Categorized | Мое ќоше

Зошто ни иде да плачеме ко дете

Објавено на 18 August 2017 од erizaov

place ko dete

Кога го слушнав пратеникот Стевананџија како се обидува да го рецитира „Тешкото“ од големиот македонски деец Блаже Конески од собраниската говорница, прво што помислив е дека ова е врв на лицемерие, голем простотилак и ароганција, невидена дрскост, еден вмровец да ги злоупотребува антологиските стихови од творештво што задира во сржта на македонското битие. Не затоа што еден анџија рецитира како аџамија заради партиско-политички пресметки песна на сенароден мислител, таткото на литаратурниот јазик и голем поет, великанот Блаже Конески. Не затоа што „Тешкото“ стана лелек поради стравот од смената на јавниот обвинител Марко Зврлевски, заштитникот на криминалот во врвот на довчерашната власт. Туку, само затоа што со години приопштуваните навреди кон Конески, всушност не се против него лично, туку тоа е најголемата негација на македонскиот народ, идентитет и држава, а со тоа и на сите граѓани. Поголема навреда од тие што живеат на сметка на државата и на граѓаните, и што секој ден се удираат во гради и ја бранат Македонија од измислени непријатели, досега не сум чул, ни прочитал.

По сè  изгледа ќе се игра навистина тешкото на Стевананџија, а ќе се игра и пиперевка пред професионални и партиски неинфицирани обвинители и судии. Кога заврши анџијата со сквернавење на песната, си реков по ова навистина сите што ја сакаат својата татковина треба да седнат покрај Врадар и да плачат како деца, или конечно да станат на нозе и да ја отсранат таа шуга која ја обви целата земја во краста. Не знам дали има човек во државата, се разбира со здрав разум, кој кога ќе слушне како пратеник на ВМРО-ДПМНЕ го рецитира Блаже Конески во тој миг да не помисли на Антонијо Милошоски, кој го нарече основоположникот на современиот македонски јазик „џуџето од Небрегово“. Повеќе пати јавно прашувам кога ВМРО-ДПМНЕ и лично Милошоски ќе се извинат за оваа навреда на граѓаните на Македонија, за деградирање на  македонскиот јазик, азбука и на целото творештво и наука создавано со децении на тој јазик. Како може политичка партија да предупредува на опасноста  да се изгуби националниот идентитет и името на државата, а истовремено да го урива темелот на идентитетот, омаловажувајќи го баш од научен аспект грандиозното дело на човекот кој дал најголем придонес во кодификацијата на македонскиот современ јазик, Блаже Конески, чиј споменик одамна требаше да стои на централниот плоштад во главниот град на државата, како што е вообичаено во светот со личностите и творците кои ги задолжиле своите земји созадвајќи од разни дијалекти и говори современ национален јазик кој е комуникациски код на сите граѓани без оглед на нивната национална и верска припадност. Нема дете во тие земји кое оди на училиште, а да не знае како се вика создавачот на литературниот јазик.

ВМРО-ДПМНЕ и партискиот врв не преземаа ништо, ниту пак на било кој начин се оградија од апологетскиот додворувачки јавен настап и на извесен Чилиманов кој се преставуваше како новинар и кој на ужас на јавноста истата навреда ја искажа за основоположникот на современата македонска литература, поетот Коста Рацин. Чилиманов, одејќи по стапките на идеологот Милошоски ја израдува целата јавност со откритието дека Рацин е второто џуџе од Велес, кој ако не  загинел во НОБ, ќе станал комунистички диктатор. И оваа брука ден по ден во Македонија се покрива со заборав неказнето како да не е ништо страшно оркестираното плукање на најголемите национални величини кои се оснивачи на македонската современа национална држава. И човекот што го напиша првиот роман на Македонски јазик, писателот Славко Јаневски, кој во првиот национален дневен весник на македонски јазик, во првиот број на „Нова Македонија“ ја објави чудесната песна посветена токму на јазикот. Писателот Славко е откопан по наредба на ВМРО-ДПМНЕ од гробарите ангажирани во таканаречената комисија за лустрација кои мртов го ставија на стлобот на срамот без да му се даде шанса да се брани. Сироти и сиромашни по дух не знаат дека творештвото на Славко Јаневски е толку силно што не можат со ништо да му наштетат на творецот, туку самите себеси да се жигосаат како џелати за навек. Кога на живите не им се даде шанса за одбрана од партиските лустратори, кој би ги одбранил од режимот одамна починатите. Но ете, имало правда, макар и задоцнета,  пред судот уште за време на режимот паднаа сите пресуди на оваа партиска инквизиција.

Само за овие нарачани злосторства кон државата, кон националните велични и кон сите граѓани, ВМРО-ДПМНЕ  треба да се избрише од политичката карта на Македонија, која со груевизмот и со антицивилизациска, антиевропска и антимакедонска политика во текот на цели 11 години ги нанесе најголемите штети во историјата на Република Македонија од нејзиното основање од АСНОМ 1944 година до денес. Или ВМРО-ДПМНЕ ќе оди како експонат во музејот што го носи неговото име, или ќе се најде лидер и внатрешни сили кои ќе ја осовременат и ќе ја спасат партијата. Непристрасната историја вели дека ВМРО функционирала како вистински национелн водач само првите десет години по основањето во 1893,  односно до 1903 година. Сè после тоа е трагично истребување на сè што е македонско, напредно, учено  и паметно, на сè што води кон прогрес и самостојна држава.

