Ориент експрес

pinokio

Ајде да се лажеме и мразиме, само да се пазиме

Мала ранг листа на најголемите лаги со кои партиските пропагандисти и медиуми ќе ја мотивираат јавноста и ќе собираат гласови за изборна победа. Некои од лагите се евергрини, вечни, тие никогаш не се менуваат, а секогаш наоѓаат стари и нови обожаватели кои сакаат да веруваат во ветувањата и да бидат излажани. Така луѓето се чуствуваат подобро до следните избори кога пак ќе бидат многу уважени и значајни
Прочитајте повеќе »
siljanovska

И по Ѓорге, Гордана

По таткото проф Ѓорге Иванов кој 10 години ни се одолжуваше несебично и татковски за сè што за него направила татковината, сега, се разбира ако ја избереме, ќе ни се одолжува за сè што направила мајковината за неговата учителка и ментор, нашата натпартиска мајка проф. Гордана Силјановска. По таткото стаса и мајката. Македонија е спасена. И по Ѓорге, Гордана. Божемски исто како и по Тито, Тито, ама многу поразлично
Прочитајте повеќе »
list

Монструмите треба да се згазнат кога се мали

Чудовиштата најлесно се уништуваат кога се во ембрионална фаза. Ако се дозволи да станат големи, тогаш, веќе ништо не им можете. Тој филм го гледавме во живо со години. Актуелната власт нема право да се правда со споредби кој повеќе, а кој помалку крадел и ја ограбувал државната каса и државниот имот, кој бил поголем, а кој помал арамија.
Прочитајте повеќе »
kompas

Север не е само страна на светот

...Север е состојба на духот, патување со умот, промена на свеста, постудени глави, помалку емоции, помалку минато, повеќе иднина, помалку кавга и омраза, а повеќе работа и љубов, помалку крадење и корупција, повеќе чесност и правда, повеќе еднаквост, помалку делби, повеќе слобода и демократија, повеќе одговорност, почиста човекова средина, подобро воспитување и образование, помалку примитивизам, провинционализам и популизам, повеќе култура, помалку простотилак, повеќе почитување на вредностите, на луѓето и на живиот свет, поголемо разбирање за различните од себе. Север е ознака за мудрост, толеранција и компромис, повеќе пријателство со комшиите и со сиот свет...
Прочитајте повеќе »
zaladuvanje

Погрешна временска прогноза

При оживувањето на замрзантите диносауруси по милион години ќе се дознае дека Северна Македонија не значело и промена на климата со поларни температури на територијата од Табановце до Гевгелија. Не било тоа глобално замрзнување, туку затоплување. Она што е најточно во историјата на името на државата е што сите досегашни промени, Федерална, Народна, Социјалистичка, Северна, вкључувајќи го и привременото име во ОН, е несоборливиот факт дека единствената константа која е непроменлива се зборовите Република Македонија.
Прочитајте повеќе »
Two-faced-Janus-702x336

Силјановска како Јанус со две лица

Од доктрината на професорката Силјановска во трка за натпартиска кандидатура во ВМРО-ДПМНЕ за претседател на државата разбрав како може човек од голем противник на сојузот со НАТО и на Преспанскиот договор, полн со неприфатливи отстапки кои го обезличуваат македонскиот народ под човечко достоинство да се прифати капитулантски договор со катастрофално штетни последици по националните интереси кои допрва ќе излезат на виделина, сите до една научни откритија на професорката, да упати честитки за големиот историски успех Македонија да стане членка на НАТО со добра изгледност набргу да ги почне и преговорите. Не се чудете. Во тоа нема ништо изненадувачко. Не го честиташе успехот професорката Силјановска, туку Јанус, второто нејзино лице
Прочитајте повеќе »
prespa

Никој нема да го смени договорот од Преспа

Ниту Христијан Мицкоски во Македонија, ниту било кој друг и кај нас и во Грција, ама баш никој нема да го чепне Преспанскиот Договор. Тој уште неколку години додека Македонија не стане членка на ЕУ ќе служи за квазипатриотски предизборни говори и лаги. Шансите на опозицијата за враќање на власт и за победа на претседателските избори се во подговеноста да се осуди бандата од партискиот врв која ја попречува правдата и бега од земјата. Шансата е и во тоа да се понудат подобри решенија за забрзување на реформските процеси и да се скрати времето за влез во ЕУ, а не во попречување на првадата, во лагите за поништување на историскиот договор и укинување на веќе стекнатите демократски права
Прочитајте повеќе »
Jovo-Vangelovski

Господ, па Вангеловски

Бидејќи Господ има своја правда, божја правда, поразлична од овоземната и не одлучува по световните, туку по небесните канони, тогаш, станува јасно дека претседателот на Врховниот суд има и свој простосмртен Господ, кој му издал свои заповеди, многу поразлични од божјите. Ги знаете божјите: не убивај, не кради, не лажи, не суди и не сведочи лажно ... и така со ред. По десетте божји заповеди се открива кој Господ управува со Врховниот суд да суди и одлучува за нешта кои не му се дадени за работа ни од Бога, ни од Уставот, ни од Собранието, ни од народот. Без владеење на правото Македонија ќе сатса до распад, а не до Европа
Прочитајте повеќе »
sud

Врховниот суд го оживува груевизмот

Срамниот и застрашувачки потег да се укине Специјалното обвинителство е освета на мафијата. Недостасува уште објавата потпишана лично од претседателот на Врховен суд Јово Вангеловски веднаш Никола Груевски да се врати во земјата со длабоко извинување за неправдите што му се нанесени
Прочитајте повеќе »
cipras

Лекцијата на Ципрас за патриотизам

Премиерот Алексис Ципрас неочекувано за еден балкански политичар одржа лекција во грчкиот парламент за тоа што е вистински патриотизам. На сите народи на Балканот и на цела Европа им кажа дека поголем патриотизам е да ги соопштиш доволно јасно и гласно црните петна од своето минато, отколку омразата на комшијата напластувана со децении баш од тие пропаганди да биде адут за освојување на власта. Кутра Македонија повторно по неа маршираат мрачни сили маскирани во патриоти да нè вратат назад во недојдија, наместо политичкиот натпревар да да се насочи кој побрзо ќе нè однесе до заедничката цел која е одредена пред 28 години. По сè изгледа дека заедничката цел била заедничка додека не стана остварлива
Прочитајте повеќе »