш вистински македонски патриот што го почитува Уставот на Република Македонија, на татковината, или ќе си останеш со латиницава да „се правиш Енглез“, а да се удираш во градите со патриотизмот?

  16. mar-ko (marksist-komunjar)

    Уште по кратко: А.Д. многу објаснува, но ниту еден одговор на поставените прашања. Понатаму, тој тврди дека „не е доволно да се кажеш комунист, па да станеш тоа“. Најчесто тоа е доволно бидејќи се работи за идеолошко, би рекол доброволно, определување а не на научна активност. Толку!

  17. nacional-patriot

    Jas napishav nekni,a ti izgleda ne si prochital,deka porano sum bil simpatizer na VMRO-DPMNE,no vekje ne sum.Koga bev simpatizer,potencirav deka sum simpatizer pri pishuvanjeto komentari koi gi objavuvashe Utrinski (bog da go prosti).Ne sum glumel deka sum neutralen koga sum bil simpatizer na partija.Sega sum partiski neopredelen,a napomenuvam deka sum neutralen za da ti stavam tebe do znaenje deka nemam nishto so VMRO-DPMNE,ni so bilo koja druga partija.Ti chesto pati paushalno mi stavash partiska etiketa i zatoa ti napomenuvam deka nemam dopirni tochki so partija.Moite stavovi ti gi odreduvash kako partiski stavovi na DPMNE?Mislish deka ne mozhe da se razmisluva nadvor od partiskite stegi,so svoja glava?A dali si ti simpatizer ili chlen na nekoja partija?Na SDS? Iljov,Tentov,si pokazhuvaat samite deka se vo pravo,a i Boshevski koga beshe zhiv.Chinam deka e pochinat.A makedonski patriot ne e sekoj koj shto pishuva na kirilica.Eve,ti si zhiv primer,kako nekoj shto pishuva na kirilica ne e makedonski patriot.Dali e nekoj patriot ili ne,merilo za toa se negovite stavovi za makedonstvoto.Se soglasuvam so tebe deka patriotizam e i pochituvanje na ustavot,ustavot koi onie vo rezhimot sakaat da go smenat,zaedno so imeto,ama nema da im uspee.Dali za tebe tie nepochituvachi na ustavot i na tatkovinata se predavnici?Dali barash da se pochituva ustavot na Republika Makedonija ili ustavot na Republika Severna Makedonija?Kje odgovorish na prashanjata ili kako nekni,kje se pravish naudren i pak kje izbegnesh i nema da dadesh koncizen odgovor?

  18. Ајван Доктор®

    @mar-ko (marksist-komunjar), Имаш право. Идеолошкото е лично, доброволно определување, но за да станеш тоа што се прикажуваш ти треба барем малку познавање на таа идеологија за која си се определил, па така за разлика од твоите тврдења, социјализмот/комунизмот има свои научни темели. Оттаму, ако не си ги разбрал нив, не си ја разбрал ниту идеологијата. Друго е со ВМРО-Секаква. Тоа беше националистичка терористичка организација која во своите корени ги има национализмот и тероризмот (создадена од бугарската агентура на Балканот), но како партија нема ни „д“ од десничарското демохристијанство и во својата суштина е национал-социјалистичка, а нема ниту „М“ од македонското, ниту „Р“ од револуционерното, ниту „Д“ од демократска. Исто е и со религиската припадност-определба. Џабе е некој христијанин и џабе оди во црквата да се моли и крсти (или во џамија да се моли и клања) ако во карактерот му се навлезени лакомоста по пари, палати и џипови, лагата, преварата, трчањето по жените или нивното пребивање до смрт (за да се докажел во машкоста), итроштината и слично. Може да биде и папа и архиепископ, но ако го прави тоа – тој воопшпто не е христијанин, ниту муслиман, ниту било што друго за кое се кажува. Тоа се докажало многупати досега, па така Борџиите (Каликст и Александар VI) се удавиле во разврат и корупција. Дури и самото тоа што некој национално се определил не значи дека е тоа што се впишал во графата по националност, бидејќи потеклото негово може да говори дека е нешто сосема друго. Така е и со бројни комунисти (чиј морален лик кој по правило не треба да е многу далеку од христијанството и останатите вјерују) кои заглавија во разврат, лоповлук, силеџиство, крволочност, сè на штета на ликот на комунизмот, па стигнаа дури дотаму да ја испревртат неговата суштина до спротивност и националното да им стане побитно од суштинското: борба за еднаквост пред законите (која од квазикомунистите се разбра како дека тотално неписмен и неук треба да е еднаков со некој учен, па да му продава басма), борбата за права на работниците си ја сфатија како борба за напредок низ системот и сл. Комунист кој се граба по државните и по туѓите богаства е далеку од комунизам. Националист-патриот кој мисли дека треба да го мрази другиот и дека викањето „да живее Македонија“ е патриотизам, а прави сè во својот живот да наштети на државата гледајќи го личниот интерес, живее во дивоградба, не платил давачка иако прима огромна плата, плука и си го заглавил прстот во ноздрите, го кодоши пријателот за да стаса до повисока позиција, гради кули од карти (стиропор и гипс) и за нив плаќа милијарда евра државни (туѓи/наши, како сакаш наречи ги) пари, не прави разлика помеѓу Хипократ и хипокрит (а станал магистер, или доктор на науки), не научил да пишува кирилица, ниту научил правопис, ниту сопствениот литературен јазик… за мене не е патриот, бидејќи така многу повеќе и штети на нацијата, отколку што ја возвишишува!