(Преземањето на делови или целосниот текст од колумната „Мое Ќоше“ е дозволено само по претходна согласност од авторот. Сите права се задржани)

Коментирај:

коментари:

loading…


4 Comments For This Post

  1. od dedo dimo Says:

    Vidi vaka druze Erole, citav malku vo Isrorija na Mak.narod i tamu ubavo pisuva , vo oktomvri 1893 god. vo Solun osnovacite se konstituirale kako DRUSTVO i posle edna godina kako revolucionerna makd.organizacija. VMRO (obedineta)e formirana vo viena 1925 god.Kolumnata ti e prekrasna i mozebi nekoj zabluden VMRO-ovec ke moze da izvlece pouka .

  2. nacional-patriot Says:

    Generaliziranjeto e odlika na onie koi eden nastan ili lichnost(i) gi koristat kako alat za valkanje na ona shto ne ime se dopagja za da go ocrnat,pa duri i da pobaraat zabrana na toa shto go mrazat vo stilot na nedemokratskite deluvanja i rezhimi.Pa taka i ti Erole,idiotshtinite na Miloshoski i na Chilimanov gi koristish i gi pretstavuvash kako partiski stav na edna partija.Ne go skvernavi *Teshkoto* Stevanazdija zatoa sto toj ne izjavil neshto odvratno za Koneski i za Racin.Plukanjeto kon Koneski i Racin,no i kon Pulevski i Misirkov,nivno skveravenje,no i skvernavenje kon makedonstvoto go pravat onie koi pravat i potpishuvaat antimakedonski dogovori so negatorite na makedonstvoto.Ima javni lichnosti kako tvojot kolega Trichkovski koj go negira makedonskiot identitet,negovata posebnost i istoriski kontinuitet.Denko Malevski koj isto taka go negira makedonskiot narod bidejki za nego toj e so *bugarski* koreni i so toa shto za nego toj postoi od 1944 g.Negoviot tatko koj shto beshe velikan,se prevrtuva vo grobot.Premierot Zaev isto taka ja negira posebnosta na makedonskiot narod zatoa shto pred nekolku meseci kazha *shsti narod* ili kako i da se kazhuva toa na takanarecheniot bugarski jazik.Kade e tvojata osuda za ovie sramotiloci,plukachi,skvernateli,negatori,izrodi?Kade se osudite i ograduvanjata od SDS za izjavite na Zaev,za pisanijata od Trichkovski,Malevski?Kade se reakciite od MANU?Zaev pri potpishuvanjeto na sramniot i negatorski dogovor so Sofija,odbegna da kazhe makedonski narod,tuku *mojot* narod za da ne go navredi Borisov.I pri proslavata na dvata Ilindena,govornicite od rezhimot ne go spomnaa makedonskiot narod,a toa e negiranje na makedonskiot narod.E vakvi odnesuvanja od rezhimot i od nivnite podrzhuvachi se anticivilizaciski,antievropski,antimakedonski.Zoshto ti Erole ne reagirashe i na odvratnata izjava na Zaev deka treba da se trgnat od spomenicite i od plochite za NOB napisite fashistichki za sofiskiot okupator?So toa toj vekje ne se ni srami da go skvernavi i da go pluka NOB i da gi pluka iljadnicite makedonski borci koi gi polozhija zhivotote.Zoshto ne reagirash i za ociglednoto napushtanje na velichenjeto na NOB od strana na nivniot *naslednik* SDS?So toa i so drugi sramotiloci shto gi pravi SDS,taa partija se otkazha od NOB,a pravi sojuzi so potomcite na okupatorite.Gledame deka ovie nivni izjavi i pisanija kako da odat vo zaborav,pa duri i opozicionata VMRO-DPMNE kako da gi zaboravi,a tie si se optovareni sega so pravni pechkanja.I izvini za mojot *bezobrazluk* shto ne se potpishuvam so moeto ime i prezime.Ne se potpishuvam zatoa shto imeto i prezimeto nishto ne bi ti znachele ako gi prochitash i nepoznati se za tebe i za javnosta.

  3. До„nacional-patriot „ Says:

    Ве молам прво научете да пишувате на македонски.

  4. nacional-patriot Says:

    Jas pishuvam na makedonski.Moite komentari se na makedonski jazik.Bidejki nemash kontraargumenti za mojot komentar i ne mozhesh so nishto da go pobiesh i osporish,ti davash primedba kako pishuvam.Primedbata ti e pogreshna,a pravilna kje ti beshe ako pobarashe od mene da pishuvam na kirilica.

Leave a Reply


Photos from our Flickr stream

See all photos

Twitter


календар

October 2017
M T W T F S S
« Sep    
 1
2345678
9101112131415
16171819202122
23242526272829
3031