Banner
Ориент експрес

И во Атина марш на срамот

atinaСо митинзите во Атина и во Солун сѐ што беше разумно во последниот обид да се најде решение меѓу Грција и Македонија е донесено под знак прашалник. Грчките десничарски партии и грчката црква, кои се идејните водачи на протестите против основните цивилизациски и општочовечки права на самоопределување на народите, во центарот на Атина, докажаа дека не биле само тие 50.000 од митингот во Солун, туку стотици и стотитици илјади лесно потпаливи жешки глави кои го окупираа главниот град на лажната лулка на европската демократија и го покажаа пред светот грдото лице на популизмот во олимписката метропола. Жална, многу жална е пораката од Атина до светот, до соседите, до Брисел, до ОН и до сите оние што сакаат и вложуваат со децении напори да се реши неправедно наметнатиот спор кон Република Македонија.

Организаторите на овој марш откако насетија дека по демократските промени во Македонија можно е да се дојде брзо до решение, одлучија на овој начин да ѝ ги врзат рацете на грчката влада и на грчкиот премиер и на сите разумни луѓе во двете земји кои се подготвени за компромис, да се крене 27-годишната блокада и да се овозможи Република Македонија и нејзините два милиони жители да станат дел од Европа и членка на НАТО и на ЕУ. Грчките националисти ги избербатија и олимписките знамиња. Велат ја спасуваат грчка Македонија. А, кој тоа им ја зема Македонија, било грчка, било северна Грција, или Елада, или уште како ли ја викаат дома и во светот. Никој. Ама баш никој не им бара ниту еден милиметар од нивната територија, од нивната земја, никој не им бара ниту еден член, ниту еден збор, ниту една запирка да менуваат од својот устав ниту, пак, некој им бара да воведат нов правопис како да се пишува на грчки, на англиски и на француски, и на свахили, и на јазикот на преостанатите жители во бразилските џунгли името на грчка Македонија. Никој ништо не бара од Грците, од грчката држава, нешто да променат кај себе. Ама баш ништо никој на светот не бара од Грција или, не дај боже, некому да му дојде на ум да побара нешто што таа го бара од својот прв сосед.

Од Грција се бара само разбирање и елементарна човештина и култура да го остави на мир својот сосед, да си ја зачува својата држава и да го смести својот народ таму кај што припаѓа и географски, и културно, и политички, притоа да изразува подготвеност да ги ослободи од сите фобии граѓаните на Грција кои не ги препознаваат манипулациите на своите политичари во битките за власт, и за голема жал на грчката црква, иако истоветно ортодоксна и православна со македонската. Република Македонија така се вика 74 години, исто толку години има своја држава, свои граници, признати и почитувани од сите соседи, вкључувајќи ја и Грција, има свои влади и премиери 74 години, има свое Собрание 74 години, има свој Устав, има потпишано илјадници меѓудржавни договори за период од 74 години, има своја армија, полиција 74 години има сѐ што треба да има една современа парламентарна држава цели 74 години. Република Македонија 74 години го има истото име, и кога беше составен дел на Југославија како федерална, или народна или социјалистичка Република Македонија. Тоа никој нигде не го оспорил. Македонија е држава членка на ОН 27 години и е 12 години кандидат за членство во НАТО и во ЕУ. Република Македонија е призната со уставното име од 137 држави меѓу кои најголемите светски велесили и сите поранешни републики сега независни држави кои беа во состав на Југославија. Досега, најмалку пет години Република Македонија ќе беше редовна членка на НАТО и на ЕУ, ако не беше грчкиот ултиматум против меѓународното право на самоопределување, ако не беше срамниот протекционизам на ЕУ кон своето галениче Грција, ако не беше индиферентноста на Америка, но рака на срце и неспособноста на македонските политичари низ целиот транзициски период, а најмногу поради катастрофалните грешки на претходната македонска влада во потрага по пославно минато, со изградба на споменици на антички јунаци со трошење на парите на најсиромашниот народ во Европа за инает на Грците, а на своја огромна и ненадоместлива штета.