  19. Ајван Доктор®

    @nacional-patriotče, Уставот на денешна Република Македонија е донесен во 1991. година. Оттогаш наваму е менуван неколку пати и тоа: првата измена е направена 1992, втората е направена 1998, третата во 2001 (донесени се 15 амандмани), повторно во 2003, а веќе во 2005 се донесени 11 амандмани,.. Првиот Устав е донесен во 1946. Уставот и законите се менлива категорија.
    Ниту во социјализмот не бев член на СКЈ/СКМ, иако инсистираа на три пати да влезам во неа, не гледам зошто сега би бил член на СДС, или ВР%О-ДП-НЕ. Македонското кирилско писмо е основа за твојата писменост, но ако ти, толку големото nacional-patriotče не си го сфатил тоа до сега, не сум јас тој кој треба да ти објаснува. Мерило за патриотизам не се нечии ставови, туку неговото делување. Та, и убиецот или лоповот најчесто имаат став дека не го сториле делото. Треба да им веруваме на збор!? За мене е сосема небитно дали државата ќе се нарекува Р Македонија, или Р Северна Македонија, бидејќи тоа нема да ја промени суштината на нашето живеење, ниту нашиот карактер, За да ти биде појасно говорам за карактерот-менталитетот-однесувањето-сфаќањата на граѓаните кои живеат тука, тоа е основата која треба да се смени, не името. Јас конкретно бев за Славомакедонија, и убеден сум дека тоа беше најдоброто решение кое не задира во националниот идентитет, арно ама некои „античко-елински“ Македонци се убедени дека се Фнуци на Александрос кој ниту еднаш не се впишал „Македонски“.

  20. nacional-patriot

    Ustavot e menuvan nekolku pati,no od tie izmeni,na Makedonija ne i bilo smeneto imeto,ne i bila smeneta fizionomijata i sushtinata deka e makedonska drzhava i makedonski ustav.Ovoj megjupartiski dogovor predviduva i predlaga menuvanje na imeto,brishenje na istorijata so brishenejto na preambulata i menuvanje na identitetot na makedonskiot narod so vmetnuvanje deka Makedonec e podrazbiranje samo gragjanin vo ovaa drzhava,a nadvor od granicite nema Makedonci.Ne mi odgovori na prashanjeto dali zagovarachite na ovie izmeni se predavnici spored tebe.Ne mi odgovri na prashanjeto i dali si simpatizer na SDS,a ne samo dali si chlen.Jas znam deka makedonskoto kirilichno pismo e osnovata na makedonskata pismenost.Ne ti e umesna analogijata na patriotizmot so ubiec i lopov.Tie znaat(ili povekjeto od niv)deka toa shto go pravat e losho i zatoa negiraat deka storile dela,no pochituvanjeto na svojata drzhava i narod ne e za sramenje i za osuduvanje i zoshto toa bi se krielo?Ili zoshto da se potvrduva ako toj shto se preprava deka e patriot,svesen e deka so delata koi gi pravi,posochuva deka ne e toa za shto se prikazhuva?Meriloto za patriotizam se iznesenite stavovi zatoa shto po iznesuvanjeto na stavovte se prepoznava koj e shto e.Za rezhimot lesno e da se oceni kakov e spored toa kakvi stavovi zastapuvaat pripadnicite na rezhimot.I delata se vazhni,no ako deloto e sprotivno od izneseniot stav,toj ne e ona za shto se pretstavuval.Ne me chudi shto tebe ne ti e vazhno kako kje se vika drzhavata, imajki gi vo predvid tvoite stavovi.Ne se pregovarashe za menuvanje na nashiot karakter,odnesuvanje,mentalitetot,tuku za menuvanje na imeto i idnetitetot na drzhavata i narodot.I treba da se smeni odnesuvanjeto i mentalitetot na vrhushkata i podrzhuvachite na rezhimot.Tie kzaziintelektualci i kvazidemokrati se ubedeni deka antichkata makedonska istorija i pripagja na Atina i deka Filip i Aleksandar tamu pripagjaat,iako Filip se borel protiv niv,gi pobedil,gi osvoil,a toj i sin mu nikogash ne se vpishale “Elinski”.

