Archive | May, 2014

Tags: , , ,

Циркусот заврши

Објавено на 13 May 2014 од erizaov

Завесата се спушти, претставата заврши. Комедија е финита. Никола Груевски и Али Ахмети, главните акробати, се поклонија пред публиката задоволни од овациите и аплаузите на своите верни обожаватели. Има по некој очаен свиреж на тие што не веруваа дека изборите во Македонија беа голем циркус. Или попрецизно кажано, на тие што слепо поверуваа дека го даваат својот глас на своите партии и лидери Груевски и Ахмети да не се уценуваат додека ја делат меѓу себе изборната победа.

Нема ништо понормално од тоа по изборите победниците да седнат на заедничка маса и да се договорат за состав на владата и за политиките што ќе ги водат за време на мандатот и за остварување на своите програми. Како што тоа го правеа сиве овие изминати години откако се партнери и како што и сега се договорија пред изборите. Зошто тогаш некои луѓе се вџашени што ВМРО-ДПМНЕ и ДУИ, ДПА и ГРОМ седнаа во собраниските клупи си го избраа досегашниот претседател едногласно, како што е редот и поредокот. Изгледа имало бајаги наивни кои верувале дека ДУИ и Али Ахмети навистина, онака од чиста мира, одеднаш посакале вонредни парламентарни избори. Дека е можен изборот на консензуален претседател, Македонец што ќе биде по мера и на ДУИ и ВМРО- ДПМНЕ и дека е можен изборот на Албанец за претседател на Собранието по истата мера и уште екстра по некое значајно министерско, директорско место. Како што и голем број луѓе му поверуваа на лелекот на Груевски: дајте ми 62 пратеника да не не’ уценуваат ДУИ и Ахмети, со нивните барања кои ги загрозуваат националните интереси, како на пример сите во Македонија да учат и да зборуваат албански јазик, иако тоа никаде не се слушна како барање на ДУИ. И сега кога се уверија сите дека се работи за класична фарса и лажни повици за националистичка хомогенизација во одбрана од ултиматумите на партнерот и божем во одбрана на загрозените национални интереси, можат глумците да бидат раат, задоволни и насмеани да продолжат да се договараат и да ја делат власта според она што го имаат потпишано многу одамна во предбрачниот договор. Само работата да не биде како во прикаската со овчарот кој три пати лажно викал помош волк, помош волк…. и им се смеел на луѓето кои трчале да помогнат. Кога навистина дошле волците веќе никој не му верувал на повиците.

Е, сега остануваат непријатните прашања кои ќе се пикаат под тепих под закрила на контролираните медиуми и спин-доктори. Видовме што добија партнерите во власта кои својата работа во поделба на власта ќе ја довршат за брзо време. Добија засега уште четири години мандат и ништо повеќе. Но дали се’ ќе остане по старо. Не верувам. Видовме што доби и Македонија: најлоши избори досега, кои ОДИХР го нарече нерамноправни со суштински забелешки: дека не се постигна одвојување на државните од партиски активности, дека избирачкиот список е без контрола на ДИК и во него немаат доверба учесници во трката, нема одговор на жалбите на граѓаните за изборни неправилности на кои биле сведоци. Медиумите до зла бога биле пристрасни. Мирните и ефикасни избори ни оддалеку не се европски стандард, предупредува Европа. Треба слободни и демократски избори во рамноправен натпревар и никако поинаку.

Овие денови ќе бидеме сведоци на се’ погласни укажувања дека македонскиот парламент е едноумен и без опозиција. Што е факт. Останува специфична улогата на ДПА, која во парламентот ќе биде како и досега жестока опозиција само на ДУИ. СДСМ станува вонпарламентарна опозиција која не ги признава изборните резултати, иако игнорирајќи ја досегашната применувана практика во Собранието мнозинството арогантно им ги верификуваше мандатите. Сетa ова лакрдија ќе трае некаде до јуни кога ќе стаса Штефан Филе, еврокомесарот за проширување, кој ќе ги испорача препораките на Брисел кои таму се викаат „директиви“. Потоа сите ќе голтнат по една кнедла, ќе преговараат и ќе договараат решенија кои ќе завршат на тоалет, или палома хартија како ланскиот мартовски договор, само што сега ќе се вика јунски меморандум, или некако слично. Груевски ќе отвори голем демократски пакет, а СДСМ ќе се врати во парламентот, ДУИ ќе заговара брзи евроатлантски интеграции и разбира се повеќе тендери, ДПА и Мендух Тачи ќе даваат остри изјави за јавноста и се’ ќе си биде исто како и овие осум години.

Во Македонија останува во важност со ништо неограничената доктрина дека победникот на изборите има апсолутна и неконтролирана власт. И извршна и парламентарна и судска и монетарна. Целосна контрола врз сите институции на системот и речиси сите јавни и приватни медиуми. На опозицијата не смее да и’ се прифати ниту еден предлог или закон. Останува трендот за продлабочување на сиромаштијата и бедата како логична последица на неуспешните политики во една од најсиромашните држави во Европа. Остануваат безработицата и безперспективноста колку и да филуваат владините пропагандисти. Остануваат на исто место закопани надежите за влез во ЕУ и во НАТО.

Мнозинството граѓани на Македонија најмалку уште четири години нема да дознаат дека блокираните демократски процеси се главната причина и за неуспешните економски реформи и за мизеријата во која живеат и за неостварените евроатлантски интеграции и добивките што произлегуваат од тоа и за нееднаквоста пред судските инстанци, за забошотување на организираниот криминал и корупцијата и за хроничниот недостиг од одговорност на политичките елити за злоупотреба на власта.

Нема коментари

Tags: , , , ,

Ал Џезира: Ерол Ризаов за политиката на СДСМ

Објавено на 11 May 2014 од erizaov

линк

Нема коментари

Tags: , , ,

Пропагандисти против светските Фридом Хаус и УСАИД

Објавено на 06 May 2014 од erizaov

Нема коментари


Photos from our Flickr stream

See all photos

Twitter


календар

May 2014
M T W T F S S
« Apr   Jul »
 1234
567891011
12131415161718
19202122232425
262728293031