По овие митинзи и во Солун и во Атина, се вративме 25 години наназад со истото прашање – дали е можно да се најде решение за овој проблем кое би било прифатливо за двете страни? Всушност, големите протести во Атина и во Солун ја имаат и таа намера, покрај домашната опомена на Владата, да ја предупредат и Европа и Америка да внимаваат овие големи грчки заштитници што прават и да не дозволат Република Македонија да стане сојузник на Западот по никоја цена. Иако сите тврдат дека решението е многу тешко и дека проблемот е нерешлив, со децении историските искуства покажуваат дека при ваквите наметнати меѓудржавни спорови, било да се работи меѓу членки на ЕУ и кандидати за членство, било во други случаи кои се од интерес на Брисел, на Америка и на ОН решението може да биде многу едноставно и брзо изводливо со прифатлив компромис. Во случајот со Република Македонија, доколку членството во НАТО и почнувањето на преговорите со ЕУ временски се условат и по кој истечен датум важи пресудата на Судот на правдата во Хаг за прием на Македонија во нив со името ПЈР Македонија, многу бргу ќе стапи на сцена грчкиот прагматизам по што за кратко време ќе се најде прифатливо решение и за разграничување на географскиот поим Македонија, и за отстранување на опасноста од иредентизам и на она што значи запазување на национален идентитет, јазик, општочовечки прва и на достоинството на граѓаните на двете земји. Факторот време е големата неправда што ѝ се нанесува само на Македонија однадвор, за жал, и од внатре, во овој спор. Изедначувањето на преговарачките позиции на Грција и на Македонија со временско ограничување го решава праведно проблемот. Тоа е работа која треба да зависи од владите во Вашингтон, Скопје и во Атина, од Брисел и од ОН, а не од популистички митинзи, колку и да се големи и агресивни.

(Објавено во Независен весник)

Коментирај:

коментари:

Овој текст има еден коментар

  1. nacional-patriot

    Koga chovek kje dozhivee nekoj shok,od negoviot karakter,mentalna sila,spremnost,sprtenost,zavisi kako kje se nosi so toa.Dali kje izdrzhi i kje se oporavi,dali kje bara nekoja uteha kako obid da go relativizira shokot ili kje se skrshi,zavisi od samiot chovek.Rezhimot vo Makedonija i kompromisierite dobija denovive shok i kakvi posledici kje ima toa po niv vo sekoja smisla,kje vidime.Atina najotvoreno go pokazha,potochno mu go pokazha na rezhimot,na kompromisierite,ama i na nekoi opozicioneri,baranjeto kon Makedonija i Makedoncite za promena i na nazivot za identitetot i nazivot za jazikot,osven baranjeto za promena na imeto na drzhavata so dodavka.Ovie stavovi i baranja na Atina se poznati ushte od pochetokot,samo rezhimot,kompromisierite ne sakaa da priznaat deka Atina ima i takvi baranja.So toa,ushte povekje stanuvaat beskorisni manipulaciite i izvrtuvanjata od kompromisierite i rezhimot.Samo za pojasnuvanje,i vo rezhimot se kompromisieri,samo drugite kompromisieri gi izdvojuvam od rezimot zatoa shto nemaat nekoja drzhavna funkcija.Ova e shok za onie koi bea i se politichki naivci,koi zhiveat vo fantazija,koi ne znaat da soberat dva i dva vo politikata i diplomatijata.Ako ne bea so svitkani kichmi,ako ne posakuvaa promena na imeto,ako ne fantaziraa deka Makedonija i Atina mozhe da stanat sojuznici,togash nemashe da dozhiveat shok i nemashe da se borat so posledicite od toa.I ti Erol si eden od niv,a koga ne beshe vo shok,pishuvashe deka za zastojot na Makedonija ne se vinovni sosedite,SAD i EU.Sega koga si vo shok,progleda i se prosvetli li? Uvbavo si napisha deka sosedot galeniche,a i negovite sojuznici SAD i EU se vinovni za zastojot.No sepak si zadrzha del od tvojata tipichnost i ne dozvoli da ja izostavish afirmacijata na antichkata istorija na antichka Makedonija koja e apsolutno del od sevkupnata makedonska istorija kako edna od vinata za zastojot.Atina vovede ednostrano embargo kon Makedonija vo 1994 godina,a togash nemashe antichki makedonski iminja za objekti,institucii,nemashe spomenici na antichki lichnosti.I bez seto toa,Atina isto kje i praveshe i kje ja blokirashe Makedonija.Nema potreba od baranje i stavanje bilo kakva dodavka do imeto za da ima distinkcija megju drzhavata i oblasta,odnosno pokrainata.Distinkcija ima i toa ne edna tuku chetiri.Prvata distinkcija e prefiksot Republika,vtorata distinkcija e zapadna za edna od provincite Makedonija vo drzhavata so glaven grad Atina,tretata distinkcija e centralna za druga provincija so ime Makedonija i chetvrtata distinkcija e istochna za istochniot del od egejska Makedonija.Za informacija,koja izgleda ne ja znae ni ministerot Dimitrov,egejska Makedonija e podelena administrativno na tie tri dela vo ustavot na Atina.Geografski dodavki se stavaat na pokraini,provincii,oblasti,a ne na drzhavi.Vremeni dodavki kako “Nova” se stavaat na novootkrieni ili novoosvoeni teritorii na koi im e staven naziv od orginalnoto ime,no zaradi distinkcija ima vremena dodavka.Na primer Nova Anglija ili New England,Nova Shkotska.A R.Makedonija e na orginalna teritorija so orginalno etnichko ime.Ti Erol napisha tekst so naslov “Ne gi plashete lugjeto”.Taka?Pa zoshto ti se obiduvash da gi zaplashuvash,eve povtorno so propagjanje na drzhavata?Taka nishto ne postignuvash i sekako deka nema da uplashish,a Makedonija kje si opstane i bez chlenstva.Edna od politichkata nepismenost i naivnost e i “krstenjeto” vo Cipras i negovata vlada od kompromisierite i rezhimot.Treba i mora da se znae deka Cipras e premier vo zaminuvanje.Toj i negovata partija na narednite parlamentarni izbori,redovni ili predvremeni,kje izgubi.Toj e tipichen vrtikapa politichar koj edno zboruva i pravi pred izbori,a sosema drugo otkako kje dojde na vlast.Megju mnogute takvi neshta koi go “krasat” nego e i nesvojstvenoto negovo zalaganje za proshiruvanje na NATO.Toj kako levichar i antimilitarist koj vo minatoto protestiral tokmu protiv NATO,sega e negov golem podrzhuvach,shtom se zalaga za proshiruvanje so Makedonija.Politichkata shizofrenija e shtetna i gi omalovazhuva relevantnite politichari koi se dokopale do vlasta,a pomalku marginalnite.I shto sega kje pravat kompromisierite vo Makedonija?Nivnite ochekuvanja od SAD i EU deka mozhe neshto da napravat za sporot se neosnovani,lazhni isto kako shto im beshe neosnovan i lazhen optimizmot.Sad celosno se angazirashe pred i posle samitot na NATO vo Bukuresht 2008 godina,a i podocna,isto i EU,no kolku i da se silni,velesili,ne mozhat na sila na nekoja drzhava,kolku i da e mala da i nalozhat,nametnat dodavka i obezlichuvanje.Ednostavno,bez nejzina soglasnost,bez soglasnost od Makedonija i bez soglasnost od makedonskiot narod,ne mozhat velesilite da si gi ostvarat zacrtanite anticivilizaciski celi.Povekje od jasno treba da im stane i na kompromisierite deka nema da ima dogovor pomegju Makedonija i Atina.Prvo da se spravat so shokot.

Leave a Reply

Your email address will not be published. Required fields are marked *