  21. nacional-patriot

    Ne sum znael deka Gruevski ne znae da pishuva na kirilica i deka ne znae pravopis.

  22. Ајван Доктор®

    @nacional-patriotče,
    Си ги читаш ли работиве кои ги пишуваш, или „како Максим по дивизија“, лупнуваш, па ако останеш жив, добро, ако не, повторно добро!? ДА! Античката „македонска историја“ е не само Атинска туку и исклучиво Хеленска тоа јасно го кажуваат артефактите од тоа време – домументирано од прва рака и само некој псеудоисторичар може да тврди поинаку. Аргументите стојат цврсто наспроти празноглавите тези! Тоа што Гвуевски знае да пишува кирилица не значи дека знае правопис, македонски литература, или дека е нешто многу учен. Патем, сомнително е знаењето на магистер на науки кој не знае да направи разлика меѓу Хипократ и хипокрит, кому „363 и (плус) 208 милиони евра се приближно 700 милиони евра“, или кому „5.800 плус 7.150 вработени се 19.000 нововработени“. Тоа го може само боксер-идиот, никако магистер на науки! Повторно ќе кажам: Зарем вам „патриотите“ не ви е срам еден Артан Груби, една Ермира Мехмети, Ерол Ризаов, или една Фатиме Фетаи далеку подобро да се изразуваат од вас и подобро да го владеат македонскиот јазик и правопис!? Јас би се самоубил, не пак, да се појавувам во јавност! Молчи и покриј се со ушите! Влези во некоја дупка и не излегувај од таму додека не се описмениш! Веќе не сакам да правам муабет со човек кој не сфатил дека кирилицата и македонското писмо му се основа на идентитетот, а кука однапред дека некој друг ќе му го променил!

  23. nacional-patriot

    Ne se chitaat raboti,tuku zborovi,rechenici,tekstovi.Antichkata makedonska istorija e del samo od makedonskata istorija,a ne od drzhavata so glaven grad Atina.Toa shto taa drzhava ja prisvojuva taa istorija i shto ima podrshka za toa od nekoi stranci,ne go menuva faktot deka antichka Makedonija bila neshto sosema razlichno od polisite,vo sekoj pogled.A shto se odnesuva do artefaktite,na niv nikade ne pishuva deka se “helenski”.Pa jasno deka ne pishuva zatoa shto takvo ime i naziv ne postoele vo toa vreme.A dva mileniumi podocna,pseudoistorichari ili pristrasni istorichari kje gi narechat “helenski”.Znae ili ne znae Gruevski da pishuva kirilica?Ednash pishuvash deka ne znae,pa deka znae.A se soglasuvam so tebe deka toj e idiot.Napishav porano deka e glup.Treba da se sramat onie koi polosho se izrazuvaat od pripadnicite na malcinstvata,no jas ne sum od tie koi treba da se sramat.A dotichnive od malcinstvata koi gi spomna,ne se za falenje.Kade se pojavuvash vo javnost?Zar mislish deka pojavuvanje vo javnost e pishuvanje komentari pod psevdonim?I za ova ne znaesh da napravish razlika.Tokmu ti treba da se piknesh vo nekoja dupka i da ne izleguvash dodeka ne se opismenish i dodeka ne nauchish da pravish razlika pomegju jasno razlichni neshta.

  24. Ајван Доктор®

    @nacional-patriotče,
    И сега, што? Јас ќе те прашам: „каде ти виде дека е напишано дека Груевски не знае да пишува кирилица“, па ти ќе ме цитираш: „гради кули од карти (стиропор и гипс) и за нив плаќа милијарда евра државни (туѓи/наши, како сакаш наречи ги) пари, не прави разлика помеѓу Хипократ и хипокрит (а станал магистер, или доктор на науки), не научил да пишува кирилица, ниту научил правопис, ниту сопствениот литературен јазик… “, не наслутувајќи дека делот за кирилицата се однесува за таквите како тебе, а делот за „ХипокрИт“ и сл., на сите полуписмени „научници“ кои станале доктори и магистри, а на кои дилетантизмот им е царство… И така – до бескрај! Исто како и што се однесува на мар-ко комуњар-ко, кој мисли како оние „комунисти“ од времето – дека е доволно да ја испееш „Друже Тито, ми ти се кунемо“ и да станат големи комунисти. Си научил да читаш, ама не и да прочиташ! Сега ќе следува твоето : „е ти не си научил“… И повторно ќе се w’тиме во кWуК. Да те прашам… А што имаш ти од тоа ако Александар воопшто и бил Македонец (а не бил!)? Ќе станеш (по)горд на својата раса, или ќе вредиш повеќе!? Ако ти стане така поубаво (а нема!), нека ти биде! Артефактите од добата на Александар, текстовите и фрагментите од нив на камен, во метал, на керамика и папирус, испишани се исклучиво на алфабет („ама не бил грчки-елински“) и на грчки јазик, никако на кирилица со македонски јазик, ниту на македонско-патриотската латиница, или македонскиот-демотики на Тентов-Бошевски. Ако ние тогаш сме биле писмени немаше да имаме толку неписмени денес и тоа повеќето луѓе со дипломи за завршено основно, средно и високо, и особено на луѓе со научни титули кои треба да се носители на напредокот. Повторно, нашава дискусија станува бесмислена, дијалог на глуви, барокен рингишпил, и не гледам причина зошто би ја продолжил.

  25. nacional-patriot

    Za razlika od tebe,jas odgovaram na postavenite prashanja.Doznav,odnosno samiot se otkri i pokazha deka ona shto go pishuvash,znachenjeto poinaku mu go razbirash.Konkretno,tvojata aluzija za Gruevski so pishuvanjeto za gradenjeto gradbi od gips,nepravenjeto razlika megju Hipokrat i hipokrit,pa potoa neznaenjeto pishuvanje kirilica.Mozhebi ti za kirilicata ne si milslel na Gruevski,no nachinot na napishanoto ostava takov vpechatok.Ako ne si mislel na nego za kirilicata,si trebal megju toa da napishsesh nekoja distinkcija vo rechenicata,za da pokazhesh deka ne si mislel na Gruevski.Ama i za toa treba pismenost.Jas sakam vistinata da se pochituva.Pa sakam da se pochituva vistinata i za makedonskoto kralstvo vo antikata.Ti si mislish deka najvazhnoto e shto dobiva nekoj ako ja potencira vistinata.Neka ti stane jasno deka ima nekoj koj ne bara neshto za sebe koga ja potencira vistinata ili se bori za nea.Ima nekoj koj ne mu e vazhno samo materijalnoto ili samo vazhna satisfakcijata.A pa zoshto na tebe i na avtoshovinistite im e vazhno toj del od makedonskata istorija da ne bide makedonska?Taka ubavo kje se chuvstvuvaat?Od negatorite na makedonstvoto kje dobijat tapkanje po ramo,otkako prethodno kje dobijat neshto mnogu povekje od toa?Ne sakaat da razberat i prifatat deka i mala drzhava,mal narod ima bogata istorija.Napishanoto na alfabet i na “grchki” jazik NE E argument deka Makedoncite ne bile poseben narod vo antikata i deka nemale svoj poseben jazik.Takvi natpisi koristele i drugite narodi vo antikata i tie li bile “Heleni”?Ima lugje koi sebe se smetaat za intelektualci,eltisti,najpametni,ako ne vo galaksijata,barem vo Makedonija,a najtragichnoto e shto se smetaat za dostoinstveni,no pred strancite i pred negatorite se najodvratni mivki i tolku se zabegani shto toa go prifakjaat kako doblest.A koga kje uvidat tie kvaziintelektualci deka nivnite tezi,svetogledi se bez nikava osnova i pogreshni,se obiduvaat ona shto go gledame,da ni go prikazhat deka ne go gledame,sakaat da gi izvrtat neshtata vo nivna korist,no taka ushte povekje se zapletkuvaat,zabeguvaat i stanuvaat posmeshni.A ti odbegnuvachu na odgovori,barem odgovori na moite postaveni prashanja.Diskusija stanuva besmislena ako se odbegnuvaat odgovorite.

  26. Ајван Доктор®

    @nacional-patriotče,
    Во право си, Александар сигурно бил некој Егеец – грецки знае, а македонски малку потешко!

  27. nacional-patriot

    Pela,rodnoto mesto na Aleksandar,se naogja vo egejskiot del na Makedonija.Negoviot narod bil narekuvan varvarski zatoa shto ne go zboruval jazikot shto go zboruvale tie vo polisite.

Leave a Reply

Your email address will not be published. Required fields are marked *